| ہوا مسافر مسافروں کی ادا مسافر |
| زمیں پہ خوشبو فلک پہ اڑتی گھٹا مسافر |
| گئی رتوں کے حسین تحفے سنبھال رکھنا |
| کہ جس سے قائم بہار تھی وہ چلا مسافر |
| سنا ہے سنتا ہے رب دعائیں مسافروں کی |
| ہمارے حق میں بھی کرتے جانا دعا مسافر |
| جب سرِ مقتل کسی خود سر کا سر بکتا نہ تھا |
| سب کے گھر محفوظ تھے کوئی بھی گھر بکتا نہ تھا |
| لوگ قائم تھے حوادث میں چٹانوں کی طرح |
| راستہ بکتا نہ تھا عزمِ سفر بکتا نہ تھا |
| چاند کے ہالے بھی اپنے ساتھ تھے محوِ سفر |
| کھوٹ کے بازار میں جب راہ بر بکتا نہ تھا |