| جب کبھی سر کو تم جھکاؤ گے |
| ہم کو دل کے قریب پاؤ گے |
| موسموں سا مزاج رکھتے ہو |
| عہدِ الفت کہاں نبھاؤ گے |
| آپ سے گر سوالِ وصل کروں |
| سر کو اثبات میں ہلاؤ گے؟ |
| خوش رہو گے ہمارے بن کیسے؟ |
| ہجر میں کیسے مسکراؤ گے؟ |
| خود کو پرچھائیں میری کہتے ہو |
| تم اندھیرے میں چھوڑ جاؤ گے |
| ہر مصیبت اکیلے سہہ لوں گا |
| پر مسرت میں یاد آؤ گے |
| مشک چھپتی نہیں چھپانے سے |
| کس طرح پیار کو چھپاؤ گے؟ |
| مجھ کو سنگسار کرنے والے سُن |
| میری میت پہ پھول لاؤ گے |
| دھنستے جاؤ گے عشق دلدل میں |
| خود کو جتنا قمرؔ بچاؤ گے |
معلومات