تقطیع، شاعری اور بلاگ

Amr Ali

@AmrAlvi

17 اگست
برائے اصلاح

Amr Ali
@AmrAlvi

اوجِ کمال خام خیالوں کو چاہیے

ململ سا فرش پاوں کے چھالوں کو چاہیے

اک آدھ مصرعہ آ گیا جب سے گرفت میں

اردو سا کوہِ نور بھی لالوں کو چاہیے

3 اگست
برائے اصلاح

Amr Ali
@AmrAlvi

یہ حقیقت ہے اور مسلّم ہے

فطرتاً ہر بشر مُعَلَّم ہے

ٹھیک ہیں دھرم و ذات کے رشتے

آدمیّت مگر مقدّم ہے

آپ بھی تو فقیر ہیں اس کے

آپ میرے لیے مکرم ہیں

************

1 اگست
غزل

Amr Ali
@AmrAlvi

کچھ عرصہ تلک پردہ نشیں ہم بھی رہے ہیں

اک رازِ محبت کے امیں ہم بھی رہے ہیں

مرعوب ہمیں اوجِ ثریا سے کریں گے؟؟

افلاک پہ بس آپ نہیں ہم بھی رہے ہیں

وہ شہرِ خموشاں کہ جہاں حشر بپا ہے

اس شہرِ محبت کے مکیں ہم بھی رہے ہیں

16 جون
نا مکمل

Amr Ali
@AmrAlvi

وہ سمجھتا ہے فقط میرا ہی گھر خاک ہوا

آتشِ ہجر میں ہر ایک بشر خاک ہوا

دمِ رخصت جو نظر آخری ڈالی اس نے

گلستاں دشت ہوا اور نگر خاک ہوا

----------------------- خاک ہوا

7 جون
نا مکمل

Amr Ali
@AmrAlvi

دل کی مٹی کو کسی کام میں لایا جائے

پیڑ ممکن جو نہیں جھاڑ اگایا جائے

بنت حوا سے ہے عالم میں ترنم کا سماں

ابن آدم بھی دھنک رنگ بتایا جائے

باپ دادا سے وراثت میں کہاں ملتی ہے

شاعری دین خدا ہے نہ بھلایا جائے

کام

5 جون
غزل

Amr Ali
@AmrAlvi

اے دوست لوحِ دل سے مٹانے کی ٹھان لی

یعنی کے ہم نے اس کو بھلانے کی ٹھان لی

ڈھونڈیں گے اس کے جیسا حسیں کوئی ہم نشیں

اس دلربا کو ہم نے جلانے کی ٹھان لی

اک چاند نے جو آنکھوں میں کاجل لگا لیا

بادل نے گھن گرج کے رلانے کی ٹھان لی

عزم

4 جون
غزل

Amr Ali
@AmrAlvi

پیرویِ امام واجب ہے

روشنی کو خرام واجب ہے

مے کدے کے نظام میں صاحب

مے کشوں کو سلام واجب ہے

آپ کو اس گلی سے نسبت ہے

آپ کا احترام واجب ہے

واجبات

3 جون
غزل

Amr Ali
@AmrAlvi

رخ پہ تیرے جو بدلتے ہوئے رنگ آتے ہیں

ایسے جلوے تو کسی نام کے سنگ آتے ہیں

تیرے آنچل کے لہکنے کا گماں ہوتا ہے

چھت پہ جب بچوں کے خوش رنگ پتنگ آتے ہیں

اب بھی لاہور کی رفتار سے اکتا کر اے دوست

ہم سکوں پانے کو سیدھا ترے جھنگ آتے ہیں

ترتیب

9 مارچ
قطعہ

Amr Ali
@AmrAlvi

میرا تیرا ہے کیا محبت میں

جو بھی جتنا ہے سب ہمارا ہے

دور بھاگوں تو کس لیے آخر

میں ہوں یوسف نہ تو زلیخا ہے

----------

2 مارچ
نا مکمل

Amr Ali
@AmrAlvi

اس کی آنکھوں میں وہ اداسی تھی

جیسے آغوش اس مامتا کی

جس کی کوکھ

بنجر ہو!!

اداسی

31 جنوری
نعت

Amr Ali
@AmrAlvi

بزمِ کونین میں چار سو آپ ہیں

لمحہ لمحہ مرے رو برو آپ ہیں

ایک بے دل کے دل میں جو ظاہر ہوئی

میرے آقا وہی آرزو آپ ہیں

حسن والوں کو اقرار کرتے بنی

سارے دارین میں خوبرو آپ ہیں

بزمِ کونین میں چار سو آپ ہیں

10 اکتوبر
برائے اصلاح

Amr Ali
@AmrAlvi

کیا بھلے ہیں رقومِ دریا بھی

راحتِ جاں قدومِ دریا بھی

اس کی آنکھوں میں ڈوب سکتے ہیں

چاند، عاشق، ہجوم دریا بھی

کیا کہا رات ہو گئی گہری

چھپ گئے ہیں نجوم دریا بھی

دریا بھی

21 ستمبر
برائے اصلاح

Amr Ali
@AmrAlvi

خونِ جگر سے شمع جلائی گئی ابھی

تازہ ترین نظم سنائی گئی ابھی

یک بار حظ اٹھائیے عمرِ تمام کا

اس واسطے ہی بزم سجائی گئی ابھی

کانوں میں گونجتی ہے ابھی بازگشتِ کن

دنیا کوئی نئی سی بنائی گئی ابھی

کانوں میں گونجتی ہے ابھی بازگشتِ کن

20 اگست
شعر

Amr Ali
@AmrAlvi

میں نے پوروں پہ گننا چاہا تھا

ہاتھ یاروں نے کاٹ ڈالے تھے

قحطِ دوستاں

5 اگست
برائے اصلاح

Amr Ali
@AmrAlvi

دل صحیفہ نزول عشق کا ہے

کل جھمیلا حصول عشق کا ہے

ایک اور ایک دو نہیں ہوتے

یہ سنہرا اصول عشق کا ہے

کون سرپٹ گزر گیا ہے ابھی

راستہ دھول دھول عشق کا ہے

یہ سنہرا اصول عشق کا ہے

23 جولائی
موزوں

Amr Ali
@AmrAlvi

اس کو زیبا یوں کہہ مکرنی ہے

خشک پھولوں میں خوشبو بھرنی ہے

لوگ باتوں پہ کان دھرتے ہیں

میں نے کانوں پہ بات دھرنی ہے

اب تو سورج کی آنکھ کھلنی ہے

اس کے رخ کی کرن جو پڑنی ہے

مجھے اللہ سے بات کرنی ہے

22 جولائی
نا مکمل

Amr Ali
@AmrAlvi

منقول ہے نہیں ہے کوئی بے حسی کی حد

حد ہے تو حال شخصے در آنچه می رسد

دس ووٹ کر کے ڈپٹی سپیکر نے مسترد

چھ لاکھ ووٹروں کا کیا اعتبار رد

بد نیتی پہ مبنی ہے یہ احمقانہ فعل

وہ سوچتا ہے اس کا کہا ہو گا مستند

دس ووٹ کر کے دوست مزاری نے مسترد

106

20 جولائی
غزل

Amr Ali
@AmrAlvi

نا چار راہِ زمانہ پہ چلنا پڑتا ہے

جو راز دل میں نہاں ہو اگلنا پڑتا ہے

یہ تیرہ بختی مرے واسطے تو نعمت ہے

کہ منہ لگاتا ہے کوئی نہ لگنا پڑتا ہے

اور اس سے مل کے گھٹن ہے کہ بڑھتی جاتی ہے

کیا کروں؟ مجھے ہر روز ملنا پڑتا ہے

غروب ہونے کو ہر صبح ابھرنا پڑتا ہے

18 جولائی
غزل

Amr Ali
@AmrAlvi

نشاطِ وصل اٹھانے سے جان چھوٹ گئی

غمِ فراق منانے سے جان چھوٹ گئی

خدا کا شکر ترے در پہ آ کے جاں نکلی

سو روز روز کے آنے سے جان چھوٹ گئی

کسی کے عشق نے وا کر دیے جہان کئی

کسی کے ناز اٹھانے سے جان چھوٹ گئی

تعلقات نبھانے سے جان چھوٹ گئی

15 جولائی
شعر

Amr Ali
@AmrAlvi

مزہ تو جب ہے فلک خاک پر اتر آئے

زمیں کو رہنا پڑے جا کے آسمانوں میں

بیت

8 جولائی
غزل

Amr Ali
@AmrAlvi

جس دم ترے خیال کی حدت ہوئی تمام

ہم نے سمجھ لیا کہ عبادت ہوئی تمام

پہلے پہل تو ہم کو دسمبر لگا تھا جون

پھر جون کی وہ پہلی سی شدت ہوئی تمام

جب نام سن کے چہرے پہ آئی نہ کچھ خوشی

ثابت ہوا کہ عشق کی مدت ہوئی تمام

اب دید کی ہوس ہے محبت ہوئی تمام

5 جولائی
موزوں

Amr Ali
@AmrAlvi

ربط رکھا قلیل لوگوں سے

ہے محبت اصیل لوگوں سے

تیری عزت پہ ہاتھ ڈالیں گے

نہ ملا کر رذیل لوگوں سے

قطرہِ آب کو ترستا ہے

مانگی ہو گی سبیل لوگوں سے

غزل

4 جولائی
برائے اصلاح

Amr Ali
@AmrAlvi

دوستوں کے نشید میں ہوں میں

آج رنگِ فرید میں ہوں میں ا

کل کسے علم کیا سے کیا ہوگا

آج وقتِ سعید میں ہوں میں

مجھ سے قائم ہے رنگ دنیا کا

ہر کسی کی نوید میں ہوں میں

اب کہ فکرِ جدید میں ہوں میں

2 جولائی
نا مکمل

Amr Ali
@AmrAlvi

دامِ فریبِ یار میں لانے کے واسطے

دل نے دیے ہیں ہم کو زمانے کے واسطے

سالوں سنبھال رکھی ہے بوتل شراب کی

صدیوں پرانا دوست منانے کے واسطے

یہ کون چاہتا ہے مری آنکھ نا لگے

ٹھانی ہے کس نے ہوش اڑانے کے واسطے

صدیوں پرانا دوست منانے کے واسطے

30 جون
غزل

Amr Ali
@AmrAlvi

دیکھیے اس کا چناو سر ہے یا دستار ہے

پشت پر دیوار جس کے سامنے تلوار ہے

ہارنے والوں میں شامل دوستوں کے نام ہیں

دوستی کی ہار ہے یعنی کہ میری ہار ہے

ہم نے تھکنا ہی نہیں ہے آرزوئے وصل سے

دیکھ لیتے ہیں کہ کب تک آپ کا انکار ہے

دیکھیے اس کا چناو سر ہے یا دستار ہے

30 جون
غزل

Amr Ali
@AmrAlvi

دریا کب سیلِِ آب چاہتے ہیں

منہ دکھانے کو آب چاہتے ہیں

نفرتوں کا بھی قتل عام کرو

لوگ ایسا جناب چاہتے ہیں

فاختہ مستقل بسیرا کرے

کب بھلا یہ عقاب چاہتے ہیں؟

سب اسے چاہتے ہیں امر علی

28 جون
غزل

Amr Ali
@AmrAlvi

ہم خیالوں کی لاج رکھ لیتا

خستہ حالوں کی لاج رکھ لیتا

جاتے جاتے پکار ہی لیتا

جانے والوں کی لاج رکھ لیتا

مے کدے میں تو ساتھ ہوتے تھے

ہم پیالوں کی لاج رکھ لیتا

جانے والوں کی لاج رکھ لیتا

27 جون
شعر

Amr Ali
@AmrAlvi

یہ تیرہ بختی مرے واسطے تو نعمت ہے

کہ منہ لگاتا ہے کوئی نہ لگنا پڑتا ہے

نعمت

26 جون
برائے اصلاح

Amr Ali
@AmrAlvi

دونوں عالم کا نور پردے میں

حسن کا ہے سرور پردے میں

کس پہ سب کی نگاہیں ٹھہری ہیں

کون رہتا ہے دور پردے میں

بے حسی کی دبیز تہہ اندر

سو رہا ہے شعور پردے میں

دونوں عالم کا نور پردے میں

25 جون
نا مکمل

Amr Ali
@AmrAlvi

دیکھیے اس کا چناؤ سر ہے یا دستار ہے

پشت پر دیوار جس کے سامنے تلوار ہے

چناؤ

24 جون
شعر

Amr Ali
@AmrAlvi

میں باپ دادا سے واقف ہوں اہلِ کوفہ سے

کسی کا خط ہو مجھے اعتبار کیا کرنا

اعتبار

23 جون
غزل

Amr Ali
@AmrAlvi

عکسِ عالی صفات دے دیتا

فہمِ موت و حیات دے دیتا

اِس حیاتِ طویل کے بدلے

کوئی رمزِ حیات دے دیتا

میں نے مانگا نہیں فقیر ترا

مٹھی بھر کائنات دے دیتا

لکھا کوثر مرے نصیبوں میں

23 جون
سلام

Amr Ali
@AmrAlvi

زندگی ایک نئی دین کو بخشی تو نے

لاج ناناﷺ سے کیے عہد کی رکھی تو نے

قُلْ اِنَّ صَلَاتِیْ جو کہا سرورِ دیںﷺ نے

واہ کیا خوب یہ آیت بھی ہے سمجھی تو نے

ایک اپنی، بہتر کی، علی بابا کی

رب بھی نازاں ہے نماز اب جو ادا کی تو نے

زندگی ایک نئی دین کو بخشی تو نے

21 جون
برائے اصلاح

Amr Ali
@AmrAlvi

بات میری قبول ہے کوئی

تیرے دکھ پر ملول ہے کوئی

خاک آکاش سے نہیں ملتی

دل لگی کا اصول ہے کوئی

گلِ لالہ ہو یا کوئی گل رخ

فرق ان میں قبول ہے کوئی

اپنی شان نزول ہے کوئی

21 جون
غزل

Amr Ali
@AmrAlvi

مجھ پر نوازشات کی برسات ہو گئی

اس ہجرِ نامراد کی بھی رات ہو گئی

جن اور ملائکہ سے تو جیتا ہوں میں مگر

اپنے سے اک بشر سے مجھے مات ہو گئی

کچھ اس ادا سے اس نے کہا تھا میں ایک ہوں

دل پر ازل سے نقش یہی بات ہو گئی

دشتِ جنوں میں رب سے ملاقات ہو گئی

19 جون
برائے اصلاح

Amr Ali
@AmrAlvi

اس نے پوچھا تھا

کیسی لگتی ہوں؟

میں نے بتلایا ساری اچھی ہو

اس نے ہنس کر کہا

امر علوی!

یار تم بھی غضب کے

اعزاز

19 جون
غزل

Amr Ali
@AmrAlvi

یہ سلطنت کا جو اک دم نظام بیٹھ گیا

ضرور تخت پہ کوئی غلام بیٹھ گیا

سحر سے چلتا ہوا شمس شام بیٹھ گیا

ہمارے ساتھ ہی وہ خوش خرام بیٹھ گیا

کسی فقیر کی نظروں کا بوجھ اس پر ہے

کہ خامشی سے دلِ بے لگام بیٹھ گیا

یہ سلطنت کا جو اک دم نظام بیٹھ گیا

263

18 جون
غزل

Amr Ali
@AmrAlvi

کتنے ہی سایہ دار شجر اب کے کٹ گئے

جو علم و فضل کے تھے سمندر سمٹ گئے

ساقی میں اب عطا کا جنوں وہ نہیں رہا

یا بادہ خوار آپ ہی در سے پلٹ گئے

یوں دورِ انتظار کٹا اس کی چاہ میں

چھتیس سال عمر کے جھٹ پٹ نبٹ گئے

حسب و نسب کے برج خلیفہ الٹ گئے

17 جون
موزوں

Amr Ali
@AmrAlvi

آپ کو آپ سا ملا کوئی

ہم نے پایا نہ دوسرا کوئی

اس روانی سے حادثات ہوئے

خواب کا جیسے سلسلہ کوئی

مصلحت بیں سبھی یہاں ٹھہرے

شہر میں آئینہ ملا کوئی

اصلاح سخن

17 جون
غزل

Amr Ali
@AmrAlvi

ناحق آوازے کستے ہیں

پھر دکھ ہی جھولی پڑتے ہیں

بیلی! تم نے بھائی بولا

اب دل کو لاحق خدشے ہیں

ماں کے لقمے گننے والے

رسوا ہو کر ہی مرتے ہیں

سارے مجھ سے جلتے ہیں

16 جون
غزل

Amr Ali
@AmrAlvi

عکس دل پر اتارنا ہے ابھی

اپنا چہرہ سنوارنا ہے ابھی

ایک عرصہ گزار آئے ہیں

ایک لمحہ گزارنا ہے ابھی

زندگی مشکلوں سے جیتا ہوں

اور سہولت سے ہارنا ہے ابھی

ایک لمحہ گزارنا ہے ابھی

15 جون
موزوں

Amr Ali
@AmrAlvi

غزل غزال پہ کہتا ردیف کیا رکھتا

خیال بحر میں جڑتا ردیف کیا رکھتا

مری گرفت میں آیا نہ قافیہ کوئی

زمین سامنے رکھتا ردیف کیا رکھتا

خیال، لفظ، زمیں، بحر، قافیہ، بندش

کمال رنگ میں بھرتا ردیف کیا رکھتا

غزل

14 جون
شعر

Amr Ali
@AmrAlvi

آج پھر دل کے دھڑکنے کا ہے انداز وہی

آج ملنے مجھے لگتا ہے کہ امر آیا ہے

پیام دھڑکن

14 جون
شعر

Amr Ali
@AmrAlvi

کتنے ہی زاویوں میں، میں تقسیم ہو گیا

اسرار تیری ذات کے لیکن نہ کھل سکے

اسرار

13 جون
شعر

Amr Ali
@AmrAlvi

جب بھی جھانکا تو نظر یار کی صورت آئی

لوگ کہتے ہیں دلوں میں تو خدا رہتا ہے

مقیم دل

11 جون
برائے تنقید

Amr Ali
@AmrAlvi

ایک آدھا ہابیل ہوتا ہے

سارے بھائی قابیل تھوڑی ہیں

شعر

9 جون
غزل

Amr Ali
@AmrAlvi

اس کے چہرے کا نور دیکھا

اور دل مانند طور دیکھا

ہر ایک شے دسترس میں پائی

آنکھ اٹھا کر جو دور دیکھا

تم نے کاری گری دکھائی

ہم نے اپنا قصور دیکھا

جو جو دیکھا

7 جون
غزل

Amr Ali
@AmrAlvi

کربِ ہجراں سے سو نہیں سکتے

اتنا دکھ ہے کہ رو نہیں سکتے

داغ ایسا لگا محبت کا

ست سمندر بھی دھو نہیں سکتے

مرثیہ بھی کہا نہیں جاتا

دلِ مردہ کو رو نہیں سکتے

کربِ ہجراں سے سو نہیں سکتے

2 جون
غزل

Amr Ali
@AmrAlvi

نہ ہو بلبل تو خوشبو کا نگر اچھا نہیں لگتا

تمہارے بن ہمیں اپنا بھی گھر اچھا نہیں لگتا

تمہارے سنگ کانٹوں پر بھی چلنا اچھا لگتا تھا

تمہارے بعد تاروں کا سفر اچھا نہیں لگتا

سلگتی دھوپ بھی منظور ہے گر ساتھ تیرا ہو

مہکتا ہجر بھی تیرا مگر اچھا نہیں لگتا

اچھا نہیں لگتا

128

2 جون
شعر

Amr Ali
@AmrAlvi

کچھ آرزوئے بتاں شاملِ خمیر بھی ہے

یونہی چراغ پہ تھوڑی پتنگ آتے ہیں

تجزیہ

31 مئی
غزل

Amr Ali
@AmrAlvi

زندگی اپنی وہ بھی جیتی ہے

قسم ہے صبح سانس لیتی ہے

آپ کیوں زرد پڑ گئے صاحب

یہ فقط میری آپ بیتی ہے

امنِ عالم کا خون کرتی ہے

ایسی ڈائن یہ راج نیتی ہے

دنیا دارُالبقا کی کھیتی ہے۔

28 مئی
غزل

Amr Ali
@AmrAlvi

شمار ہوتے رہے عمر بھر گناہ و ثواب

کہیں نہ درج ہوئے دکھ، نہ آگہی کے عذاب

جی ان کی چاہ میں یوں راستوں پہ نقش رہے

کہ جیسے میلوں مسافت کے دشت میں ہوں سراب

ہمیں اگر نہ یہ دو چار اہل دل ملتے

قسم اے زندگی کر دیتے تیرا خانہ خراب

شمار ہوتے رہے عمر بھر گناہ و ثواب

27 مئی
غزل

Amr Ali
@AmrAlvi

دل کی مٹی کو کسی کام میں لایا جائے

پیڑ ممکن جو نہیں جھاڑ اگایا جائے

بنتِ حوا سے ہے عالم میں ترنم کا سماں

ابنِ آدم بھی دھنک رنگ بتایا جائے

ہاں اسی شہر میں رہتی ہے وہ خوابوں والی

اب ٹھکانہ یاں فی الفور لگایا جائے

دل کی مٹی کو کسی کام میں لایا جائے

100

26 مئی
نا مکمل

Amr Ali
@AmrAlvi

حصار ذات سے باہر نکل کے دیکھیے تو

حضور خود کو بھی تھوڑا بدل کے دیکھیے تو

قسم خدا کی ہے دنیا بڑی حسین بلا

اور اس کے سحر زدہ لوگ ،چل کے دیکھیے تو

دو سہ پہر ہی سورج کا ذکر ہوتا ہے

یقیں نہ آئے، کسی روز ڈھل کے دیکھیے تو

مشاہدہ

26 مئی
غزل

Amr Ali
@AmrAlvi

اب خدا سے تری خاطر نہیں الجھا جاتا

اب میں تھک جاتا ہوں شب بھر نہیں جاگا جاتا

چاند یہ کہتا ہوا بامِ فلک آیا ہے

چڑھتے سورج کو اے لوگو نہیں پوجا جاتا

ویسے وہ اسم مرے وردِ زباں رہتا ہے

مسئلہ یہ ہے کہ دل پر نہیں لکھا جاتا

اب خدا سے تری خاطر نہیں الجھا جاتا

153

25 مئی
غزل

Amr Ali
@AmrAlvi

جی نہیں لگتا کسی شے میں یہاں کوچ کریں

مل ہی جائے گی کوئی جائے اماں کوچ کریں

ڈھونڈ لیتے ہیں کوئی اور زمیں اپنے لیے ہم

کھوج لیتے ہیں کوئی اور جہاں کوچ کریں

عمر جب اپنے سہارے ہی بتانی ہے ہمیں

فرق کیسا جو یہاں ہوں یا وہاں کوچ کریں