وقت سے بھی ماورا ہیں آپ ہی |
زندگی سے رابطہ ہیں آپ ہی |
حسن کا اک معجزہ ہیں آپ تو |
ہر طرف جلوہ نما ہیں آپ ہی |
ابتدا ہر کام کی ہے آ پ سے |
ہر سفر کی انتہا ہیں آپ ہی |
زندگی ہو گی مکمل آپ سے |
ہر دعا کا مدعا ہیں آپ ہی |
آپ مجھ سے پاس بھی ہیں دور بھی |
آپ منزل، فاصلہ ہیں آپ ہی |
فکر میں پھیلے اندھیروں کے لیے |
نور کا اک سلسلہ ہیں آپ ہی |
میرا ہر غم بھی جڑا ہے آپ سے |
اور ہر دکھ کی دوا ہیں آپ ہی |
دو جہانوں کے لیے اب تو حبیب |
میں جو مانگوں، مدعا ہیں آپ ہی |
معلومات