| مری چاہ تجھ پہ یقین تک مری چاہ وہم و گمان تک |
| مرا فلسفہ مرا مسئلہ ہے ترے بدن کی کمان تک |
| ترے جسم و جان کے زاویے رہِ پر خطر تھے مرے لئے |
| میں قدم قدم پہ لٹاہوں یوں کہ لٹا ہے اگلا جہان تک |
| مرا تیرنا مرا ڈوبنا ہے تری نظر سے جڑا ہوا |
| کبھی پہنچا پورے یقین تک کبھی لحظہ بھر میں گمان تک |
| مرا جسم تجھ سے جدا سہی مری روح تجھ سے ملی ہوئی |
| یہ ملن ہے دل سے زبان کا یہ رہے گا دونوں جہان تک |
| تری گفتگو کے ردھم پہ تھا مرا اعتبار ٹکا ہوا |
| مری شاعری مرا نام تھا ترے نام تیرے نشان تک |
معلومات