تمہارا ساتھ ہے تو روشنی سے نسبتیں ہیں |
تمہارے وصل سے پیدا یہ کیسی رفعتیں ہیں |
بنے ہیں جو ستارے استعارہ منزلوں کا |
تمہاری وسعتوں میں کچھ یہ میری حیرتیں ہیں |
تمہارے نقش پا نے جو مرتب کر دیئے ہیں |
وہ رستے ہی ہماری جستجو کی منزلیں ہیں |
ہمارے حرف کیا ہیں اور ہماری فکر کیا ہے |
دل و جاں میں سرایت خوبصورت صورتیں ہیں |
ترے پیہم تغافل نے یہ ثابت کر دیا ہے |
کسی کی سوچ میں رہنا بھی گویا قربتیں ہیں |
ہزاروں میں ہمیں کو یوں نظر انداز کرنا |
تغافل میں جو پنہاں ہیں وہ انکی چاہتیں ہیں |
معلومات