تقطیع، شاعری اور بلاگ

Bashir Ahmed Habib

@Bashirhabib

4 اپریل 2025
غزل

Bashir Ahmed Habib
@Bashirhabib

اجڑی ہوئی بستی میں ہوا گونجتی ہے

ان دیکھے مکینوں کی صدا گونجتی ہے

خالی کمروں سے بھی آتی ہے صدا

گزرے ہوئے ماضی کی ندا گونجتی ہے

رت بدلی پرندوں نے تو کر لی ہجرت

اب شاخوں میں یخ بستہ نوا گونجتی ہے

اجڑی ہوئی بستی میں ہوا گونجتی ہے

7 اپریل 2025
غزل

Bashir Ahmed Habib
@Bashirhabib

دشتِ ہجر و وصال سے آگے ہے

میرا پڑاؤ ماہ و سال سے آگے ہے

قیدِ نظارہ چشم اور یہ مشکل

رازِِ الفت جمال سے آگے ہے

وہ بھی گم جو میرا ماضی تھا کبھی

مٹ جائے گا جو حال سے آگے ہے

دشتِ ہجر و وصال سے آگے ہے

7 اپریل 2025
غزل

Bashir Ahmed Habib
@Bashirhabib

جہاں تک گیا خلا سے باہر نہیں گیا

کوئی راستہ فنا سے باہر نہیں گیا

اگر فکر تھی تو خال و خد سے جُڑی ہوئی

کوئی جسم کی فضا سے باہر نہیں گیا

ہے اپنی بقا کی جنگ یہ عاشقی تمام

تو ہم میں کوئی بقا سے باہر نہیں گیا

جہاں تک گیا خلا سے باہر نہیں گیا

7 اپریل 2025
غزل

Bashir Ahmed Habib
@Bashirhabib

ڈوب کر مرنے سے تو بہتر ہے کہ پانی سے نکل

خواہشوں کے بحر کی اس کرانی سے نکل

آ گ سے ڈھالے گئے ! آغاز تھے پانی سے ہم!

راز سب کھل جائیں گے اک بےمکانی سے نکل

تُو فنا ہو جائے گا اک خوش ادا کے نام پر

سوچ کی اس راجدھانی، رایگانی سے نکل

ڈوب کر مرنے سے تو بہتر ہے کہ پانی سے نکل

7 اپریل 2025
غزل

Bashir Ahmed Habib
@Bashirhabib

ہم کسی کے تھے وہ کسی کے تھے

ضبط کے امتحاں سبھی کے تھے

ہر کسی میں ہی ڈھونڈھنا ان کو

اب یہ معمول زندگی کے تھے

وقت بیٹھا تھا ان کے پہلو میں

رات ان کی تھی، دن انہی کے تھے

ہم کسی کے تھے وہ کسی کے تھے

7 اپریل 2025
غزل

Bashir Ahmed Habib
@Bashirhabib

پہلے تو کچھ بوندیں ٹپکیں پھر وہ بادل اتنا برسا

تن بھی جل تھل من بھی جل تھل سمجھو تم اک دریا برسا

کاگا بولا گھر کی چھت پر، تم آؤ گے شام سے پہلے

بن گئیں گلیاں رستے دریا پھر تو بادل ایسا برسا

اس چوبارے کے پچھواڑے سے بادل کا اک ٹکڑا نکلا

سارے فلک پر چھا کے پھر وہ ساون رت کے جیسا برسا

پہلے تو کچھ بوندیں ٹپکیں پھر وہ بادل اتنا برسا

7 اپریل 2025
غزل

Bashir Ahmed Habib
@Bashirhabib

ذرے کی کائنات سے آگے کھڑا تھا میں

باہر جو دیکھا ذات سے آگے کھڑا تھا میں

اس کی تمام بات میں تھی آگہی مگر

ہر آگہی کی بات سے آگے کھڑا تھا میں

دکھ کی طویل رات میں سب بے زباں ہوئے

دکھ کی طویل رات سے آگے کھڑا تھا میں

ذرے کی کائنات سے آگے کھڑا تھا میں

4 اپریل 2025
غزل

Bashir Ahmed Habib
@Bashirhabib

کبھی احساس یہ ہوا ہی نہیں

میں جہاں تھا وہاں کا تھا ہی نہیں

تیری نسبت بھی اِس زمین سے ہے

تجھ سے مل کر کبھی لگا ہی نہیں

مجھ کو مطلوب تیری ذات بھی ہے

چہرے، یہ ارض یہ سما ہی نہیں

کبھی احساس یہ ہوا ہی نہیں

23 مارچ 2025
غزل

Bashir Ahmed Habib
@Bashirhabib

چشم دی روشنی بھی دی اس نے

آب بھی تشنگی بھی دی اس نے

حسن کو بے رخی بھی دی اس نے

عشق کو بے بسی بھی دی اس نے

شاخ در شاخ ساتھ کانٹوں کا

پھول کو دل کشی بھی دی اس نے

چشم دی روشنی بھی دی اس نے

23 مارچ 2025
غزل

Bashir Ahmed Habib
@Bashirhabib

وہ جب گیا تو روشنی بھی ساتھ لے گیا

آنکھوں کا نور، تیرگی بھی ساتھ لے گیا

اب کیسے ہو گی شام ، کٹے گی یہ رات کیا

وہ روز و شب کی تشنگی بھی ساتھ لے گیا

میرے لیے وہ چھوڑ گیا خواب سی تھکن

دیوار پر لگی گھڑی بھی ساتھ لے گیا

وہ جب گیا تو روشنی بھی ساتھ لے گیا

23 مارچ 2025
غزل

Bashir Ahmed Habib
@Bashirhabib

دل میں جو بستے ہوں وہ جایا نہیں کرتے

کیوں ضد ہے جب علم ہے ایسا نہیں کرتے

آنکھوں سے، ہاں دو اک چھللک جاتے ہیں آنسو

جاتے ہوئے کھل کے تو رویا نہیں کرتے

خوشبو ہو بہت ، پھول مگر وہ نہیں بنتی

جب مل نہ سکیں یاد بھی آیا نہیں کرتے

دل میں جو بستے ہوں وہ جایا نہیں کرتے

23 مارچ 2025
غزل

Bashir Ahmed Habib
@Bashirhabib

ظلم کی یہ داستاں ان کہی رہ جائے گی

تیرگی مٹ جائے گی روشنی رہ جائے گی

درد بھی مٹ جائے گا زخم بھی بھر جائیں گے

اشک بھی تھم جائیں گے بس خوشی رہ جائے گی

ظلم کے یہ سلسلے خاک میں مل جائیں گے

خود سری مٹ جائے گی بے بسی رہ جائے گی

ظلم کی یہ داستاں ان کہی رہ جائے گی

14 ستمبر 2024
غزل

Bashir Ahmed Habib
@Bashirhabib

زمانے میں یہ جتنی روشنی ہے

چراغِ مصطفٰی کی روشنی ہے

جو ہوں گویا حدیثِ قدسیہ ہے

نہ ہوں گویا تو پھر بھی روشنی ہے

انہی کے نور سے دل ہیں منور

دو عالم میں انہی کی روشنی ہے

زمانے میں یہ جتنی روشنی ہے

25 اپریل 2024
غزل

Bashir Ahmed Habib
@Bashirhabib

محبت روشنی سورج ستارہ قید میں ہے

یہ عالم اس میں جو کچھ ہے وہ سارا قید میں ہے

اسے ہی چار سو دیکھیں تو نظریں ہیں مقید

مگر ہم یہ سمجھتے ہیں نظارہ قید میں ہے

ارادوں میں زلیخا آج بھی آزاد لیکن

جہاں میں یوسفِ ثانی دوبارہ قید میں ہے

محبت روشنی سورج ستارہ قید میں ہے

25 اپریل 2024
غزل

Bashir Ahmed Habib
@Bashirhabib

دور رہتا بھی نہیں پاس آتا بھی نہیں

میرے محور سے نکل پائے ایسا بھی نہیں

آگے بستی ہے کوئی اور صحرا بھی نہیں

مڑ کے دیکھوں تو وہ شہرِ تمنا بھی نہیں

سامنا تجھ سے جو ہو، مجھ سے دل الجھے نہیں

عمر کے پچھلے پہر، حال ایسا بھی نہیں

دور رہتا بھی نہیں پاس آتا بھی نہیں

2 مارچ 2024
غزل

Bashir Ahmed Habib
@Bashirhabib

تمنا یوں مچلتی ہے کہ دنیا بھول جاتے ہیں

پھر اک دن یوں بھی ہوتا ہے تمنا بھول جاتے ہیں

یہ اپنی ڈالیوں سے ٹوٹ کر بکھرے ہوئے کچھ پھول

دیارِ غیر میں اک دن مہکنا بھول جاتے ہیں

نہیں ہے یاد تک ان کو اب ان گودوں کی حدت بھی

کہ جن میں بیٹھ کر بچے یہ دنیا بھول جاتے ہیں

تمنا یوں مچلتی ہے کہ دنیا بھول جاتے ہیں

2 مارچ 2024
غزل

Bashir Ahmed Habib
@Bashirhabib

دائرے میں اک سفر تھا، انتہا کچھ بھی نہیں

عمر بھر چلتے رہے اور فاصلہ کچھ بھی نہیں

ایسے ظاہر کر رہا تھا وہ ہوا کچھ بھی نہیں

شہر سارا جانتا تھا، اب بچا کچھ بھی نہیں

نور کے ہیں سلسلے یہ چار سو ٹہرے ہوئے

عالمِ ارض و سما اس کے سوا کچھ بھی نہیں

دائرے میں اک سفر تھا، انتہا کچھ بھی نہیں

25 دسمبر 2023
غزل

Bashir Ahmed Habib
@Bashirhabib

کسی خیال سے بندھے ہوئے تھے ہم

سمجھیو مت، یونہی رکے ہوئے تھے ہم

پلک جھپکنے تک تماشہ گاہ میں

کسی کے دھیان سے اٹے ہوئے تھے ہم

خرید لائے تھے جو آ گ کے عوض

انہی اندھیروں میں گھرے ہوئے تھے ہم

کسی خیال سے بندھے ہوئے تھے ہم

25 دسمبر 2023
غزل

Bashir Ahmed Habib
@Bashirhabib

وہ آندھیاں چلیں نقشِ پا نہیں رہا

یادوں کی ٹہنیوں پر پتا نہیں رہا

نظریں چرائے بن وہ گزرا ہے پاس سے

وہ صاف صاف کہہ دوں میرا نہیں رہا

بے حد حسیں لگا تھا وہ چاند رات کو

جب روشنی ہوئی تو ویسا نہیں رہا

وہ آندھیاں چلیں نقشِ پا نہیں رہا

24 اکتوبر 2023
غزل

Bashir Ahmed Habib
@Bashirhabib

ان لبوں پر بات آ کر زندگی ہو جائیگی

جس طرف وہ دیکھ لیں گے روشنی ہو جائیگی

زندگانی کا چلن سب کے لیے ہے ایک سا

آشنا ہو جاؤ گے یہ اجنبی ہو جائیگی

عمر کے سب سلسلے بس اک گھڑی ہو جائیں گے

اک تمنا پھیل کر جب زندگی ہو جائیگی

ان لبوں پر بات آ کر زندگی ہو جائیگی

21 اکتوبر 2023
غزل

Bashir Ahmed Habib
@Bashirhabib

ہم پاس تھے مگر کبھی باہم نہیں ہوئے

تصویر میں جو فاصلے تھے کم نہیں ہوئے

یہ زندگی کی جنگ جو ہارے ہیں عمر بھر

یہ اس لیے ہوا کہ وہ ہمدم نہیں ہوئے

ان کی ہنسی بہار ہے، پلکیں اُٹھانا دھوپ

بے اختیار یوں کبھی موسم نہیں ہوئے

ہم پاس تھے مگر کبھی باہم نہیں ہوئے

1 اکتوبر 2023
غزل

Bashir Ahmed Habib
@Bashirhabib

جیسے جیسے زندگی کی آگہی بڑھتی گئی

اس جہانِ کُن میں میری بے بسی بڑھتی گئی

دسترس میں آئے ہم تو پھڑپھڑائے تھے بہت

دسترس بڑھتی گئی آمادگی بڑھتی گئی

آرزو نے ہاتھ سے اس زور سے پکڑا مجھے

ہوش سب رخصت ہوئے اور بے خودی بڑھتی گئی

جیسے جیسے زندگی کی آگہی بڑھتی گئی

29 ستمبر 2023
نعت

Bashir Ahmed Habib
@Bashirhabib

زمانے میں یہ جتنی روشنی ہے

چراغِ مصطفٰی کی روشنی ہے

جو ہوں گویا حدیثِ قدسیہ ہے

نہ ہوں گویا تو پھر بھی روشنی ہے

مرے اطراف ہے تاریک جنگل

مرے دل میں انھی کی روشنی ہے

زمانے میں یہ جتنی روشنی ہے

3 ستمبر 2023
غزل

Bashir Ahmed Habib
@Bashirhabib

میں کون ہوں ہر کوئی یہ پوچھتا ملا

اُس گلی میں جو ملا وہ گمشدہ ملا

وہ نورِ فلک جب سے مری خاک میں ملا

اک آسماں کا خاک کو پھر مرتبہ ملا

وہ غائب تھا اور مجھے ملنا بھی تھا ہر طور

اس جستجو میں بیچ کا وہ رابطہ ملا

میں کون ہوں ہر کوئی یہ پوچھتا ملا

3 ستمبر 2023
غزل

Bashir Ahmed Habib
@Bashirhabib

میری ساری زندگی کی بے کلی ہے اک طرف

بے سبب سی بات پر اس کی ہنسی ہے اک طرف

دیکھ تو سکتا ہوں اس کو چھو نہیں سکتا مگر

اک طرف میرا جنوں ہے، بے بسی ہے اک طرف

میری ساری گفتگو اور اس کے وہ خاموش لب

سب دلیلیں اک طرف اور خامشی ہے اک طرف

میری ساری زندگی کی بے کلی ہے اک طرف

25 جولائی 2023
غزل

Bashir Ahmed Habib
@Bashirhabib

اب فراتِ وقت میں کرب و بلا ممکن نہیں

تو حُسین ابنِ علی پھر دوسرا ممکن نہیں

کربلا سے ہر سفر ہے قتل گاہوں کی طرف

کوفیوں کا کربلا سے رابطہ ممکن نہیں

بادلوں کے دوش پر پلٹا کرے برسوں مگر

پانیوں کے بخت میں وہ قافلہ ممکن نہیں

اب فراتِ وقت میں کرب و بلا ممکن نہیں

24 جون 2023
غزل

Bashir Ahmed Habib
@Bashirhabib

روبرو آ کے مرے شکل دکھا دی اس نے

لامکانی کا سفر ،مجھ کو سزا دی اس نے

یہ کوئی طرزِ سیاست تھا کہ یہ حکمت تھی

نہ تو امید کو توڑا نہ صدا دی اس نے

میں نے بھی شاخِ تمنا سے وہی پھل توڑا

تو اسی جرم پہ مجھ کو بھی سزا دی اس نے

روبرو آ کے مرے شکل دکھا دی اس نے

23 مئی 2023
غزل

Bashir Ahmed Habib
@Bashirhabib

وہ جو ملتا ہے گماں کی حد تک

ہم نے چاہا تھا مکاں کی حد تک

تجھ پہ مر جانا امر ہونا تھا

وقت کی قید تھی جاں کی حد تک

زخم بھر جانے کا امکاں کم ہے

تیر پھینکا ہے کماں کی حد تک

وہ جو ملتا ہے گماں کی حد تک

23 مئی 2023
غزل

Bashir Ahmed Habib
@Bashirhabib

مجھ سے جانے کیوں روٹھے ہو

سب سے تم ہنس کر ملتے ہو

دل میں اتنا درد چھپا کر

کیسے تم ہنستے رہتے ہو

اپنے گھر کو آ کر دیکھو

اس دل میں بس تم بستے ہو

مجھ سے جانے کیوں روٹھے ہو

23 مئی 2023
غزل

Bashir Ahmed Habib
@Bashirhabib

دل میں وہ درد اٹھا آخر شب

تو بھی درماں نہ ہوا آخر شب

وہ بھی خوشبو میں ڈھلا آخر شب

میں بھی پھر میں نہ رہا آخر شب

دل سرائے میں ہے تنہا روشن

تیری یادوں کا دیا آخر شب

دل میں وہ درد اٹھا آخر شب

23 مئی 2023
غزل

Bashir Ahmed Habib
@Bashirhabib

وقت سے بھی ماورا ہیں آپ ہی

زندگی سے رابطہ ہیں آپ ہی

حسن کا اک معجزہ ہیں آپ تو

ہر طرف جلوہ نما ہیں آپ ہی

ابتدا ہر کام کی ہے آ پ سے

ہر سفر کی انتہا ہیں آپ ہی

وقت سے بھی ماورا ہیں آپ ہی

23 مئی 2023
غزل

Bashir Ahmed Habib
@Bashirhabib

وقت کی رفتار سے یوں ربط پیدا کر لیا

اپنی ساری زندگی کو میں نے لمحہ کر لیا

کہکشاں در کہکشاں جس بھی قدر پھیلاؤ تھا

اس قدر کھینچا کہ اس کو اک تمنا کر لیا

نیند میں دیکھا اسے اور خواب میں چاہا اسے

نیند کا وقفہ تھا جس کو ایک دنیا کر لیا

وقت کی رفتار سے یوں ربط پیدا کر لیا

23 مئی 2023
غزل

Bashir Ahmed Habib
@Bashirhabib

جب اِلْتِفات اس نے زیادہ نہیں کیا

میں نے بھی زندگی کا اعادہ نہیں کیا

جب بھی ہنسے تو آنکھ میں آنسو بھی دے دئیے

جب غم بڑھا خوشی کو زیادہ نہیں کیا

میں منتظر رہوں گا اسے کہہ نہیں سکا

اس نے بھی لوٹنے کا ارادہ نہیں کیا

جب اِلْتِفات اس نے زیادہ نہیں کیا

23 مئی 2023
غزل

Bashir Ahmed Habib
@Bashirhabib

آرزوئے بے کراں کا یوں احاطہ کر لیا

اپنی ساری جستجو کو ایک چہرہ کر لیا

اک تمنا نے مجھے ہر درد سے ملوا دیا

اپنے غم کو لیلی مجنوں، ہیر رانجھا کر لیا

گو تمنا ایک تھی لیکن ہزاروں روپ تھے

میں نے اپنے بخت کا تم کو ستارہ کر لیا

آرزوئے بے کراں کا یوں احاطہ کر لیا

23 مئی 2023
غزل

Bashir Ahmed Habib
@Bashirhabib

درد میں تھیں راحتیں اک شخص کے اعجاز سے

دھوپ میں تھیں بارشیں اک شخص کے اعجاز سے

سبز تھیں سب حسرتیں اک شخص کے اعجاز سے

خواہشیں تھیں مشعلیں اک شخص کے اعجاز سے

نور کا سیلاب تھا جو آنکھ خیرہ کر گیا

گم ہوئیں سب صورتیں اک شخص کے اعجاز سے

درد میں تھیں راحتیں اک شخص کے اعجاز سے

23 مئی 2023
غزل

Bashir Ahmed Habib
@Bashirhabib

ربطِ پیہم کا اس نے راستہ رکھا

شہر حیرت کا در مجھ پر کھلا رکھا

زخم دے کر اسے تو لا دوا رکھا

ضبط میں آگہی کا سلسلہ رکھا

زندہ رکھی تمنا وقت آخر بھی

عشق کا حوصلہ جاں سے بڑا رکھا

ربطِ پیہم کا اس نے راستہ رکھا

23 مئی 2023
غزل

Bashir Ahmed Habib
@Bashirhabib

اک تمنا کے ہی ہاتھوں میں فنا ہو جانا

اس سے بہتر ہے کسی دکھ کی دوا ہو جانا

میرے اہداف محبت میں یہ بھی شامل ہے

ہر کسی چاک گریباں کی نوا ہو جانا

وہ سمجھتے ہیں کہ یہ جاں سے گزر جانا ہے

عشق ہے ساعتِ حیرت میں فنا ہو جانا

اک تمنا کے ہی ہاتھوں میں فنا ہو جانا

23 مئی 2023
رباعی

Bashir Ahmed Habib
@Bashirhabib

تیرے جمال کی زد میں ہوں

میں اپنی ذات کے رد میں ہوں

دشتِِ امکاں رہ گیا پیچھے

میں تیرے خیال کی حد میں ہوں

تری گفتگو میں تو ذکر کہاں

ترے لہجے کے شد و مد میں ہوں

تیرے جمال کی زد میں ہوں

23 مئی 2023
غزل

Bashir Ahmed Habib
@Bashirhabib

سنتے آ ہے ہیں یہاں حسب دعا ملتا ہے

میں نے مانگا ہے تجھے دیکھیے کیا ملتا ہے

ہر ملاقات میں احساس نیا ملتا ہے

درد دیتا ہے کبھی بن کے دوا ملتا ہے

اسی کوچے میں حقیقت کا پتہ ملتا ہے

جب یہاں بت نہیں ملتا تو خدا ملتا ہے

سنتے آئے ہیں یہاں حسب دعا ملتا ہے

22 مئی 2023
غزل

Bashir Ahmed Habib
@Bashirhabib

اک تمنا تھی فاصلے تھے بہت

ایک مرکز تھا دائرے تھے بہت

حیطہ قرب میں تھے کچھ لمحات

دشت فرقت میں رتجگے تھے بہت

ایک رستہ ہے میں سمجھتا رہا

اب جو سوچا تو راستے تھے بہت

اک تمنا تھی فاصلے تھے بہت

3 جون 2022
غزل

Bashir Ahmed Habib
@Bashirhabib

رخ پر کھلے گلاب الگ سے تھے

خوشبو تو تھی عذاب الگ سے تھے

سب نے سجا کے رکھے تھے آنکھوں میں

ہر ذہن میں سراب الگ سے تھے

کچھ تو سوال بھی تھے بہت مشکل

اورکچھ ترے جواب الگ سے تھے

رخ پر کھلے گلاب الگ سے تھے

3 جون 2022
غزل

Bashir Ahmed Habib
@Bashirhabib

کچھ دل کے مسئلے بھی الگ سے تھے

چاہت کے ضابطے بھی الگ سے تھے

ساقی کے فیصلے بھی الگ سے تھے

محفل میں ہم رہے بھی الگ سے تھے

الفت میں مشکلیں بھی الگ ہی تھیں

الفت میں حوصلے بھی الگ سے تھے

کچھ دل کے مسئلے بھی الگ سے تھے

3 جون 2022
غزل

Bashir Ahmed Habib
@Bashirhabib

ہیگل کا فلسفہ بھی سفر میں تھا

ایڈم کا رمزیہ بھی سفر میں تھا

ہم سب بھی دائروں میں ہی چلتے تھے

ہر ایک دائرہ بھی سفر میں تھا

منزل کے راستے بھی سفر میں تھے

منزل سے فاصلہ بھی سفر میں تھا

ہیگل کا فلسفہ بھی سفر میں تھا

13 اپریل 2022
غزل

Bashir Ahmed Habib
@Bashirhabib

غزل

برسوں کے بعد دل میں وہ جذبہ نہیں رہا

ہم مر مٹے تھے جس پہ وہ چہرہ نہیں رہا

باتیں تو اس کی آ ج بھی دل کے قریب ہیں

گھر کر گیا تھا دل میں جو لہجہ نہیں رہا

اب مجھ میں بندگی کی وہ خواہش نہیں رہی

برسوں کے بعد دل میں وہ جذبہ نہیں رہا

6 مارچ 2022
غزل

Bashir Ahmed Habib
@Bashirhabib

غزل۔۔۔

کتنا روشن ہے نگر شام کے بعد

جب سے لوٹا ہے وہ گھر شام کے بعد

کیسے گلزار سے ہو جاتے ہیں!

اس کی یادوں کے شجر شام کے بعد

اس کو رکنا تھا یہاں صدیوں تک

کتنا روشن ہے نگر شام کے بعد

6 مارچ 2022
غزل

Bashir Ahmed Habib
@Bashirhabib

غزل ۔۔۔۔

کوئی لمحہ نہیں، اس کو سوچا نہیں

اک زمانہ ہوا جس کو دیکھا نہیں

ایک مدت ہوئی وہ بھی بے چین ہے

ایک عرصہ ہوا میں بھی سویا نہیں

جو مجھے یاد آتا رہا دم بدم

کوئی لمحہ نہیں، اس کو سوچا نہیں

14 جنوری 2022
غزل

Bashir Ahmed Habib
@Bashirhabib

غزل۔۔

مسافتوں میں عجب سلسلہ رہا

وہ روبرو تھا مگر فاصلہ رہا

تری طلب مری منزل بنی رہی

مرا عدو مرے اندر چھپا رہا

جو ان کے سامنے میں کہہ نہیں سکا

مسافتوں میں عجب سلسلہ رہا

14 جنوری 2022
غزل

Bashir Ahmed Habib
@Bashirhabib

غزل۔۔

چاہتیں جذبِ دروں مانگتی ہیں

سر پھری ہوں تو جنوں مانگتی ہیں

دھڑکنیں اپنی روانی کے لیے

تیرے لہجے کا سکوں مانگتی ہیں

اس جنم میں تجھے پانے کے لیے

چاہتیں جذبِ دروں مانگتی ہیں

104

11 دسمبر 2021
غزل

Bashir Ahmed Habib
@Bashirhabib

اب جو بچھڑے ہیں تو ملنے کا گماں باقی ہے

جیسے مٹ جانے کے بعد اگلا جہاں باقی ہے

خواہشیں مرتی نہیں شکل بدل لیتی ہیں

جل بجھا شعلۂ جاں کب کا، دھواں باقی ہے

کس کی منزل تھی کہاں، کس کو کہاں رکنا تھا

دید وا دید گئی، عمرِ رواں باقی ہے

اب جو بچھڑے ہیں تو ملنے کا گماں باقی ہے

11 دسمبر 2021
غزل

Bashir Ahmed Habib
@Bashirhabib

آ نکھ تو ہے بینائی نہیں ہے

مَن بھیتر تنہائی نہیں ہے

تیری باتیں کیسے جانوں

تجھ تک مری رسائی نہیں ہے

تیری آنکھوں میں جو دیکھی

دریا میں گہرائی نہیں ہے

آ نکھ تو ہے بینائی نہیں ہے

11 نومبر 2021
نظم

Bashir Ahmed Habib
@Bashirhabib

سرمئی سی شام میں وہ خواب کے سفر میں تھی

محبتوں کا نور تھا وہ خوشبوؤں کے شہر میں تھی

ہونٹ اس کےلال سےگلاب تھے مہکے ہوے

چراغ اس کی آ نکھ کے تھے دیر سے دھکے ہوے

بزم کی ہر ایک شہ اس وجود کے سحر میں تھی

سرمئی سی شام میں وہ خواب کے سفر میں تھی

ایک سالگرہ۔

29 اکتوبر 2021
غزل

Bashir Ahmed Habib
@Bashirhabib

تمہارا ساتھ ہے تو روشنی سے نسبتیں ہیں

تمہارے وصل سے پیدا یہ کیسی رفعتیں ہیں

بنے ہیں جو ستارے استعارہ منزلوں کا

تمہاری وسعتوں میں کچھ یہ میری حیرتیں ہیں

تمہارے نقش پا نے جو مرتب کر دیئے ہیں

وہ رستے ہی ہماری جستجو کی منزلیں ہیں

تمہارا ساتھ ہے تو روشنی سے نسبتیں ہیں

118

29 اکتوبر 2021
غزل

Bashir Ahmed Habib
@Bashirhabib

امید کے شجر پہ کھلے خشک پھول تھے

جو غم کی آ ندھیوں میں بھی صحرا کی دھول تھے

جب جیتے جی وہ شخص مرا ہو نہیں سکا

اگلے جہاں میں وصل کے وعدے فضول تھے

میرا تو ماہ و سال نے چہرہ بدل دیا

تیری نظر میں تازہ گلابوں کے پھول تھے

امید کے شجر پہ کھلے خشک پھول تھے

104

3 اکتوبر 2021
غزل

Bashir Ahmed Habib
@Bashirhabib

غزل۔۔

وہ چھپ بھی جائے تو مجھ کو دکھائی دیتا ہے

خموشیوں میں مجھے سب سنائی دیتا ہے

وہ اپنے ہونٹوں کی ہلکی سی ایک جنبش سے

گل خیال کو کیا کیا رسائی دیتا ہے

وہ اپنی ادھ کھلی آنکھوں سے میکدوں کے بیچ

وہ چھپ بھی جائے تو مجھ کو دکھائی دیتا ہے

3 اکتوبر 2021
غزل

Bashir Ahmed Habib
@Bashirhabib

غزل۔۔

یا تو مجھ سے ملا نہیں ہوتا

یا کبھی بھی جدا نہیں ہوتا

تو اگر غیر تھا تو تیرا سخن

نغمہ جاں فزا نہیں ہوتا

تو اگر دیکھتا نہ میری طرف

یا تو مجھ سے ملا نہیں ہوتا

3 اکتوبر 2021
غزل

Bashir Ahmed Habib
@Bashirhabib

مری چاہ تجھ پہ یقین تک مری چاہ وہم و گمان تک

مرا فلسفہ مرا مسئلہ ہے ترے بدن کی کمان تک

ترے جسم و جان کے زاویے رہِ پر خطر تھے مرے لئے

میں قدم قدم پہ لٹاہوں یوں کہ لٹا ہے اگلا جہان تک

مرا تیرنا مرا ڈوبنا ہے تری نظر سے جڑا ہوا

کبھی پہنچا پورے یقین تک کبھی لحظہ بھر میں گمان تک

مری چاہ تجھ پہ یقین تک میری چاہ وہم و گمان تک

203

3 اکتوبر 2021
غزل

Bashir Ahmed Habib
@Bashirhabib

غزل..

ہزاروں لوگ ملتے ہیں کوئی تم سا نہیں ملتا

کہیں سیرت نہیں ملتی، کہیں چہرہ نہیں ملتا

مکمل ہوں، بہت خوش ہوں کہ اب اس دل میں جھانکوں تو

تمھارے بِن کہیں کوئی بھی نظٌارہ نہیں ملتا

تمھارے وصل نے کتنا مکمل کر دیا مجھ کو

ہزاروں لوگ ملتے ہیں کوئی تم سا نہیں ملتا

284

3 اکتوبر 2021
غزل

Bashir Ahmed Habib
@Bashirhabib

غزل۔۔

ساون رت کی پہلی بارش تو اور میں

رم جھم میں جلنے کی خواہش تو اور میں

بادل برکھا ساون رت کا بھیگا گیت

موسم کی یہ گہری سازش تو اور میں

رات کے پچھلے پہر اک بادل کی چنگھاڑ

ساون رت کی پہلی بارش تو اور میں

171

3 اکتوبر 2021
غزل

Bashir Ahmed Habib
@Bashirhabib

غزل۔۔

کبھی جو ملنا حجاب رکھنا

نظر سے جاری خطاب رکھنا

لبوں پہ چپ کے گلاب رکھنا

یہ چہرہ روشن کتاب رکھنا

کبھی نظر سے کبھی سخن سے