| شہر میں تھا ہر ایک گھر خالی |
| لوٹ آیا جو نامہ بر خالی |
| کچھ تو دیدار کی ملے خیرات |
| کب سے ہے کاسئہ نظر خالی |
| میں کسی بات سے نہیں ڈرتا |
| ہاں ترے ہجر کا ہے ڈر خالی |
| سب کے احساس ہو گئے مقتول |
| ظرف سے ہو گیا بشر خالی |
| با ثمر تھا تو رونقیں تھیں بہت |
| بے ثمر آج ہے شجر خالی |
| میں بھی ہوں قیس کے قبیلے سے |
| میرا دل بھی ہے اک نگر خالی |
| مفلسی آڑے آ گئی ورنہ |
| وہ نہ کرتا اگر مگر خالی |
| جب سے رخصت ہوا ہے وہ گھر سے |
| کس قدر لگ رہا ہے گھر خالی |
معلومات