| زخم دل کا مہک ہی جانا ہے |
| یاد تیری تو اک بہانہ ہے |
| خود سے ملتا ہوں آئینوں میں اب |
| تجھ سے ملنے کا شاخسانہ ہے |
| تجھ سے مل کر میں بھول جاتا ہوں |
| زندگی درد کا فسانہ ہے |
| نفسا نفسی ہے افرا تفری ہے |
| بے حسی کا یہ کیا زمانہ ہے |
| خون بہایا ہے تو نے پھولوں کا |
| فعل تیرا یہ بزدلانہ ہے |
| کیسے کہہ دوں لہو لہو دل سے |
| "دل کا موسم بہت سہانہ ہے" |
| زندگی موت سے مفر کب تک |
| یہ ترا آخری ٹھکانہ ہے |
| روز ملتا ہے وہ رقیبوں سے |
| شوخئ یار قاتلانہ ہے |
معلومات