تقطیع، شاعری اور بلاگ

Qazi Rashid Mateen Ahmad

@qrmahmad

13 مارچ
غزل

Qazi Rashid Mateen Ahmad
@qrmahmad

جانور سی رہے گی خُو کب تک ؟

خوں سے آتی رہے گی بُو کب تک؟

بربریت بنامِ مذہب کیوں؟

اس کی ہو گی بھلا نَمو کب تک؟

کب ہوس کی نماز ہو گی ادا ؟

خونِ ناحق سے اور وضو کب تک؟

جانور سی رہے گی خُو کب تک ؟

13 مارچ
غزل

Qazi Rashid Mateen Ahmad
@qrmahmad

تھی عیاں چہرے پہ دن بھر کی تھکن ٹوٹے تھے پر

لوٹ کر آئے جو پنچھی شام سے پہلے بھی گھر

آسماں پر اس طرح پھیلی ہے رنگوں کی دھنک

جس طرح بکھرا ہو کوئی ٹوٹ کر شوریدہ سر

راحتیں مہمان کی صورت ملیں، آئیں، گئیں

رہ گئے باقی غمِ تنہائی، میں، گھر کے شجر

تھی عیاں چہرے پہ دن بھر کی تھکن ٹوٹے تھے پر

13 مارچ
غزل

Qazi Rashid Mateen Ahmad
@qrmahmad

گردشِ حالات میں آئے ہوئے ہیں

جب سے تیری بات میں آئے ہوئے ہیں

دشمنوں سے قتل ناممکن ہے میرا

کیا بھلا سوغات میں آئے ہوئے ہیں؟

دشمنی خود سے نبھانے کے لیے ہم

آج اپنی گھات میں آئے ہوئے ہیں

گردشِ حالات میں آئے ہوئے ہیں

13 مارچ
غزل

Qazi Rashid Mateen Ahmad
@qrmahmad

تجھ پہ مرنے کے لیے کب سے یہ سودائی ہے

دل ہے پہلو میں مرے یا کوئی ہرجائی ہے

تجھ سے آباد کبھی دل کا جہاں تھا میرا

تیرے جاتے ہی مری جان پہ بن آئی ہے

اپنے آغوش سے اٹھنے نہیں دیتی مجھ کو

تجھ سے اچھی تو مرے یار یہ تنہائی ہے

تجھ پہ مرنے کے لیے کب سے یہ سودائی ہے

13 مارچ
غزل

Qazi Rashid Mateen Ahmad
@qrmahmad

تیری آنکھوں کے جو حصار میں ہے

کب ہمارے وہ اختیار میں ہے

جا بتاؤ مرے رقیبوں کو

غنچہء دل کھلا بہار میں ہے

آ جنوں! ہم بسیں وہاں جا کر

اجنبیت نہ جس دیار میں ہے

تیری آنکھوں کے جو حصار میں ہے

13 مارچ
غزل

Qazi Rashid Mateen Ahmad
@qrmahmad

زخم دل کا مہک ہی جانا ہے

یاد تیری تو اک بہانہ ہے

خود سے ملتا ہوں آئینوں میں اب

تجھ سے ملنے کا شاخسانہ ہے

تجھ سے مل کر میں بھول جاتا ہوں

زندگی درد کا فسانہ ہے

زخم دل کا مہک ہی جانا ہے

13 مارچ
غزل

Qazi Rashid Mateen Ahmad
@qrmahmad

عطائے دستِ قدرت نے عجب تقسیم رکھ دی ہے

بگولے ہیں چمن میں دشت میں تسنیم رکھ دی ہے

بہر صورت مجھے اب رُخ بدلنا ہے ہواؤں کا

سو میں نے طاقِ نسیاں پر خوئے تسلیم رکھ دی ہے

کہاں دن رات جاتے ہیں، کہاں سے لوٹ آتے ہیں؟

عناصر کے مرتب نے یہ کیا تنظیم رکھ دی ہے

عطائے دستِ قدرت نے عجب تقسیم رکھ دی ہے

13 مارچ
غزل

Qazi Rashid Mateen Ahmad
@qrmahmad

یاد تو مجھ کو بھی کیا ہو گا

جب کبھی خود سے وہ ملا ہوگا

شام کے سرمئی سے آنچل میں

اس کا چہرہ کھلا کھلا ہو گا

پھول ہونٹوں کو چومتے ہوں گے

وہ بھی خوشبو میں ڈھل گیا ہوگا

یاد تو مجھ کو بھی کیا ہو گا

13 مارچ
غزل

Qazi Rashid Mateen Ahmad
@qrmahmad

ایک ڈھونڈا تو صد نکل آئے

حاسدوں کے حسد نکل آئے

دھوپ ڈھلتے ہی بڑھ گئے سائے

سائیوں کے خال و خد نکل آئے

جاں گُسل ہے شعورِ آگاہی

اچھے اچھوں سے بد نکل آئے

ایک ڈھونڈا تو صد نکل آئے

13 مارچ
غزل

Qazi Rashid Mateen Ahmad
@qrmahmad

مطلبی لوگوں سے رکھوں واسطہ؟ ہوتا نہیں

بند گلیوں میں کہیں بھی راستہ ہوتا نہیں

دھیرے دھیرے سیکھتا ہے آدمی حالات سے

"ٹھوکریں کھانے سے پہلے تجربہ ہوتا نہیں "

اس قدر مصروفیت نے دور ہم کو کر دیا

اب تو خود سے بھی ہمارا رابطہ ہوتا نہیں

مطلبی لوگوں سے رکھوں واسطہ؟ ہوتا نہیں

13 مارچ
غزل

Qazi Rashid Mateen Ahmad
@qrmahmad

اب کوئی حادثہ نہیں باقی

شہر میں آشنا نہیں باقی

عشق سے ہوگئی طبیعت سیر

سر میں سودا رہا نہیں باقی

سوچ کے اس مہیب جنگل میں

یاد کا راستہ نہیں باقی

اب کوئی حادثہ نہیں باقی

13 مارچ
غزل

Qazi Rashid Mateen Ahmad
@qrmahmad

کس جگہ کس نگر ہے کہاں روشنی

ہر طرف ہے اندھیرا یہاں روشنی

چاند نکلا نہیں تارے حیران ہیں

ہے پریشاں بعید از گماں روشنی

شمعیں سب نے جلائیں سحر دم مگر

اک کرن تک نہ پھوٹی جواں روشنی

کس جگہ کس نگر ہے کہاں روشنی

13 مارچ
غزل

Qazi Rashid Mateen Ahmad
@qrmahmad

ڈرتے ڈرتے ٹھہر کے دیکھا ہے

آج اُسے آنکھ بھر کے دیکھا ہے

زندگی اس قدر حسیں ہو گی

اُس کی صورت پہ مر کے دیکھا ہے

یہ جزیرہ بھی چاند جیسا ہے

ان کے دل میں اُتر کے دیکھا ہے

ڈرتے ڈرتے ٹھہر کے دیکھا ہے

13 مارچ
غزل

Qazi Rashid Mateen Ahmad
@qrmahmad

وہی شور و آہ و فغاں ہے ہنوز

وہی درد کی داستاں ہے ہنوز

خدا کے سوا نا خدا ہیں کئی

کوئی شرک دل میں نہاں ہے ہنوز

نظر کیجیے جس طرف جس جگہ

وہی تیرگی کا جہاں ہے ہنوز

وہی شور و آہ و فغاں ہے ہنوز

13 مارچ
غزل

Qazi Rashid Mateen Ahmad
@qrmahmad

دل نے آفت عجب اٹھا لی ہے

نیند کس نے مری چرا لی ہے

ہم بہاروں کو پھول دیتے ہیں

اپنا دامن اگرچہ خالی ہے

ایک جگنو نے رات بھر دیکھو

اک کرن سے سحر اجالی ہے

دل نے آفت عجب اٹھا لی ہے

13 مارچ
غزل

Qazi Rashid Mateen Ahmad
@qrmahmad

یونہی الزام نہ اوروں پہ لگایا جائے

فرض اپنا ہے جو اس کو تو نبھایا جائے

کیا اسے چھوڑ دیں، جانے دیں جہاں جائے وہ؟

یا اسے روک کے پہلو میں بٹھایا جائے؟

پوچھ لی جائے طبیعت بھی ذرا آج اَن کی

وہ خفا ہیں تو انھیں جا کے منایا جائے

یونہی الزام نہ اوروں پہ لگایا جائے

13 مارچ
غزل

Qazi Rashid Mateen Ahmad
@qrmahmad

حُسن و وفا کا ایک سمندر ہیں آنکھیں اور دھارے دو

شرم و حیا کا زیور اوڑھے نین جھکے ہیں پیارے دو

نیلی جھیل سی ان آنکھوں میں کتنے ساون ڈوب گئے

سب کچھ سہہ کر پی جاتے ہیں نین کنول مٹیارے دو

چوری چوری چپکے چپکے دل میں وہ گھُس جاویں ہیں

لاکھ بچانا چاہیں دل، پر لے جاویں ہتھیارے دو

حُسن و وفا کا ایک سمندر ہیں آنکھیں اور دھارے دو

13 مارچ
غزل

Qazi Rashid Mateen Ahmad
@qrmahmad

اکیلا تھا مگر تنہا نہیں تھا

میں خود سے لڑ کے بھی ہارا نہیں تھا

بغاوت راس آنے لگ گئی تھی

کسی سے دل مرا ڈرتا نہیں تھا

مرا دشمن یہ سمجھا، مٹ چکا ہوں

میں ٹوٹا تھا،مگر بکھرا نہیں تھا

اکیلا تھا مگر تنہا نہیں تھا

13 مارچ
غزل

Qazi Rashid Mateen Ahmad
@qrmahmad

آج پھر درپیش ہے خود آگہی کا ہی سفر

پھر رہے ہیں کوچہ کوچہ قریہ قریہ در بہ در

اے خدائے شش جہت مجھ کو بھی وہ ایقان دے

جس سے ہو پیدا دعاؤں میں مری بھی کچھ اثر

کس قدر انعام ہیں مجھ پر ترے اے کردگار!

تو نے مجھ کو کر دیا ہے ایک پتھر سے گہر

آج پھر درپیش ہے خود آگہی کا ہی سفر

13 مارچ
غزل

Qazi Rashid Mateen Ahmad
@qrmahmad

شہر میں تھا ہر ایک گھر خالی

لوٹ آیا جو نامہ بر خالی

کچھ تو دیدار کی ملے خیرات

کب سے ہے کاسئہ نظر خالی

میں کسی بات سے نہیں ڈرتا

ہاں ترے ہجر کا ہے ڈر خالی

شہر میں تھا ہر ایک گھر خالی

13 مارچ
غزل

Qazi Rashid Mateen Ahmad
@qrmahmad

آنکھوں آنکھوں میں بٹ گئے کیسے

میرے غم تم سے پٹ گئے کیسے

میں نے پھولوں کو صرف چوما تھا

یہ مرے ہونٹ کٹ گئے کیسے

میں تو دامن بچا کے گزرا تھا

مجھ سے کانٹے لپٹ گئے کیسے

آنکھوں آنکھوں میں بٹ گئے کیسے

13 مارچ
غزل

Qazi Rashid Mateen Ahmad
@qrmahmad

حادثہ حادثہ نہیں لگتا

دل کو اب کچھ بُرا نہیں لگتا

ایسا لگتا ہے میں ادھورا ہوں

مجھ سے خوش آئینہ نہیں لگتا

بن ترے کیسے دل لگاؤں میں؟

بن ترے دل مرا نہیں لگتا

حادثہ حادثہ نہیں لگتا

13 مارچ
غزل

Qazi Rashid Mateen Ahmad
@qrmahmad

میں یار کا بیمار تھا دی مجھکو دوا اور

نادان طبیبوں نے دیا روگ بڑھا اور

یارب مرے سجدوں کو ہے کافی ترا دربار

" درکار نہیں مجھکو کوئی تیرے سوا اور"

یکتا ہے یگانہ ہے احد ہے تو صمد ہے

کیا تیرے سوا کوئی ہے دنیا میں خدا اور ؟

میں یار کا بیمار تھا دی مجھکو دوا اور

13 مارچ
غزل

Qazi Rashid Mateen Ahmad
@qrmahmad

مجھ کو تو یہ بھی مرحلہ دشوار ہی رہا

اس کا ہمیشہ ملنے سے انکار ہی رہا

ہاں فائدہ تو کچھ نہ دیا عشق میں مگر

دلبر ہمیشہ باعث آزار ہی رہا

اک شان برقرار رہی مفلسی میں بھی

لٹ کر بھی میں تو صاحب کردار ہی رہا

مجھ کو تو یہ بھی مرحلہ دشوار ہی رہا

13 مارچ
غزل

Qazi Rashid Mateen Ahmad
@qrmahmad

اب کے عدو کی آنکھ بھی حیران ہو گئی

وہ یوں گیا کہ زندگی ویران ہو گئی

اُلجھی ہوئی تھی میری غزل دشت میں کہیں

غم سے ملی تو اور پریشان ہو گئی

خود کو سنبھالنے میں کٹی عمرِ مختصر

سنبھلے ہی تھے کہ پھر سے پریشان ہو گئی

اب کے عدو کی آنکھ بھی حیران ہو گئی

13 مارچ
غزل

Qazi Rashid Mateen Ahmad
@qrmahmad

جو شاخ سے ٹپکا وہ لہو تازہ نہیں ہے

مرجھائے ہوئے گل کو یہ اندازہ نہیں ہے

الفت کی چمک چہرے پہ رقصاں ہے مسلسل

اس کے رخ تاباں پہ کوئی غازہ نہیں ہے

دل درد کے گن گاتا ہے یہ درد ہے کیسا

یہ عشق کی جرات کا تو خمیازہ نہیں ہے

جو شاخ سے ٹپکا وہ لہو تازہ نہیں ہے

13 مارچ
غزل

Qazi Rashid Mateen Ahmad
@qrmahmad

خود سے ہو کر جدا رہا ہوں میں

عشق میں مبتلا رہا ہوں میں

ہو چکی ہیں سماعتیں گونگی

کب سے خود کو بلا رہا ہوں میں

آج بادِ خزاں کی زد میں ہوں

ایک مدت ہرا رہا ہوں میں

خود سے ہو کر جدا رہا ہوں میں

13 مارچ
غزل

Qazi Rashid Mateen Ahmad
@qrmahmad

جیت پہ شک ہے ہار پہ شک ہے

مجھ کو ہر کردار پہ شک ہے

قاضی پر سالار پہ شک ہے

کٹھ پُتلی سرکار پہ شک ہے

گھر گھر پھیلی فرقہ بندی

دیں کے ٹھیکہ دار پہ شک ہے

جیت پہ شک ہے ہار پہ شک ہے

13 مارچ
غزل

Qazi Rashid Mateen Ahmad
@qrmahmad

تو کہاں یونہی ہاتھ آیا ہے

خاک چھانی ہے تجھ کو پایا ہے

حدِ ادراک سے نکل باہر

تو نے خود کو کہاں پھنسایا ہے

چھو نہ پائے کبھی خزاں جس کو

صحن میں وہ شجر لگایا ہے

تو کہاں یونہی ہاتھ آیا ہے

13 مارچ
غزل

Qazi Rashid Mateen Ahmad
@qrmahmad

رکھے ہوئے ہیں طاق پر اک دو چراغ بھی

یعنی کہ تیری یاد کے تازہ ہیں داغ بھی

دل ہی نہیں ہے، روح بھی تیری اسیر ہے

سوچوں میں تیری محو ہے میرا دماغ بھی

خود سے بھی اب تو ملنے کے امکاں نہیں رہے

ملتا نہیں ہے ڈھونڈے سے اپنا سراغ بھی

رکھے ہوئے ہیں طاق پر اک دو چراغ بھی

13 مارچ
غزل

Qazi Rashid Mateen Ahmad
@qrmahmad

تارے توڑ کے لا سکتا ہوں

تیری مانگ سجا سکتا ہوں

اک اک خواہش کو دفنا کر

نفس پہ قابو پا سکتا ہوں

تو جو چاہے تیری خاطر

اپنا آپ گنوا سکتا ہوں

تارے توڑ کے لا سکتا ہوں

13 مارچ
غزل

Qazi Rashid Mateen Ahmad
@qrmahmad

دیکھنے لگ گیا ہر ستارہ مجھے

پیار سے جب بھی اس نے پکارا مجھے

اس جہاں میں فقط اک حقیقت ہو تم

باقی ہر شے لگے استعارا مجھے

اب کے سود و زیاں سے مبرا ہوں میں

راس آنے لگا ہے خسارہ مجھے

دیکھنے لگ گیا ہر ستارہ مجھے

13 مارچ
غزل

Qazi Rashid Mateen Ahmad
@qrmahmad

آنکھ کے کاجل سے چن لے رتجگوں کے سلسلے

دور تک پھیلے ہوئے ہیں وحشتوں کے سلسلے

درد کی پہنائیوں سے پھوٹتی ہے راگنی

سلسلہ در سلسلہ ہیں نفرتوں کے سلسلے

موت کے پہلو میں بیٹھی سوچتی ہے زندگی

کس طرح ہاتھ آئیں گے اب راحتوں کے سلسلے

آنکھ کے کاجل سے چن لے رتجگوں کے سلسلے

13 مارچ
غزل

Qazi Rashid Mateen Ahmad
@qrmahmad

امر ہو رہا ہوں میں اشکوں میں ڈھل کے

گنہ دھل رہے ہیں مرے یوں ازل کے

یہ آنکھوں کے سورج بھی معجز نما ہیں

ترے آستاں پر جو آئین پگھل کے

جو کل تک تھے شامل حبیبوں میں اپنے

ہوئے آج دشمن نگاہیں بدل کے

امر ہو رہا ہوں میں اشکوں میں ڈھل کے

13 مارچ
غزل

Qazi Rashid Mateen Ahmad
@qrmahmad

کیا عجب سی روشنی ہے اس نیارے شہر میں

جگنوؤں سے قمقمے جلتے ہیں سارے شہر میں

کون ہے اپنا یہاں، پردیس ہے، پردیس میں

ڈھونڈتا پھرتا ہے دل! کس کو اُدھارے شہر میں

کیا بتائیں حال تم کو اس دلِ بیکار کا

جسم ہے ساتھی مرا دل ہے تمہارے شہر میں

کیا عجب سی روشنی ہے اس نیارے شہر میں

13 مارچ
غزل

Qazi Rashid Mateen Ahmad
@qrmahmad

ابلیس کے مآل کے نگران ہوگئے

بندے خداکے دیکھیے شیطان ہو گئے

مجھ پر لگا کے کفر کا فتوی جنابِ من

کچھ لوگ آج صاحبِ ایمان ہو گئے

سچے تھے ہم حسین کے رستے پہ چل پڑے

اور وہ یزیدِ وقت کے مہمان ہو گئے

ابلیس کے مآل کے نگران ہوگئے

13 مارچ
غزل

Qazi Rashid Mateen Ahmad
@qrmahmad

دیوانگی برنگِ محبت شعورِ ذات

بنتا ہے آدمی ولی، بعد از ترقیات

کچھ حادثے بھی دل کی زمیں کر گئے گداز

کچھ وارداتِ عشق نے کر دیں تجلیات

پھیلی تو پھیلتی ہی چلی جا رہی ہے یہ

سمٹی ہوئی تھی ذرے میں یہ ساری کائنات

دیوانگی برنگِ محبت شعورِ ذات

13 مارچ
غزل

Qazi Rashid Mateen Ahmad
@qrmahmad

کلی کلی ہے مضمحل چمن چمن اداس ہے

روش روش پہ حسرتیں ہیں شاخ شاخ یاس ہے

کہیں کوئی حسین دل سسک رہا ہے شام سے

فضا میں کچھ نمی سی ہے ہوا میں اس کی باس ہے

دریدہ دل بھی جی رہے ہیں شہرِ نا سپاس میں

مگر اداس آنکھ میں وفا کی التماس ہے

کلی کلی ہے مضمحل چمن چمن اداس ہے

13 مارچ
غزل

Qazi Rashid Mateen Ahmad
@qrmahmad

شب سکوتِ مرگ طاری تھا سبھی اشجار پر

پتا تک ہلتا نہ تھا تعزیر تھی گفتار پر

کیا اثر کرتی دوا بھی تیرے اُس بیمار پر

زندگی موقوف تھی جس کی ترے دیدار پر

پھر عجب انداز سے گلشن میں اتری ہے بہار

ہر کلی زخمائی ہے اور ہر کلی ہے خار پر

شب سکوتِ مرگ طاری تھا سبھی اشجار پر

13 مارچ
غزل

Qazi Rashid Mateen Ahmad
@qrmahmad

خاک اپنی اُڑا رہا ہوں میں

خود کو کندن بنا رہا ہوں میں

پانچوں گھی میں ہیں سر کڑاہی میں

عیش میں دن بتا رہا ہوں میں

میرے بد خواہ ہاتھ ملتے ہیں

اپنا سکہ جما رہا ہوں میں

خاک اپنی اُڑا رہا ہوں میں

13 مارچ
غزل

Qazi Rashid Mateen Ahmad
@qrmahmad

یہ ہنر بھی ہمیں سکھا جاؤ

کیسے بھولیں تمہیں بتا جاؤ

دل کی شاخوں پہ رقص کرتی ہوئی

یادوں کی تتلیاں اڑا جاؤ

نیم وحشی زمانہ کہتا ہے

آؤ! پورا مجھے بنا جاؤ

یہ ہنر بھی ہمیں سکھا جاؤ

13 مارچ
غزل

Qazi Rashid Mateen Ahmad
@qrmahmad

یہ بھی ہونا ہے سانحہ پھر سے

اس کو ہو جانا ہے جدا پھر سے

ایک طوفان آنے والا ہے

کہتی پھرتی ہے یہ ہوا پھر سے

کب سے اپنی تلاش میں گم ہوں

کاش ہو جائے رابطہ پھر سے

یہ بھی ہونا ہے سانحہ پھر سے

13 مارچ
غزل

Qazi Rashid Mateen Ahmad
@qrmahmad

جتنے بھی آسماں پہ تارے ہیں

عکس یہ میری جاں تمہارے ہیں

تم حقیقت ہو زندگانی کی

باقی جتنے ہیں استعارے ہیں

سارے وصل و فراق کے لمحے

ہم نے اشعار میں اتارے ہیں

جتنے بھی آسماں پہ تارے ہیں

13 مارچ
غزل

Qazi Rashid Mateen Ahmad
@qrmahmad

سونپ دی ہے جو امانت دیکھنا

عمر بھر کی ہے ریاضت دیکھنا

چار سو جلوہ نما وہ یار ، پر

"ڈھونڈنے والوں کی غفلت دیکھنا"

زندگی بھر چھاؤں کی امید میں

تپتے سورج کی تمازت دیکھنا

سونپ دی ہے جو امانت دیکھنا

13 مارچ
غزل

Qazi Rashid Mateen Ahmad
@qrmahmad

تمہیں بتاؤں میں کیسے کہ میرے کیا تم ہو

مری حیات ہو، سانسوں کا سلسلہ تم ہو

حسین شوخ ہو چنچل ہو دلربا تم ہو

بِنائے عشق و محبت کی انتہا تم ہو

مرے حبیب ہو غم خوار ہو عطا تم ہو

تمام عمر جو مانگی ہے وہ دعا تم ہو

تمہیں بتاؤں میں کیسے کہ میرے کیا تم ہو

13 مارچ
غزل

Qazi Rashid Mateen Ahmad
@qrmahmad

ان کے کوچے میں گر گئے ہوتے

ہم بھی کچھ کچھ سنور گئے ہوتے

گر نہ ملتا تمھارا ساتھ ہمیں

ٹوٹ کر ہم بکھر گئے ہوتے

تم نے جانا تھا جاں بھی لے جاتے

کچھ تو احسان کر گئے ہوتے

ان کے کوچے میں گر گئے ہوتے

13 مارچ
غزل

Qazi Rashid Mateen Ahmad
@qrmahmad

روٹھنےوالے یہ لمحات منا لیں صاحب !

دیکھیے یوں نہ مری بات کو ٹالیں صاحب !

شام کا رقص ہوا ختم کہ رات آئی ہے

مانگ تاروں سے ذرا ان کی سجا لیں صاحب !

زلف چہرے پہ بہت خوب ہے پر جان حیات

باندھیے ابر، ذرا چاند نکالیں صاحب !

روٹھنےوالے یہ لمحات منا لیں صاحب !

13 مارچ
غزل

Qazi Rashid Mateen Ahmad
@qrmahmad

ہم محبت تو کم نہیں کرتے

ہاں فسانے رقم نہیں کرتے

دل دکھاتے ہو روٹھ جاتے ہو

اس طرح تو صنم نہیں کرتے

پیار تو کیا بڑھاؤ گے تم لوگ

دل کی نفرت بھی کم نہیں کرتے

ہم محبت تو کم نہیں کرتے

13 مارچ
غزل

Qazi Rashid Mateen Ahmad
@qrmahmad

نہیں منظور مجھ کو درد کی تشہیر رہنے دو

تم اپنے غم نہ لو مجھ سے مری جاگیر رہنے دو

نئی آیات نازل ہو رہی ہیں عشق کی ہم پر

تلاوت کر رہے ہیں ہم ابھی تفسیر رہنے دو

ذرا نظریں جھکاؤں دیکھ لوں میں یار کا چہرہ

مرے اس دل کے کینوس پر چھپی تصویر رہنے دو

نہیں منظور مجھ کو درد کی تشہیر رہنے دو

13 مارچ
غزل

Qazi Rashid Mateen Ahmad
@qrmahmad

چاندنی اوڑھے ہوئے سیماب تن تازہ کلی

کل اچانک خواب میں آئی مرے وہ جل پری

کس قدر معصوم تھی وہ حسن کی جادو گری

روپ جس کا تھا سنہرا زندگی سے تھی بھری

زلف سے کرنیں ٹپکتی تھیں کہ جیسے روشنی

آئی تھی سورج کی ٹکیا سے نہا کر وہ ابھی

چاندنی اوڑھے ہوئے سیماب تن تازہ کلی

13 مارچ
غزل

Qazi Rashid Mateen Ahmad
@qrmahmad

دل خوشی سے نہال پاگل

ڈالتا ہے دھمال پاگل

حال پوچھا ہے آج اُس نے

آج ہے دن کمال... پاگل!

ہوش کھو دے نہ یہ زمانہ

حُسن اپنا سنبھال، پاگل!

دل خوشی سے نہال پاگل

13 مارچ
غزل

Qazi Rashid Mateen Ahmad
@qrmahmad

جہانِ عشق میں ہم لوگ معجزہ کرتے

نگاہِ یار کے تیور اگر پڑھا کرتے

ستارے توڑ کے لے آتے مانگ بھرنے کو

فلک کے چاند کو بے رنگ کر دیا کرتے

ہم آسمان کو مٹھی میں کر بھی سکتے تھے

ذرا سا تم جو مری جان حوصلہ کرتے

جہانِ عشق میں ہم لوگ معجزہ کرتے

13 مارچ
غزل

Qazi Rashid Mateen Ahmad
@qrmahmad

اک دن ایسا کر جاؤں گا

خاموشی سے مر جاؤں گا

جیون کی اِس جھیل میں بہہ کر

میں بھی پار اتر جاؤں گا

پھر نہ مجھ کو ڈھونڈ سکو گے

لوٹ کے جب میں "گھر" جاؤں گا

اک دن ایسا کر جاؤں گا

13 مارچ
غزل

Qazi Rashid Mateen Ahmad
@qrmahmad

زندگی تیری طرف پھر سے بڑھا دیتا ہے

جب بھی ملتا ہے نیا غم وہ مزا دیتا ہے

سرمئی شال لیے سرد ہوا کا آنچل

شام ہوتے ہی تری یاد جگا دیتا ہے

برف ہوتی ہوئی یخ بستہ سیہ شب میں بھی

دھیمے لہجے سے کوئی آگ لگا دیتا ہے

زندگی تیری طرف پھر سے بڑھا دیتا ہے

13 مارچ
غزل

Qazi Rashid Mateen Ahmad
@qrmahmad

یہ اور بات کہ ہم نے تمہیں پکارا نہیں

مگر تمہارے سوا کوئی بھی ہمارا نہیں

اگر یہ جان ہی لینی ہے؟آؤ لے جاؤ

پہ روز روز کا مرنا مجھے گوارا نہیں

مری حیات کے لمحے تھے مختصر جاناں

ہزاروں غم تھے جنہیں چاہ کر سنوارا نہیں

یہ اور بات کہ ہم نے تمہیں پکارا نہیں

13 مارچ
غزل

Qazi Rashid Mateen Ahmad
@qrmahmad

تیرا قانون یہی سب کو پتا دیتا ہے

جب بھی حق آتا ہے باطل کو مٹا دیتا ہے

دل کے مندر میں ہیں اصنام کئی مدت سے

اور اک دل ہے کہ تجھکو ہی صدا دیتا ہے

_____ ق _____

کیا بتاؤں کہ ہے کس شان کا مولا میرا

تیرا قانون یہی سب کو پتا دیتا ہے

13 مارچ
غزل

Qazi Rashid Mateen Ahmad
@qrmahmad

بُرے حالات ہونے میں ابھی کچھ دیر ہے باقی

نئی آفات ہونے میں ابھی کچھ دیر ہے باقی

ابھی دن کا اُجالا ہے ابھی خوشیوں کا میلہ ہے

غموں کی رات ہونے میں ابھی کچھ دیر ہے باقی

ابھی احساس ہے زندہ، ابھی سر سبز ہیں سوچیں

خزاں کا پات ہونے میں ابھی کچھ دیر ہے باقی

بُرے حالات ہونے میں ابھی کچھ دیر ہے باقی

13 مارچ
غزل

Qazi Rashid Mateen Ahmad
@qrmahmad

پہلے مجرم اناڑی ہوتا ہے

بعد میں اشتہاری ہوتا ہے

علم تو علم ہے میاں وہ کب

آبی، خاکی، یا ناری ہوتا ہے

چُن کے مسند پہ آپ لاتے ہیں

جو بھی اچھا مداری ہوتا ہے

پہلے مجرم اناڑی ہوتا ہے

13 مارچ
غزل

Qazi Rashid Mateen Ahmad
@qrmahmad

عشق تھا یا خمار تھا؟ نہ رہا

وہ جنوں تھا کہ پیار تھا?؟ نہ رہا

مر مٹا آپ ہی پہ بالآخر

دل پہ کچھ اختیار تھا، نہ رہا

شبنمی آنکھ ہو گئی پتھر

ضبط پر اختیار تھا، نہ رہا

عشق تھا یا خمار تھا؟ نہ رہا

13 مارچ
غزل

Qazi Rashid Mateen Ahmad
@qrmahmad

ہم نے صحرا سے کئی راز نہانی سیکھے

ہو گئے خاک تو پھر خاک اڑانی سیکھے

کب ہے آسان کہ رشتوں کا بھرم رکھے کوئی

خونِ دل ہو گیا تب ریت نبھانی سیکھے

مدتیں لگ گئیں الفاظ کو چنتے چنتے

ڈھل گئی عمر تو ہم بات بنانی سیکھے

ہم نے صحرا سے کئی راز نہانی سیکھے

13 مارچ
غزل

Qazi Rashid Mateen Ahmad
@qrmahmad

حضرتِ شیطان سے لگتا ہے ڈر

آج کے انسان سے لگتا ہے ڈر

ماورائے عقل ہیں سب فیصلے

عدل کی میزان سے لگتا ہےڈر

کب تلک نفرت کی فصلیں بوئے گا

کھیت کو دہقان سے لگتا ہےڈر

حضرتِ شیطان سے لگتا ہے ڈر

13 مارچ
غزل

Qazi Rashid Mateen Ahmad
@qrmahmad

دل میں دل بر کی یاد بھی نہ رہے

اے خدا ایسی بے بسی نہ رہے

دل میں حدت سا کوئی جزبہ ہو

برف احساس پر جمی نہ رہے

ایسا جیون مجھے نہیں درکار

جس میں کوئی خوشی نہ رہے

دل میں دل بر کی یاد بھی نہ رہے

13 مارچ
غزل

Qazi Rashid Mateen Ahmad
@qrmahmad

یہ کیسی رسمِ عاشقی یہ کیسا میری جان پیار؟

ابھی ابھی ملے ہیں ہم ابھی سے کر لیں اعتبار ؟

ابھی تو ٹھیک سے تمہارا نام بھی ہوا نہ یاد

پہ یہ بھی بات سچ ہے دل ترے لیے ہے بے قرار

ابھی نگاہِ شوق ہے تمہاری دید کی اسیر

ابھی نہ منہ چھپائیے بس اک نظر اور ایک بار

یہ کیسی رسمِ عاشقی یہ کیسا میری جان پیار؟

13 مارچ
غزل

Qazi Rashid Mateen Ahmad
@qrmahmad

جنگل شہر میں آ سکتا ہے

کچھ بھی سوچا جا سکتا ہے

تجھ کو دیکھ کے سچ کہتا ہوں

صحرا پھول کھلا سکتا ہے

پینٹ کروں آواز جو تیری

کینوس گیت سنا سکتا ہے

جنگل شہر میں آ سکتا ہے

13 مارچ
غزل

Qazi Rashid Mateen Ahmad
@qrmahmad

آج بھی پیار کو مٹانے کی

کوششیں لاکھ ہیں زمانے کی

دیکھ کر تم کو کھو دیا ہم نے

دل بھلا چیز تھی گنوانے کی ؟

تیرے بسمل تھے، یونہی مر جاتے

کیا ضرورت تھی مسکرانے کی

آج بھی پیار کو مٹانے کی

13 مارچ
غزل

Qazi Rashid Mateen Ahmad
@qrmahmad

اس کو مجبوری بتانی پڑ گئی

جان مشکل سے چھڑانی پڑ گئی

ہوگئ بیوہ وہ جب سے خوبرو

اس کے پیچھے بد گمانی پڑ گئی

مفلسی میں کون جیتا ہے بھلا؟

اس کو مجبورا ّ نبھانی پڑ گئی

اس کو مجبوری بتانی پڑ گئی

13 مارچ
غزل

Qazi Rashid Mateen Ahmad
@qrmahmad

پتھر راہ سے ہٹ جاتے ہیں

جو منزل کو ڈٹ جاتے ہیں

رب راضی ہو تو پانی سے

خود سر پتھر کٹ جاتے ہیں

دل میں جب آ جائے دُوری

گھر آنگن سب بٹ جاتے ہیں

پتھر راہ سے ہٹ جاتے ہیں

13 مارچ
غزل

Qazi Rashid Mateen Ahmad
@qrmahmad

اپنا جینا محال کرتا ہے

آدمی کیا کمال کرتا ہے

نفسانفسی ہے افرا تفری ہے

کون کس کا خیال کرتا ہے

تیرے پُرکھوں نے کیا دیا تجھ کو؟

میرا بچہ سوال کرتا ہے

اپنا جینا محال کرتا ہے

13 مارچ
غزل

Qazi Rashid Mateen Ahmad
@qrmahmad

اب تو یاد بھی نہیں ہجر کے عذاب میں

دیکھتے ہی دیکھتے کٹ گئی سراب میں

زندگی کا ماحصل وہ جو ایک شخص تھا

کر گیا ہے نذرِ غم چاہتوں کے باب میں

ساحلوں کی ریت سے سیپیاں وہ یاد کی

لے گئی سمیٹ کر موج اک حُباب میں

اب تو یاد بھی نہیں ہجر کے عذاب میں

13 مارچ
غزل

Qazi Rashid Mateen Ahmad
@qrmahmad

عجب رتیں ہیں عذاب موسم

ہوئے ہوں جیسے کہ خواب موسم

جہاں سمندر کا راج تھا کل

وہیں بسے ہیں سراب موسم

بہارِ رفتہ سے کوئی کہہ دے

نہ ڈھونڈے اب وہ گلاب موسم

عجب رتیں ہیں عذاب موسم

13 مارچ
غزل

Qazi Rashid Mateen Ahmad
@qrmahmad

در سلامت نہ گھر سلامت ہے

شر پسندوں کا شر سلامت ہے

کون کس کا سہارا بنتا ہے

نفسانفسی ہے ڈر سلامت ہے

دُھول اُڑتی ہے صحنِ گلشن میں

ایک سوکھا شجر سلامت ہے

در سلامت نہ گھر سلامت ہے

13 مارچ
غزل

Qazi Rashid Mateen Ahmad
@qrmahmad

بکھری بکھری ذات ہماری

کیا ہم کیا اوقات ہماری

خوشیاں ہم کو راس نہیں ہیں

غم ہیں اب سوغات ہماری

بن ساون بھی اب رہتی ہے

آنکھوں سے برسات ہماری

بکھری بکھری ذات ہماری

13 مارچ
غزل

Qazi Rashid Mateen Ahmad
@qrmahmad

دوستوں نے بھی دشمنی کی ہے

ہر برائی میں یاوری کی ہے

حالِ دل ہوگیا عیاں ان پر

اب کے آنکھوں نے مخبری کی ہے

آپ اچھے ادیب ہیں بھائی!

آپ نے خوب "روشنی" کی ہے

دوستوں نے بھی دشمنی کی ہے

13 مارچ
غزل

Qazi Rashid Mateen Ahmad
@qrmahmad

دل یہ تجھ پر نثار سا کچھ ہے

پیار ہے یا کہ پیار سا کچھ ہے

آپ معصوم بھی ہیں سادہ بھی

آپ کا اعتبار سا کچھ ہے

دل کے بدلے میں دل کا سودا ہے

عشق بھی کارو بار سا کچھ ہے

دل یہ تجھ پر نثار سا کچھ ہے

13 مارچ
غزل

Qazi Rashid Mateen Ahmad
@qrmahmad

حوصلہ بحال کر

تو دعا کو ڈھال کر

دیں تری مثال سب

خود کو بے مثال کر

شعر گوئی چھوڑ دے

یا کوئی کمال کر

حوصلہ بحال کر

13 مارچ
غزل

Qazi Rashid Mateen Ahmad
@qrmahmad

اپنے ایمان کی پختگی کیجیئے

بندگی دل سے معبود کی کیجئے

تیرگی ہے جہالت کی پھیلی ہوئی

نیک اعمال سے روشنی کیجیئے

بات وہ کیجیئے دل کو چھو جائے جو

گفتگو ہم سے مت بے تکی کیجیئے

اپنے ایمان کی پختگی کیجیئے

13 مارچ
غزل

Qazi Rashid Mateen Ahmad
@qrmahmad

تمہیں لگتا ہے گھبرایا ہوا ہوں

نہیں، میں ہوش میں آیا ہوا ہوں

رہے ہیں جو، ہمیشہ دھوپ بن کر

میں ان کے واسطے سایا ہوا ہوں

ہیں مارِ آستیں کچھ یار اپنے

جنہیں دل کے قریں لایا ہوا ہوں

تمہیں لگتا ہے گھبرایا ہوا ہوں

13 مارچ
غزل

Qazi Rashid Mateen Ahmad
@qrmahmad

مجھ سے میرا جہان مت لیجے

یاد کا سائبان مت لیجے

نقد سودا ہے کیجئے لیکن

لیجیے دل، یہ جان مت لیجے

مان ہے آپ کی محبت پر

آپ مجھ سے یہ مان مت لیجے

مجھ سے میرا جہان مت لیجے

13 مارچ
غزل

Qazi Rashid Mateen Ahmad
@qrmahmad

یہ زمیں ہے نہ آسماں میرا

ہے کوئی اور ہی جہاں میرا

آپ کے نام پر دھڑکتا ہے

دل یہ میرا بھی ہے کہاں میرا

اب کے آنکھوں نے بے وفائی کی

رازِ دل کر دیا عیاں میرا

یہ زمیں ہے نہ آسماں میرا

13 مارچ
غزل

Qazi Rashid Mateen Ahmad
@qrmahmad

لے کے میں جھولی میں ہوں آیا ہوا

عمر بھر میں جو بھی سرمایہ ہوا

اکتسابِ فیض مجھ سے کیجئیے

میں نے بھی ہے عشق فرمایا ہوا

عین ممکن ہے کہ خود سے میں ملوں

آج کل میں خود میں ہوں آیا ہوا

لے کے میں جھولی میں ہوں آیا ہوا

13 مارچ
غزل

Qazi Rashid Mateen Ahmad
@qrmahmad

جب سے پلٹ کے زیست محبت میں آئی ہے

تاثیر تیرے پیار کی ہمراہ لائی ہے

پھولوں نے جان دے کے یہ قیمت چکائی ہے

دستِ صبا کے ہاتھ میں خوشبو تھمائی ہے

خاموشیوں کی گونج سے گبھرا کے ایک چیخ

دیوار و در کی قید سے باہر تو آئی ہے

جب سے پلٹ کے زیست محبت میں آئی ہے

13 مارچ
غزل

Qazi Rashid Mateen Ahmad
@qrmahmad

خود نگہہ دار کب سنبھلتے ہیں

آگ میں وہ انا کی جلتے ہیں

شام کے وقت چاند تارے بھی

ڈوبتے دوست کو نگلتے ہیں

کب ہے تنہا تو عشق کی رہ پر

غم ترے ساتھ ساتھ چلتے ہیں

خود نگہہ دار کب سنبھلتے ہیں

13 مارچ
غزل

Qazi Rashid Mateen Ahmad
@qrmahmad

مری چاہتوں کا جہاں دوسرا ہے

زمیں دوسری آسماں دوسرا ہے

ہر اک شاخ پر زخم کھلنے لگے ہیں

بہاروں کا اب کے سماں دوسرا ہے

کمی گر نہیں ہے تری چاہتوں میں

تو کیوں آج طرزِ بیاں دوسرا ہے

مری چاہتوں کا جہاں دوسرا ہے

13 مارچ
غزل

Qazi Rashid Mateen Ahmad
@qrmahmad

پھر رہی ہے گمان میں منزل

جانے ہے کس جہان میں منزل

ڈھونڈنے سے خدا بھی ملتا ہے

ہاں، اگر ہو دھیان میں منزل

میں ابھی راستے میں تھا ، یکدم

آ گئی درمیان میں منزل

پھر رہی ہے گمان میں منزل

13 مارچ
غزل

Qazi Rashid Mateen Ahmad
@qrmahmad

خواب کو چیر کے تعبیر میں در آیا تھا

رات آنگن میں مرے چاند اتر آیا تھا

مرحلہ عشق کا آسان نہیں تھا لیکن

پار یہ آگ کا دریا بھی میں کر آیا تھا

مار کر اپنی انا عشق بچا لایا ہوں

صُحبتِ قیس کا اتنا تو اثر آیا تھا

خواب کو چیر کے تعبیر میں در آیا تھا

13 مارچ
غزل

Qazi Rashid Mateen Ahmad
@qrmahmad

منتظر نیند کے اشارے پر

خواب ہیں آنکھ کے کنارے پر

دل نہ واروں تو اور کیا واروں

ان کے دلکش حسیں نظارے پر

سوچتا ہوں کہ توڑ لاؤں میں

ہے نظر کب سے اک ستارے پر

منتظر نیند کے اشارے پر

13 مارچ
غزل

Qazi Rashid Mateen Ahmad
@qrmahmad

سمندر سوکھ کر صحرا ہوئے ہیں

کسی کی آنکھ کا صدقہ ہوئے ہیں

میں اپنا راستہ خود ہی چنوں گا

بنے رہبر یہاں جہلا ہوئے ہیں

محبت کا بھرم رکھنا پڑا ہے

ترے وعدے کہاں ایفا ہوئے ہیں

سمندر سوکھ کر صحرا ہوئے ہیں

13 مارچ
غزل

Qazi Rashid Mateen Ahmad
@qrmahmad

لگنے کو تھی ٹھکانےمحنت ہوئی اکارت

کچھ بھی نہ کام آئی ان آنسوؤں کی دولت

سودا دلوں کا تھا سو میں مفت دے رہا تھا

سیکھی نہیں تھی میں نے جذبات کی تجارت

آباد تجھ سےتھی، اب ویران ہو گئی ہے

مدت سے راہ تکتے دل کی حسیں عمارت

لگنے کو تھی ٹھکانےمحنت ہوئی اکارت

13 مارچ
غزل

Qazi Rashid Mateen Ahmad
@qrmahmad

بوئے گل خود پہ ناز کرتی ہے

زلف کے ساتھ جب بکھرتی ہے

شام کے وقت یاد کر کے مجھے

پیشِ آئینہ وہ سنورتی ہے

لاکھ ارمان ہوں کسی دل میں

زندگانی کہاں ٹھہرتی ہے

بوئے گل خود پہ ناز کرتی ہے

13 مارچ
غزل

Qazi Rashid Mateen Ahmad
@qrmahmad

پنہ مانگتا ہوں تری اے خدا

میں شیطاں کے شر سے ہر اک پل سدا

ترے نام سے ہے ہر اک ابتدا

رحیم اور رحماں ہے حد سے سوا

ہر اک حمد لازم ہے تجھ کو فقط

ہے رب عالمیں کا نہ تیرے سوا

پنہ مانگتا ہوں تری اے خدا

13 مارچ
نعت

Qazi Rashid Mateen Ahmad
@qrmahmad

نقشِ قدم پہ آپ کے چلنے کی جستجو

پیدا ہوئی یہ عشق کی وارفتگی سےخُو

لکھا جو نام آپ کا کرنے لگے طواف

جگنو، ستارے، چاند، فلک، سارے با وضو

صلِ علی کا ورد رہے دل میں موجزن

ہونٹوں پہ بھی ہمیشہ رہے ایسی گفتگو

نقشِ قدم پہ آپ کے چلنے کی جستجو

6 جنوری
حمد

Qazi Rashid Mateen Ahmad
@qrmahmad

حمدِ باری تعالی۔۔۔

جلووں کا اس کے پرتو ہے ساری کائنات

واحد ہے لیکن اس کی لاکھوں تجلیات

نے باپ ہے نہ بیٹا ثانی نہ کوئی بھی

واحد ہے وہ یگانہ یکتا ہے اس کی ذات

اُس کو نہیں تَغِّیُر ، جیسا تھا کل ہے آج