Circle Image

Osama Zia Bismil

@Osamaziabismil

حالات کا بہانہ بناکر نکل گئے
یوں ظلم کا نشانہ بنا کر نکل گئے
کیا فتنہ گر تھے ایک ہی دن کا قیام تھا
بستی قمار خانہ بنا کر نکل گئے
ہر موڑ پر شکست کے آثار تھے مگر
انداز فاتحانہ بنا کر نکل گئے

0
1
89
وقت گزرا ہے یا گزارا ہے
فیصلہ جو بھی ہے تمھارا ہے
مدتوں بعد خواب میں آئے
کیا یہ ملنے کا استعارا ہے؟
دسترس میں نہیں اگر دنیا
کیوں زمیں پر ہمیں اتارا ہے

0
10
ایک مرہم بھی لا نہیں سکتے
زخمِ دل کو چھپا نہیں سکتے
تھا وہ مصروفِ زندگی اور ہم
فکر اپنی دِلا نہیں سکتے
پوچھنا وہ روا نہیں رکھتے
حالِ دل ہم بتا نہیں سکتے

0
6
بھٹک رہے ہیں مسافر دیارِ ظلمت میں
ہوا کی زد پہ چراغوں نے جان دے دی ہے

0
7
مسئلہ کوئی بھی ہو حل بڑے آرام سے ہو
غرض ہر فرد کو اپنے ہی اگر کام سے ہو
تذکرہ تیری جفاؤں کا بھی لازم ٹھہرا
غم کے ماروں کو دلاسہ مرے انجام سے ہو
عقل ہر درد کا احساس کہاں کرتی ہے
روح انجان اگر اپنے ہی اندام سے ہو

0
16
درد لذت میں ڈھل گیا ہوگا
لطف لینے میں کیا برا ہوگا
کیا خبر تھی ترے ٹھکانے تک
زندگانی کا فاصلہ ہوگا
دل میں رنجور ہیں سہی لیکن
کون تیرا مرے سوا ہوگا

0
13
قیامت کا منظر دکھائی دیا ہے
ہمیں ایسا اکثر دکھائی دیا ہے
وہ کہتے ہیں جس کو فقط دوستی ہے
کوئی اور چکر دکھائی دیا ہے
میں فاتح رہا ہوں مگر ایسا کیوں یے
مقدر مکدر دکھائی دیا ہے

0
11
اسے پابندِ اجالا کیا جا سکتا ہے
کوئی مصنوعی سویرا کیا جا سکتا ہے
ہے وہ بحران، حواسوں پہ خدا خیر کرے
کیا کسی روز دھماکا کیا جا سکتا ہے؟
آج ممکن ہی نہیں کام یہ کل سے ہوگا
ہاں مگر دل سے تہیہ کیا جا سکتا ہے

0
13
تری گلی سے جڑے راستے ہزاروں ہیں
قدم قدم پہ مگر مسئلے ہزاروں ہیں
بدل بدل کے مجھے عکس کیا دکھاتا ہے
مرے ضمیر ترے آئینے ہزاروں ہیں
نفیس کوچہ و بازار ہیں تو کیا حاصل
سفر سے پاؤں میں جو آبلے ہزاروں ہیں

0
10
یہ بتانا انہیں کیا ضروری نہیں؟
دور جتنے بھی ہوں دل سے دوری نہیں
جبکہ تیرا تقاضا ہے شنوائی ہو
اور تری ذات میں جی حضوری نہیں؟
ہاں سماعت کو محسوس ہوگا مگر
یہ کہانی کہیں سے ادھوری نہیں

11
غلط قصہ سنایا جا رہا ہے
کوئی فتنہ اٹھایا جا رہا ہے
وہی تکرار ہے موسم کی لیکن
بہار اب کے منایا جارہا ہے
اگر دعویٰ شناسائی کا ہے پھر
تکلف کیوں اٹھایا جارہا ہے

11
جب سے ہم جدا ہوئے
خود سے آشنا ہوئے
وہ خدا نما ہوئے
جن پہ ہم فدا ہوئے
لوگ بارہا دفعہ
عشق میں فنا ہوئے

2
35