تقطیع، شاعری اور بلاگ

Syed Mujtaba Daoodi

@mujtabasyed

6 ستمبر 2024
غزل

Syed Mujtaba Daoodi
@mujtabasyed

جو میں نے چھیڑی وفا کی باتیں وہ چھیڑ بیٹھے جہاں کی باتیں

ادھر کی باتیں ادھر کی باتیں یہاں کی باتیں وہاں کی باتیں

سنائی ہر ایک نے تواتر سے اپنے اپنے گماں کی باتیں

کہ میں اور آزُرْدَگی کی باتیں وہ اپنے نام و نشاں کی باتیں

نہیں مناسب ہم اہل دل کو غمِ زمانہ سے ہٹ کے سوچیں

زمین کی مانگ سونی ہو اور چھیڑیں ہم کہکشاں کی باتیں

جو میں نے چھیڑی وفا کی باتیں

6 ستمبر 2024
غزل

Syed Mujtaba Daoodi
@mujtabasyed

جس دیئے میں تیل کم ہو وہ بھلا کب تک جلے

خود بخود بجھ جائے گا وہ جل سکے جب تک جلے

چند لمحوں کے لئے جلنا کوئی جلنا نہیں

تیرگی جب تک رہے باقی دِیا تب تک جلے

شمعِ علم ایسی ہو جس سے ہر جگہ پھیلے ضیا

وہ چراغِ علم کیا جو طاقِ مکتب تک جلے

جس دیئے میں تیل کم ہو

3 ستمبر 2024
غزل

Syed Mujtaba Daoodi
@mujtabasyed

بن گیا شعلہ مظالم کا شرر آخرکو

ہم بھی ٹکرا گئے بے خوف و خطر آخرکو

خوش گمانی میری کچھ کام نہ آئی میرے

توڑ دی وقت نے طاقت کی کمر آخرکو

اس نے بھی راست نوائی کی جسارت کی تھی

اس کو بھی ہونا پڑا شہر بدر آخرکو

بن گیا شعلہ مظالم کا شرر آخرکو

26 اگست 2024
غزل

Syed Mujtaba Daoodi
@mujtabasyed

ہٹا کر جھوٹ سے پردہ صداقت کون لکھے گا

اگر ہم بھی چھپائیں تو حقیقت کون لکھے گا

اگر تم جھوٹ رشوت اور مکاری سے جیتو گے

تو پھر ایسی سیاست کو سیاست کون لکھے گا

بہائے کتنے تو نے خون تخت و تاج کی خاطر

نبھائی تُو نے کس کس سے عداوت کون لکھے گا

ہٹا کر جھوٹ سے پردہ

19 اگست 2024
غزل

Syed Mujtaba Daoodi
@mujtabasyed

پڑیں گے اُس پہ نہ ہرگز کبھی زوال کے ہاتھ

ہوں جس پہ سایہ فگن ربِ ذوالجلال کے ہاتھ

بوقتِ موت سکندر نے یہ وصیّت کی

کہ رکھے جائیں کفن سے مرے نکال کے ہاتھ

بھرا ہوا اُسے دیکھا نہیں کبھی ہم نے

اُٹھائے پھرتے ہیں کشکول جو سوال کے ہاتھ

پڑیں گے اُس پہ نہ ہرگز

12 اگست 2024
غزل

Syed Mujtaba Daoodi
@mujtabasyed

مہلتِ زندگی بہت کم ہے

لو دیے کی بہت ہی مدھم ہے

آگ پانی کا کیسا سنگم ہے

دل میں شعلہ تو آنکھ پرنم ہے

زرد رنگت ،خزاں بھی پت جھڑ بھی

تجھ سے مانوس کتنا موسم ہے

مہلتِ زندگی بہت کم ہے

24 جولائی 2024
غزل

Syed Mujtaba Daoodi
@mujtabasyed

خوب ہے گرمیٔ بازارِ ہوس اب کے برس

اُونچے داموں بک رہے ہیں خار و خس اب کے برس

کاٹتے کٹتا نہیں چوبیس گھنٹے کا پہاڑ

بوجھ دل پر بن گیا اک اک نفس اب کے برس

منتظر کب سے کھڑا ہے کاروانِ زندگی

پھر پکارے کوئی آوازِ جرس اب کے برس

خوب ہے گرمیٔ بازارِ ہوس اب کے برس

5 مارچ 2024
غزل

Syed Mujtaba Daoodi
@mujtabasyed

اس رنگ اور بوئے گلشن کا افسانہ لکھوں تو کیسے لکھوں

ان تھکے تھکے موسموں کو دیوانہ لکھوں تو کیسے لکھوں

احباب کا دکھ اغیار کا غم اپنوں کا گلہ دشمن کے ستم

بے کیف و سرور اس دنیا کو آشیانہ لکھوں تو کیسے لکھوں

ہیں دل و جگر ہی دشمن جاں پر دل و جگر تو اپنے ہیں

جب اپنے ہیں تو اپنوں کو بیگانہ لکھوں تو کیسے لکھوں

اس رنگ اور بوئے گلشن کا افسانہ لکھوں تو کیسے لکھوں

5 مارچ 2024
غزل

Syed Mujtaba Daoodi
@mujtabasyed

تو ہے پرتو حیرت اب حیرتِ کدہ ہو جا

آئینہ سے واصل ہو جذب آئینہ ہو جا

جزو منتشر کیوں ہے مل کے ایک جا ہو جا

گو خدا نہیں ہو گا، مَظْہَرِ خدا ہو جا

رہگزار ہستی میں نقش دوسرا ہو جا

وہ نشان منزل ہے تو نشان پا ہو جا

تو ہے پرتو حیرت اب حیرتِ کدہ ہو جا

5 مارچ 2024
غزل

Syed Mujtaba Daoodi
@mujtabasyed

ربط سوزِ دروں دھواں تک ہے

درد کا سلسلہ فغاں تک ہے

سحر انگیزی تو زباں تک ہے

قصہ جو کچھ بھی ہے بیاں تک ہے

وُسْعَتِ دامَنِ حَیات نہ پُوچھ

یہ زمیں کیا ہے آسماں تک ہے

ربط سوزِ دروں دھواں تک ہے

5 مارچ 2024
غزل

Syed Mujtaba Daoodi
@mujtabasyed

یہ کار ستم کیشی یہ بگڑی ادا کب تک

اے وقت بتا تیرا اترے گا نشہ کب تک

یہ جور و جفا کب تک یہ ناز و ادا کب تک

دیکھیں گے اسے ہم بھی بنتا ہے خدا کب تک

جو حبس کا عالم ہے طوفاں تو اٹھنا ہے

رکھے گی بھلا فطرت مسموم فضا کب تک

یہ کار ستم کیشی یہ بگڑی ادا کب تک

5 مارچ 2024
غزل

Syed Mujtaba Daoodi
@mujtabasyed

ظلم اور غضب سے نہیں ڈرتا کوئی خورشید

ظلمت بڑھی حد سےتو ابھرا کوئی خورشید

کیا بھول گئے سارے اماوس کے پرستار

کرتا ہے ہر اِک رات کا پیچھا کوئی خورشید

ہے نور کی ظلمات سے یہ جنگ پرانی

لڑتا ہے اندھیروں سے ہمیشہ کوئی خورشید

ظلم اور غضب سے نہیں ڈرتا کوئی خورشید

5 مارچ 2024
غزل

Syed Mujtaba Daoodi
@mujtabasyed

دلیل صبح نہیں رات کا بسر ہونا

بجھے نہ شمع غَمِ دِل تو کیا سحر ہونا

کبھی زمیں پہ کبھی تخت عرش پر ہونا

سکھا دیا ہے رب نے ہمیں بشر ہونا

کبھی ادھر سے گزرنا کبھی ادھر ہونا

ہے کچھ نہ کچھ تو ہواؤں کا میرے سر ہونا

دلیل صبح نہیں رات کا بسر ہونا

5 مارچ 2024
نظم

Syed Mujtaba Daoodi
@mujtabasyed

زندگی کی مُٹھی سے

رِیت جَب نِکل جاۓ

بھید اپنے جیون کا

تَب سمجھ میں آتا ہے

سب سمجھ میں آتا ہے

اب سمجھ میں آتا ہے

زندگی کی مُٹھی سے

28 فروری 2024
غزل

Syed Mujtaba Daoodi
@mujtabasyed

ہٹا کر جھوٹ سے پردہ صداقت کون لکھے گا؟

اگر ہم بھی چھپائیں تو حقیقت کون لکھے گا؟

اگر تم جھوٹ، رشوت اور مکاری سے جیتو گے

تو پھر ایسی سیاست کو سیاست کون لکھے گا؟

بہائے کتنے تو نے خون تخت و تاج کی خاطر

نبھائی تُو نے کس کس سے عداوت کون لکھے گا؟

ہٹا کر جھوٹ سے پردہ صداقت کون لکھے گا؟

28 فروری 2024
غزل

Syed Mujtaba Daoodi
@mujtabasyed

وہ جو آفاق کی سرحد سے گزر جاتے ہیں

جانے وہ لوگ نگاہوں سے کدھر جاتے ہیں

اُن کی دہلیز پہ جانے کے یہی ہیں آداب

جو بھی جاتے ہیں لئے دیدۂ تر جاتے ہیں

سامنے آگ کا دریا ہو کہ غم کا صحرا

پاؤں رکتے نہیں بے خوف و خطر جاتے ہیں

وہ جو آفاق کی سرحد سے گزر جاتے ہیں

28 فروری 2024
غزل

Syed Mujtaba Daoodi
@mujtabasyed

بدلے بدلے منظر دیکھ

بستی بستی ابتر دیکھ

سنّاٹوں کی چاپیں سن

آوازوں کے منظر دیکھ

پیڑ ھمارے ہیں پھل دار

پیڑوں پر ہیں بندر دیکھ

بدلے بدلے منظر دیکھ

16 دسمبر 2023
نظم

Syed Mujtaba Daoodi
@mujtabasyed

محبت شرافت صداقت عطا کر

مجھے علم و فن کی دولت عطا کر

نہ چھوٹے کبھی حق کا دامن خُدایا

برائی سے لڑنے کی طاقت عطا کر

تلاوت کروں روز قرآن کی میں

نمازی بنوں میں ہدایت عطا کر

خضر کی دعا

6 دسمبر 2023
غزل

Syed Mujtaba Daoodi
@mujtabasyed

تڑپ کو ہم نوا اور جذبہ دل تم کربلا کرلو

ذرا کچھ دیرکو ماضی سے بھی کچھ سلسلہ کرلو

سیاہی جو نگل جاۓ سراسر روشنی کو بھی

توپھرحق ہےکہاں باطل ہے کیا خود فیصلہ کرلو

عبادت نامکمّل ہے ، ادھورا ہے ہراک سجدہ

اساس ذہن ودل کو بھی نہ جب تک مبتلا کرلو

تڑپ کو ہم نوا اور جذبہ دل تم کربلا کرلو

5 دسمبر 2023
غزل

Syed Mujtaba Daoodi
@mujtabasyed

ہم نے جو راہ منتخب کی ہے

یاد رکھنا ، بڑے غضب کی ہے

جان کی اپنی ، فکر کب کی ہے

ہم نے کس سے اماں طلب کی ہے

جانتے ہیں سبب تباہی کا

کب ہمیں جستجو سبب کی ہے

ہم نے جو راہ منتخب کی ہے

29 نومبر 2023
نظم

Syed Mujtaba Daoodi
@mujtabasyed

کیا ہی زباں ہے اردو قومی زباں ہماری

فطرت ہے، آساں تر ہے اردو زباں ہماری

کیا خوب داستاں ہے اردو زباں ہماری

مظلوم کی فغاں ہے اردو زباں ہماری

گفت و شنید باہم اردو سے صرف ممکن

ہم سب کی ترجماں ہے اردو زباں ہماری

اردو زباں ہماری

24 نومبر 2023
غزل

Syed Mujtaba Daoodi
@mujtabasyed

تو ہے پرتو حیرت اب حیرتِ کدہ ہو جا

آئینہ سے واصل ہو جذب آئینہ ہو جا

جزو منتشر کیوں ہے مل کے ایک جا ہو جا

گو خدا نہیں ہو گا، مَظْہَرِ خدا ہو جا

رہگزار ہستی میں نقش دوسرا ہو جا

وہ نشان منزل ہے تو نشان پا ہو جا

تو ہے پرتو حیرت اب حیرتِ کدہ ہو جا

24 نومبر 2023
غزل

Syed Mujtaba Daoodi
@mujtabasyed

کم نگاہی تھی مری تو بے اثر رکھا مجھے

میں بشر تھا عمر بھر اس نے بشر رکھا مجھے

وُسعَتِ افلاک تک پھیلا نہ دوں اپنا وجود

ذات کی حَدِ فنا میں مختصر رکھا مجھے

بخش کر مجھ کو شُعُورِ آگَہی ہست و بود

اِنْقِلابِ روز و شب سے باخبر رکھا مجھے

کم نگاہی تھی مری تو بے اثر رکھا مجھے

22 اگست 2023
غزل

Syed Mujtaba Daoodi
@mujtabasyed

مانا کہ دل حیران ہے آگے بڑھو آگے بڑھو

غم کا اگر طوفان ہے ، آگے بڑھو آگے بڑھو

رستہ کوئی مشکل نہیں ،ہاں دور اب منزل نہیں

ہمت اگر چٹان ہے، آگے بڑھو آگے بڑھو

رستے میں جو رک جائے گا ،وہ ایک دن پچھتائے گا

یہ وقت کا اعلان ہے ، آگے بڑھو آگے بڑھو

مانا کہ دل حیران ہے آگے بڑھو آگے بڑھو

4 اپریل 2023
غزل

Syed Mujtaba Daoodi
@mujtabasyed

غم نہیں کیجیے دریا کو اتر جانا ہے

چاہے فرعون کا لشکر ہو بکھر جانا ہے

آسماں بھی ترے ہونے سے سنور جانا ہے

کہکشاں کو ترے قدموں میں بکھر جانا ہے

کوئی امید نظر آے ستارہ بن کر

راہ میں صبح کی اب جاں سے گزر جانا ہے

غم نہیں کیجیے دریا کو اتر جانا ہے

4 اپریل 2023
غزل

Syed Mujtaba Daoodi
@mujtabasyed

غَمِ حَیات سے کچھ واسطہ تو رکھنا ہے

وفا کا جو ہے طریقہ روا تو رکھنا ہے

نہ جانے کون سی رت میں ہو خواہش منزل

سفر کریں نہ کریں راستہ تو رکھنا ہے

زمانہ جان تو لے ہم ہیں تیرگی کے خلاف

بھلے ہوائیں بجھا دیں دیا تو رکھنا ہے

غَمِ حَیات سے کچھ واسطہ تو رکھنا ہے

4 اپریل 2023
غزل

Syed Mujtaba Daoodi
@mujtabasyed

عمر کہتے ہیں جسے سانسوں کی اک زنجیر ہے

چشم بینا میں ہر اک لمحے نئی تصویر ہے

زندگی انعام کی صورت میں اک تعزیر ہے

جو کبھی دیکھا نہ تھا اس خواب کی تعبیر ہے

جو پَس پردہ ہے اس کو چاہے جو کہہ لیجئے

پیش جو آئے وہی انسان کی تقدیر ہے

عمر کہتے ہیں جسے سانسوں کی اک زنجیر ہے

4 اپریل 2023
غزل

Syed Mujtaba Daoodi
@mujtabasyed

عشق کامل کہاں سے لے آتے

غم کا حاصل کہاں سے لے آتے

بحر کی انتہا ہی کر دی ہے

ورنہ ساحل کہاں سے لے آتے

زندگی سہل گر بنا دیتا

کوئی مشکل کہاں سے لے آتے

عشق کامل کہاں سے لے آتے

4 اپریل 2023
غزل

Syed Mujtaba Daoodi
@mujtabasyed

سوزِ درون، زات کی آواز بن گیا

تارِ نَفَس، نفس نہ رہا ساز بن گیا

چرچا اس طرح ہوا تیرے خصال کا

ہر ظلم ناروا تیرا انداز بن گیا

ہر اک ستم جواز ستم ڈھونڈنے لگا

فتنہ جو تھا وہ فِتْنَہ پَرْداز بن گیا

سوزِ درون، زات کی آواز بن گیا

4 اپریل 2023
غزل

Syed Mujtaba Daoodi
@mujtabasyed

شاعرواہل ہنر ہیں ہم لوگ

پھر بھی کیوں خاک بسر ہیں ہم لوگ

آدمی کی طرح برتے نہ گئے

کوئی مخلوق دگر ہیں ہم لوگ

سمت معلوم نہیں منزل کی

پھر بھی سرگرم سفر ہیں ہم لوگ

شاعرواہل ہنر ہیں ہم لوگ

4 اپریل 2023
غزل

Syed Mujtaba Daoodi
@mujtabasyed

سحر تیرگی کو تنویر بنا دیتی ہے

روشنی عکس کو تصویر بنا دیتی ہے

ہم تو کاغذ پر قلم رکھ کے چلاتے ہیں فقط

آگہی علم کی تحریر بنا دیتی ہے

زندگی کو تو گزرنا ہے بہر رنگ مگر

اس کو تاریخ اساطیر بنا دیتی ہے

سحر تیرگی کو تنویر بنا دیتی ہے

4 اپریل 2023
غزل

Syed Mujtaba Daoodi
@mujtabasyed

زیست پیرائیہ اظہار سے مجہول ہوئی

منجمد خاک تھی کچلی گئی تو دھول ہوئی

مصلحت کیش ہوئیں جتنی دعائیں مانگیں

جو نہ مانگی تھی کبھی وہ دعا مقبول ہوئی

عشق انسان کی فطرت کا تقاضہ بھی تو ہے

عذر کوئی بھی ہو پر بات تو معقول ہوئی

زیست پیرائیہ اظہار سے مجہول ہوئی

4 اپریل 2023
نا مکمل

Syed Mujtaba Daoodi
@mujtabasyed

زوق آسودگی کار سبب تک پہنچے

رہ گزر ہے وہی جو کُوئے طرب تک پہنچے

عشق پھر عشق ہے پَیرایَہ اظہار نہیں

کام یہ جذبہ دل کا ہے طلب تک پہنچے

غیر معلوم سے حالات میں ہے شمع حیات

جانے کیا حال گزر جائے لو جب تک پہنچے

زوق آسودگی کار سبب تک پہنچے

4 اپریل 2023
غزل

Syed Mujtaba Daoodi
@mujtabasyed

زمیں پراک عجب نقشہ ہے دریا

کہیں سمٹا کہیں پھیلا ہے دریا

جہلم ہو سندھ ہو راوی کہ ستلج

کوئی بھی نام ہو دریا ہے دریا

کسی نے یاد ماضی کی دلادی

جو سویا تھا وہ جاگ اٹھا ہے دریا

زمیں پراک عجب نقشہ ہے دریا

4 اپریل 2023
غزل

Syed Mujtaba Daoodi
@mujtabasyed

زرد زرد پتے ہیں ماند رنگتیں ساری

چھین لی ہواؤں نے گل کی نکہتیں ساری

لاکھ خود ستائی میں لوگ ہوں اثاثہ ہو

اک دِیئے کے دم سے ہے گھر کی رونقیں ساری

خیر کی توقع کیا جاں گداز صحرا سے

اک جنون خستہ جاں اور وحشتیں ساری

زرد زرد پتے ہیں ماند رنگتیں ساری

4 اپریل 2023
غزل

Syed Mujtaba Daoodi
@mujtabasyed

زخم دل جوشش نمو چاہے

یعنی کچھ اور بھی لہو چاہے

کچھ توجہ یہ رنگ و بو چاہے

یہ نگہ فکر و جستجو چاہے

میرے کوچے کا اب یہ عالم ہے

ہر بشر اپنی آبرو چاہے

زخم دل جوشش نمو چاہے

4 اپریل 2023
غزل

Syed Mujtaba Daoodi
@mujtabasyed

رابطہ جسم کا جب روح سے کٹ جاتا ہے

آدمی پھر نئے حالات میں بٹ جاتا ہے

دیکھ کر ساحلِ دریا کا سکوتِ پیہم

چڑھ کے آیا ہوا طوفاں بھی پلٹ جاتا ہے

آئینہ دیکھ کے ہوتا ہے جو توہم کا اسیر

قد وہی ہوتا ہے پر آدمی گھٹ جاتا ہے

رابطہ جسم کا جب روح سے کٹ جاتا ہے

320

4 اپریل 2023
غزل

Syed Mujtaba Daoodi
@mujtabasyed

ڈالا ہے وقت نے مجھےکس امتحان میں

خود ہی ہدف ہوں تیر ہوں خود اپنی کمان میں

اپنی حد اور خیال کو رکھ کر گمان میں

احساس کا پرند ہے اونچی اڑان میں

اہل خرد تو عقل کے جھانسے میں آگئے

دیوانگی ہمیشہ رہی اپنی شان میں

ڈالا ہے وقت نے مجھےکس امتحان میں

4 اپریل 2023
غزل

Syed Mujtaba Daoodi
@mujtabasyed

دیکھنا چاہوں جو دکھائی دے

منتشر لمحوں کو اکائی دے

عشق کو ذوق خود نمائی دے

مَظْہَر زات تک رسائی دے

کتنی حساس ہے سماعت بھی

کوئی سوچے مجھے سنائی دے

دیکھنا چاہوں جو دکھائی دے

4 اپریل 2023
غزل

Syed Mujtaba Daoodi
@mujtabasyed

دل کو سر مضراب کیا ہے میں نے

ہر سانس کو بیتاب کیا ہے میں نے

کچھ اپنے لئیے قریہ جاں میں بھٹکے

کچھ خاطر احباب کیا ہے میں نے

ٹھہرے ہوئے پانی میں پتھر چلا کر

اندازہ گرداب کیا ہے میں نے

دل کو سر مضراب کیا ہے میں نے

4 اپریل 2023
غزل

Syed Mujtaba Daoodi
@mujtabasyed

خودی کی انتہائی مات کہیے

محبت کو شکست ذات کہیے

اثر انگیزی کےحالات کہیے

کچھ اپنے بھی تو احساسات کہیے

بہت تمہید سن لی درد دل کی

جو کہنا چاہتے ہیں بات کہیے

خودی کی انتہائی مات کہیے

4 اپریل 2023
غزل

Syed Mujtaba Daoodi
@mujtabasyed

خودی تضحیک حسرت کی ثمر ہے

تجھے ائے بے نیازی کچھ خبر ہے

جو ہے وہ زد میں ہے وہم و گماں کی

نہیں ہے جو وہی تو معتبر ہے

بہت حساس ہوتا جا رہا ہوں

میرے اندر بھی کوئی شیشہ گر ہے

خودی تضحیک حسرت کی ثمر ہے

4 اپریل 2023
غزل

Syed Mujtaba Daoodi
@mujtabasyed

خود رفتگی شوق میں چلتے ہیں ڈگر اور

منزل کا نشان اور ہے رستے کا سفر اور

اک بوجھ بڑھاتا ہی چلا جاتا ہے اک سال

بڑھ جاتا ہے جب بوجھ تو جھکتی ہے کمر اور

ہے کار گہہ زیست کا آئین ضرورت

ہو جائے کوئی بند تو کھل جائے گا در اور

خود رفتگی شوق میں چلتے ہیں ڈگر اور

4 اپریل 2023
غزل

Syed Mujtaba Daoodi
@mujtabasyed

وقت ہرچند ہے کڑادختر

ہار دینا نہ حوصلہ دختر

ہے تپش تیز تر شب غم کی

اوڑھ لو دھوپ کی ردا دختر

ذندگی پر محیط ہوتا ہے

ایک لمحے کا فیصلہ دختر

وقت ہرچند ہے کڑادختر

4 اپریل 2023
غزل

Syed Mujtaba Daoodi
@mujtabasyed

خامشی بھی زباں نہ ہو جاۓ

وجہ آہ و فغاں نہ ہو جاۓ

خوف اب یہ ہے تیرے پیش نظر

وہ کہیں سب کا ترجماں نہ ہو جائے

آج تنہا وہ اک مسافر ہے

کل وہی کارواں نہ ہو جاۓ

خامشی بھی زباں نہ ہو جاۓ

4 اپریل 2023
غزل

Syed Mujtaba Daoodi
@mujtabasyed

بوئے ہوئے خوابوں کا ثمر ڈھونڈ رہے ہیں

بیدار ہیں ہم لوگ سحر ڈھونڈ رہے ہیں

پھر سوز شرر بار خلش چاہیے دل کو

پھر جَری نظر بار دگر ڈھونڈ رہے ہیں

احساس ندامت ہمیں رونے کا بہت ہے

آنکھوں سے گرے تھےجو گہر ڈھونڈ رہے ہیں

بوئے ہوئے خوابوں کا ثمر ڈھونڈ رہے ہیں

4 اپریل 2023
غزل

Syed Mujtaba Daoodi
@mujtabasyed

اگر پرواز پے مائل نہیں ہے

پرندہ وہ کسی قابل نہیں ہے

فریبوں میں نہ آئیں اہلِ کشتی

وہاں گرداب ہے ساحل نہیں ہے

تمہیں حاصل ہے تختِ بادشاہی

سکونِ دل مگر حاصل نہیں ہے

اگر پرواز پے مائل نہیں ہے

18 جنوری 2023
غزل

Syed Mujtaba Daoodi
@mujtabasyed

کروں میں استعاروں میں بیاں کیا

سمجھ لیں گے نہ وہ میری زباں کیا

نظر کو ہے فَریبِ آسماں کیا

پَسِ منظر بھی ہے منظر نہاں کیا

وہی ہونا ہے جو ہونا لکھا ہے

تو پھر ہَنگامَۂ سُود و زِیاں کیا

کروں میں استعاروں میں بیاں کیا

18 جنوری 2023
غزل

Syed Mujtaba Daoodi
@mujtabasyed

دست رس میں نہ ہوں حالات تو پھر کیا کیجئے

وقت دکھلائے کرشمات تو پھر کیا کیجئے

صاحِبِ وقت ہیں جو ان کی طبیعت چاہے

ظلم کو کہہ دیں مکافات تو پھر کیا کیجئے

ہم نے رو لیں ہیں گہر اشک ندامت کے بہت

ہوں نہ منظور یہ سوغات تو پھر کیا کیجیے

دست رس میں نہ ہوں حالات

5 جنوری 2022
غزل

Syed Mujtaba Daoodi
@mujtabasyed

ربط سوزِدَرُوں دھواں تک ہے

درد کا سلسلہ فغاں تک ہے

سحر انگیزی تو زباں تک ہے

قصہ جو کچھ بھی ہے بیاں تک ہے

وُسْعَت دامَنِ حَیات نہ پُوچھو

یہ زمیں کیا ہے آسماں تک ہے

ربط سوزِدَرُوں دھواں تک ہے

5 جنوری 2022
غزل

Syed Mujtaba Daoodi
@mujtabasyed

جہاں تک وُسْعَت قلب نظر ہے

یہ عالم بھی وہیں تک معتبر ہے

نہ سایہ ہے نہ دیواریں نہ در ہے

جہاں رہتا ہوں میں یہ بھی تو گھر ہے

ترے ہر گام پراس کی نطر ہے

تجھے اےبے خبر اس کی خبر ہے؟

جہاں تک وُسْعَت قلب نظر ہے

5 جنوری 2022
غزل

Syed Mujtaba Daoodi
@mujtabasyed

آؤ مقتل میں بھی چل کر دیکھیں

ضوفشاں کتنے ہوئے سر دیکھیں

موت کا کیا ہے مزہ مر دیکھیں

کام یہ ہوتا ہے تو کر دیکھیں

زندگی کے ہیں قرینے کتنے

ایک لمحے کو بکھر کر دیکھیں

آؤ مقتل میں بھی چل کر دیکھیں

100

21 دسمبر 2021
غزل

Syed Mujtaba Daoodi
@mujtabasyed

دل احتساب ذات کی زد میں ہے آج کل

ہر اک عمل گناہ کی مد میں ہے آج کل

اطراف جاں میں رقص ہے شعلوں کا دم بدم

سایہ بھی اپنے جسم کے قد میں ہے آج کل

امواج جذب عشق کی سب سر نگوں ہوئیں

دریائے اضطراب بھی حد میں ہے آج کل

آج کل

21 دسمبر 2021
غزل

Syed Mujtaba Daoodi
@mujtabasyed

اک شَے کو اہتمام سے کیا کیا لکھا گیا

ٹھہرے کو جھیل بہتے کو دریا لکھا گیا

الفت کا باب رنگ تخیل سے پر ہوا

ایسا لکھا گیا کبھی ویسا لکھا گیا

لمحات کے بہاو میں بہتا رہا بشر

ٹھرا جہاں وہ موت کا عرصہ لکھا گیا