| حمدِ باری تعالی۔۔۔ |
| جلووں کا اس کے پرتو ہے ساری کائنات |
| واحد ہے لیکن اس کی لاکھوں تجلیات |
| نے باپ ہے نہ بیٹا ثانی نہ کوئی بھی |
| واحد ہے وہ یگانہ یکتا ہے اس کی ذات |
| اُس کو نہیں تَغِّیُر ، جیسا تھا کل ہے آج |
| ہر شے پہ موت لازم اُس کو نہیں ممات |
| ایمان رب پہ رکھ تو نفسِ لعیں کی چھوڑ |
| اُس سے بڑھا لے اپنے سارے تعلقات |
| تقوی میں ابنِ آدم بڑھتا ہے جس قدر |
| کرتا ہے اُس قدر ہی اُس پر وہ اِلتفات |
| ہے اپنے نیک بندوں کی ڈھال آج بھی |
| وہ آج بھی دکھاتا ہے اپنے معجزات |
| سنتا ہے اور اب بھی دیتا ہے وہ جواب |
| اب بھی وہی ہیں اس کی پہلے جو تھیں صفات |
| عاجز یہ تیرے بندے کرتے ہیں عرض سُن |
| تو بخش دے ہمیں اور دے آگ سے نجات |
معلومات