| منہ پھلانے سے کچھ نہیں ہوگا |
| روٹھ جانے سے کچھ نہیں ہوگا |
| کوئی آواز احتجاج کے ساتھ |
| لب ہلانے سے کچھ نہیں ہوگا |
| سانپ کے بعد اب لکیر نہ پیٹ |
| دھول اڑانے سے کچھ نہیں ہوگا |
| آنکھ بھر آنے پر تو ٹوٹ کے رو |
| غم چھپانے سے کچھ نہیں ہوگا |
| روشنی کے کواڑ کھول کے رکھ |
| دل بجھانے سے کچھ نہیں ہوگا |
| دب سکے گی نہ خلق کی آواز |
| ظلم ڈھانے سے کچھ نہیں ہوگا |
| تجھ کو ہے خوف کس زمانے کا |
| اب زمانے سے کچھ نہیں ہوگا |
| یہ گھڑی سب لٹانے کی ہے کہ اب |
| کچھ بچانے سے کچھ نہیں ہوگا |
معلومات