مری آرزو ترے بن کہاں مری زندگی میں کوئی خوشی

کوئی آۓ بن کے متاعِ جاں مری زندگی میں کوئی خوشی

کوئی اجنبی کوئی مہرباں مری زندگی میں کوئی خوشی

ہوئی جاگزیں کہ تو ہے جہاں مری زندگی میں کوئی خوشی

مری زندگی کی ہر اک خوشی تو گیا تو ساتھ ہی لے گیا

کہ ہے اب نہ آنے کا بھی گماں مری زندگی میں کوئی خوشی

مری جانِ جاں نہ بضد ہو تو یہ جو کہہ دیا کہ ترے سوا

ہو جو کچھ اگر تو کروں بیاں مری زندگی میں کوئی خوشی

نہ رقیب سے ہوں رقابتیں نہ عدو سے کچھ ہوں عداوتیں

نہ رچے کبھی غمِ دشمناں مری زندگی میں کوئی خوشی

نہ بُھلا سکی مرے رنج و غم نہ ہی دے سکی یہ قرار ہی

نہ ہی لا سکی مۓ ارغواں مری زندگی میں کوئی خوشی

نہ میں ہوش میں نہ جنوں میں ہوں میں تو کب سے قیدِ قفس میں ہوں

کبھی اک مرا بھی تھا آشیاں مری زندگی میں کوئی خوشی

اسی بات کی تو یہ فکر ہے مجھے خوفِ شادئ مرگ ہے

کہیں آ نہ جاۓ کہ ناگہاں مری زندگی میں کوئی خوشی

نہ ہی تجھ سے پہلے تھا آشنا کسی بزمِ عیش و نشاط سے

نہ ہی آۓ گی ترے بعد جاں مری زندگی میں کوئی خوشی

ہمیں زندگی کی خلیج نے جدا کر دیا ہے پھر ایک بار

کہاں دیکھ سکتا ہے آسماں مری زندگی میں کوئی خوشی