تقطیع، شاعری اور بلاگ

عبدالقادر خان

@aqadirk

6 مئی 2025
غزل

عبدالقادر خان
@aqadirk

تیغ ہر دم وہ تان رکھتے ہیں

ہم بھی کیا مہربان رکھتے ہیں

ہم نے مانا کہ تو حسیں ہے مگر

ہم بھی حسنِ بیان رکھتے ہیں

دور ہو جائیں منزلیں تو کیا

حوصلے ہم جوان رکھتے ہیں

تیغ ہر دم وہ تان رکھتے ہیں

5 مئی 2025
غزل

عبدالقادر خان
@aqadirk

تیغ کیوں آپ تان لیتے ہیں

جو بھی کہتے ہو مان لیتے ہیں

کتنے چالاک حسن والے ہیں

چشم و ابرو سے جان لیتے ہیں

بات لگتی نہیں ہے دل کو مگر

تم جو کہتے ہو مان لیتے ہیں

تیغ کیوں آپ تان لیتے ہیں

2 مئی 2025
غزل

عبدالقادر خان
@aqadirk

بڑی خلعت میں پہنایا گیا ہوں

ترے کوچے میں دفنایا گیا ہوں

نشاں دے کر میں بھٹکایا گیا ہوں

تصور دے کے بہلایا گیا ہوں

کبھی مصلوب کر وایا گیا تو

کبھی اینٹوں میں چنوایا گیا ہوں

بڑی خلعت میں پہنایا گیا ہوں

30 اپریل 2025
غزل

عبدالقادر خان
@aqadirk

یاد بھی آتی تری ہمدم نہیں ہے

اب کوئی اپنا شریکِ غم نہیں ہے

خوش اگر ہیں آپ تو کیا کم نہیں ہے

اپنی بربادی کا ہم کو غم نہیں ہے

خونِ دل اب آنسوؤں میں ضم نہیں ہے

درد بھی سینے میں اب پیہم نہیں ہے

یاد بھی آتی تری ہمدم نہیں ہے

30 اپریل 2025
غزل

عبدالقادر خان
@aqadirk

چند بھولے ہوۓ اسباق ہوں میں

چند بکھرے ہوۓ اوراق ہوں میں

دید کا بس تری مشتاق ہوں میں

تاکنے میں تجھے مشاق ہوں میں

لاغری سے ہوا ناچاق ہوں میں

بید کی طرح سے بس قاق ہوں میں

چند بھولے ہوۓ اسباق ہوں میں

29 اپریل 2025
غزل

عبدالقادر خان
@aqadirk

چین آۓ نہ ہی قرار مجھے

ہو گیا ہے کسی سے پیار مجھے

آپ اپنی ہی بس تلاش میں ہوں

آپ اپنا ہے انتظار مجھے

یاد آتا ہے تھام کر ساغر

وہ تری آنکھ کا خمار مجھے

چین آۓ نہ ہی قرار مجھے

27 اپریل 2025
غزل

عبدالقادر خان
@aqadirk

کچھ نہیں اپنا اعتبار مجھے

آپ کا بس ہے انتظار مجھے

بات کہنے میں ہے نہ عار مجھے

روکتا پر ہے انکسار مجھے

دیکھ مت نیم باز آنکھوں سے

ہو نہ جاۓ کہیں خمار مجھے

کچھ نہیں اپنا اعتبار مجھے

26 اپریل 2025
غزل

عبدالقادر خان
@aqadirk

سولہ سنگھار کر کے وہ آۓ جو خواب میں

دل بلیوں اچھلنے لگا اضطراب میں

مصروف حسن کے میں رہا انجذاب میں

گزری ہے عمر عشق کے بس اکتساب میں

جل کر مرا تو کیا ہوا پروانہ عشق میں

خود شمع جل رہی ہے اسی التہاب میں

سولہ سنگھار کر کے وہ آۓ جو خواب میں

23 اپریل 2025
غزل

عبدالقادر خان
@aqadirk

پڑ گئی کیا غضب افتاد مجھے

کر دیا عشق نے برباد مجھے

میکدے سے ابھی تو لوٹا تھا

لے چلا پھر دلِ ناشاد مجھے

جا رہا تھا میں چمن کی جانب

راہ میں مل گیا صیاد مجھے

پڑ گئی کیا غضب افتاد مجھے

18 اپریل 2025
غزل

عبدالقادر خان
@aqadirk

کر گئی تیری یاد اداس مجھے

کوئی خود سے لگا ہے پاس مجھے

جب بھی ہوتا ہوں فکر سے آذاد

باندھ لیتی ہے تیری آس مجھے

اب بھی آتی بدن سے ہے میرے

آپ کے جسم کی بو باس مجھے

کر گئی تیری یاد اداس مجھے

18 اپریل 2025
غزل

عبدالقادر خان
@aqadirk

زندگی کے سروں کی لے اپنی

چنگ اپنا ہے ان کا نے اپنی

لے کے پھرتا ہوں سوختہ میں جگر

کر گئی کام اپنا مے اپنی

دسترس اپنی کب وہاں تک ہے

بات ہوتی جہاں ہے طے اپنی

زندگی کے سروں کی لے اپنی

16 اپریل 2025
غزل

عبدالقادر خان
@aqadirk

تم اگرچہ ہو میرے پاس نہیں

کیا سبب ہے کہ دل اداس نہیں

مضمحل ہوں مگر نراس نہیں

خوش نہیں ہوں پہ محوِ یاس نہیں

اس کو طوفان کا ہو کیوں خدشہ

جس کو ساحل کی کوئی آس نہیں

تم اگرچہ ہو میرے پاس نہیں

14 اپریل 2025
غزل

عبدالقادر خان
@aqadirk

لے نہیں وہ تال وہ سرگم نہیں ہے

اب تری پایل میں وہ چھم چھم نہیں ہے

دوش پر زلف اپنے اب برہم نہیں ہے

سانس بھی اب سانس میں مدغم نہیں ہے

اب نہیں گرتی کسی دریا میں ندی

اب کسی ساگر میں دریا ضم نہیں ہے

لے نہیں وہ تال وہ سرگم نہیں ہ

10 اپریل 2025
غزل

عبدالقادر خان
@aqadirk

تخم غم دل میں بو ہی جاتے ہیں

ایسے حالات ہو ہی جاتے ہیں

پیٹ کی آگ بجھ ہی جاتی ہے

نیند آۓ تو سو ہی جاتے ہیں

ہر نفس سینے پر ہے بوجھ مگر

ایک اک کر کے ڈھو ہی جاتے ہیں

تخم غم دل میں بو ہی جاتے ہیں

1 مارچ 2025
غزل

عبدالقادر خان
@aqadirk

پھر اک چراغِ شوق جلاۓ ہوۓ ہیں ہم

محفل میں آپ کی صنم آۓ ہوۓ ہیں ہم

دو چار ایک ماہ لقا سے ہوئی نظر

اک دلربا سے دل کو لگاۓ ہوۓ ہیں ہم

جو کچھ بھی ہونے والا ہے اس کی خبر نہیں

جو کچھ بھی ہو چکا ہے بھلاۓ ہوۓ ہیں ہم

پھر اک چراغِ شوق جلاۓ ہوۓ ہیں ہم

22 دسمبر 2024
رباعی

عبدالقادر خان
@aqadirk

کٹنے کو تو زندگی یوں کٹ رہی ہے

ہر لمحہ پر سانس اپنی گھٹ رہی ہے

شب ہے یہ ظلمات کی ڈھلنے والی

ہونے والی صبح ہے پو پھٹ رہی ہے

کٹنے کو تو زندگی یوں کٹ رہی ہے

18 دسمبر 2024
غزل

عبدالقادر خان
@aqadirk

چین آتا نہیں ذرا کوئی

زندگی ہے یا اک سزا کوئی

زندگی کے سفر میں تھے تنہا

راہ میں ہم کو مل گیا کوئی

میرے خوابوں کے بارگاہوں میں

رقص کرتی ہے اپسرا کوئی

چین آتا نہیں ذرا کوئی

17 دسمبر 2024
غزل

عبدالقادر خان
@aqadirk

مرتے ہیں ان پہ جب ہم سو دل سے اور جاں سے

شکوہ کریں جو ان سے آخر تو کس زباں سے

دو چار ہی نفس ہیں بس زندگی کے باقی

آئیں گے تو ملیں گے وہ عرش آشیاں سے

آۓ یقیں نہ ان کو چاہت کا کیوں ہماری

سو بار ہم ہیں گزرے اس ایک امتحاں سے

مرتے ہیں ان پہ جب ہم سو دل سے اور جاں سے

8 دسمبر 2024
غزل

عبدالقادر خان
@aqadirk

کب تک ڈرے رہیں گے رسوائیوں کے ڈر سے

کچھ تم چلو ادھر سے کچھ ہم چلیں ادھر سے

آتا نہیں ہے کوئی کوچے میں اپنے ڈر سے

ہمت اگر ہے تم میں گزرو کبھی ادھر سے

کچھ اس طرح سے دیدے پھر آج اپنے برسے

سب ایک لگ رہے ہیں ہم کو تو بحر و بر سے

کب تک ڈرے رہیں گے رسوائیوں کے ڈر سے

9 نومبر 2024
غزل

عبدالقادر خان
@aqadirk

اپنے پرانے دل کے نہ اب زخم کھولۓ

مت زندگی میں اپنی یوں ہی زہر گھولۓ

ہونا خفا تھا جتنا خفا آپ ہو لۓ

باہر کھڑا ہوں کب سے میں دروازہ کھولۓ

تاخیر ایک پل کی سزا عمر بھر کی ہے

کھلنے سے پیشتر ہی قفس پر کو تولۓ

اپنے پرانے دل کے نہ اب زخم کھولۓ

31 اکتوبر 2024
رباعی

عبدالقادر خان
@aqadirk

پہلے سے زیادہ ضو فشاں ہونے لگی

جل جل کے شمع اور جواں ہونے لگی

جب سے دیکھا اک بتِ کافر کو ہے

دل کی نیت بے ایماں ہونے لگی

پہلے سے زیادہ ضو فشاں ہونے لگی

30 اکتوبر 2024
غزل

عبدالقادر خان
@aqadirk

اچھا کیا جو پھوٹ کے یوں آپ رو لۓ

جتنے بھی دل کے داغ تھے رو رو کے دھو لۓ

چپ کیوں ہیں اتنے بہر خدا کچھ تو بولئے

کانوں میں اپنے رس تو ذرا آپ گھولۓ

پھر اس ادا پہ کیوں نہیں ہو جائیں ہم فدا

ہو کر خفا وہ کہتے ہیں ہم سے نہ بولۓ

اچھا کیا جو پھوٹ کے یوں آپ رو لۓ

27 اکتوبر 2024
رباعی

عبدالقادر خان
@aqadirk

سوکھی شاخوں سے جو پتے ٹوٹے

اپنی ہستی کے غم سے وہ چھوٹے

کیسے جڑ پاۓ گا وہ پھر قادر

دل ہی ٹوٹے یا آئینہ ٹوٹے

سوکھی شاخوں سے جو پتے ٹوٹے

25 اکتوبر 2024
رباعی

عبدالقادر خان
@aqadirk

دل سے ہم مجبور ہو ہی جاتے ہیں

ان کی آنکھوں میں کھو ہی جاتے ہیں

کتنے آزردہ ہی ہوں ہم لیکن

غم کی چھاؤں میں سو ہی جاتے ہیں

دل سے ہم مجبور ہو ہی جاتے ہیں

17 اکتوبر 2024
غزل

عبدالقادر خان
@aqadirk

آ کہ چلنا ہے بس بہت آگے

اے مرے ہم نفس بہت آگے

لاغری سے مری کشادہ ہوا

تنگ تھا یہ قفس بہت آگے

بے دھڑک بند ہو گیا اب دل

کرتا تھا پیش و پس بہت آگے

آ کہ چلنا ہے بس بہت آگے

10 اکتوبر 2024
غزل

عبدالقادر خان
@aqadirk

سوچتا ہوں بہت کہ کیا ہوں میں

ہوں حقیقت کہ افترا ہوں میں

آپ اپنا ہی نقشِ پا ہوں میں

آپ اپنی ہی اقتدا ہوں میں

سوچتا ہوں تو پس میں ہوں زندہ

ہوں جو زندہ تو سوچتا ہوں میں

سوچتا ہوں بہت کہ کیا ہوں میں

3 اکتوبر 2024
غزل

عبدالقادر خان
@aqadirk

جب بھی ملتے ہیں حسن والے سے

دل سنبھلتا نہیں سنبھالے سے

آپ کی زلف کے حوالے سے

ابر چھاۓ ہیں کالے کالے سے

نین تیرے ہیں مدھ کے پیالے سے

مکھ پہ ہیں چاند جیسے ہالے سے

جب بھی ملتے ہیں حسن والے سے

30 ستمبر 2024
غزل

عبدالقادر خان
@aqadirk

مت سمجھنا مر کر اک دن میں فنا ہو جاؤں گا

زندگی کے قافلے سے بس جدا ہو جاؤں گا

جب حقیقت سے میں اپنی آشنا ہو جاؤں گا

آپ اپنی ہی سمجھ سے ماورا ہو جاؤں گا

مٹ نہیں پاۓ گا دنیا سے کبھی میرا وجود

میں بکھر بھی جو گیا پھر ایک جا ہو جاؤں گا