| چاندنی اوڑھے ہوئے سیماب تن تازہ کلی |
| کل اچانک خواب میں آئی مرے وہ جل پری |
| کس قدر معصوم تھی وہ حسن کی جادو گری |
| روپ جس کا تھا سنہرا زندگی سے تھی بھری |
| زلف سے کرنیں ٹپکتی تھیں کہ جیسے روشنی |
| آئی تھی سورج کی ٹکیا سے نہا کر وہ ابھی |
| تھی حسین و دلنشیں ایسی کہ جیسے اک غزل |
| یعنی اس کی ہر ادا سے ہو رہی تھی شاعری |
| میں اکیلا ہی نہیں اس پر فدا تھے میری جاں |
| پھول خوشبو تتلیاں جگنو ستارے چاند بھی |
| پارہ پارہ ہو گیا تھا خواب کا منظر کہیں |
| ڈھونڈتا پھرتا ہوں اب تک میں وہی منظر کشی |
| آنکھ بنجر ہو چکی ہے خواب کی دہلیز پر |
| نیند مجھ سے روٹھ کر کونے میں جا کے سو گئی |
معلومات