غزل۔۔۔ |
کتنا روشن ہے نگر شام کے بعد |
جب سے لوٹا ہے وہ گھر شام کے بعد |
کیسے گلزار سے ہو جاتے ہیں! |
اس کی یادوں کے شجر شام کے بعد |
اس کو رکنا تھا یہاں صدیوں تک |
یہ جو ہے محوِ سفر شام کے بعد |
مے کدے آنکھ سے اوجھل ہو جائیں |
وہ جو آ جائے نظر شام کے بعد |
سرمگیں نظروں سےدیکھا اس نے |
شام ہے بارِ دگر شام کے بعد |
کیسے چپ چاپ ہوئے دل کے مکیں |
کیسا اجڑا یہ نگر شام کے بعد |
قافلے دل کے رکے جاتے ہیں |
اس نے بدلی ہے نظر شام کے بعد |
معلومات