تقطیع، شاعری اور بلاگ

Dr. Rizwan Kashfi

@Kashfi123

27 نومبر 2025
رباعی

Dr. Rizwan Kashfi
@Kashfi123

غم تو چہرے پہ ہے، آنکھوں کے دروں ہے، کیا ہے

تیری چاہت کا اثر ہے کہ فُسوں ہے، کیا ہے

ہجر میں بھی میں تجھے سامنے بیٹھا دیکھوں

تو کوئی وہم ہے، حسرت ہے، جنوں ہے، کیا ہے

تجھ کو سوچوں تو مرے رنج خوشی میں بدلے

تو کہ ہمت ہے کہ راحت ہے، سکوں ہے، کیا ہے

غم تو چہرے پہ ہے، انکھوں کے دروں ہے، کیا ہے

22 اپریل 2025
غزل

Dr. Rizwan Kashfi
@Kashfi123

ہر طرف تو ہی نظر آئے جہاں تک دیکھوں

میں تو خود میں ترے ہونے کے نشاں تک دیکھوں

چھین لے حس میری یا تٗو مجھے پتھر کر دے

اب میں اپنے ہی اجڑنے کو کہاں تک دیکھوں

جن ترقی کی منازل پہ نہ پہنچا کوئی

میری خواہش ہے کہ میں تجھ کو وہاں تک دیکھوں

ہر طرف تو ہی نظر آئے جہاں تک دیکھوں

20 مارچ 2024
غزل

Dr. Rizwan Kashfi
@Kashfi123

جب تصور ترا آتا ہے چلا جاتا ہے

نیند شب بھر کی اڑاتا ہےچلاجاتا ہے

خیر اندیشی کی تعریف کروں کیا اس کی

دل کی ہر بات بتاتا ہے چلا جاتا ہے

جب بھی ملتا ہے وہ کرتا ہے نوازش مجھ پر

میرا ہر عیب دکھاتا ہے چلا جاتا ہے

جب تصور ترا آتا ہے چلا جاتا ہے

19 جولائی 2023
غزل

Dr. Rizwan Kashfi
@Kashfi123

ہو مبارک تمہیں بزم آرائیاں

ہم کو آواز دیتی ہیں تنہائیاں

تجھ کوشہرت کےزینوں پہ چڑھتے ہوئے

کام آئے گیں میری یہ گمنامیاں

کورچشموں سےکوئی شکایت نہیں

ہم کو اندیکھا کرتی ہیں بینائیاں

وہ مبارک تمہیں بزم آرائیاں

13 مارچ 2023
غزل

Dr. Rizwan Kashfi
@Kashfi123

تم کو دیکھوں تو مری جان میں جاں آتی ہے

ورنہ ہونٹوں پہ مرے روز فغاں آتی ہے

زندگی چین سے کٹ جائے غنیمت سمجھو

سب کے حصے میں یہ نعمت بھی کہاں آتی ہے

لوگ دنیا کی محبت میں ہیں مصروف بہت

اب خداکی بھی کبھی یادکہاں آتی ہے

تم کو دیکھوں تو مری جان میں جاں آتی ہے

22 دسمبر 2022
غزل

Dr. Rizwan Kashfi
@Kashfi123

ہرسو جیسے کہرا چھائے

آنکھوں میں یوں آنسو آئے

بس تم سے امید بندھی ہے

دیکھیں کیا کیا آگے آئے

دولت کھونے کا دکھ کیسا

جان بچی سو لاکھوں پائے

ہر سو جیسے کہرا چھائے

30 اکتوبر 2022
غزل

Dr. Rizwan Kashfi
@Kashfi123

زندگی خوب ستائے تو غزل ہوتی ہے

جب کوئی اپنا رلائے تو غزل ہوتی ہے

جی حضوری سے ترقی ملے نااہلوں کو

اہلیت کام نہ آئے تو غزل ہوتی ہے

شعر گوئی پہ کہاں مجھکو ہے قدرت، لیکن

جب خیال آپکا آئے تو غزل ہوتی ہے

زندگی خوب ستائے تو غزل ہوتی ہے

4 اگست 2022
غزل

Dr. Rizwan Kashfi
@Kashfi123

. . . . . . . غزل۔۔۔۔۔

یقیں کی حد سے پرے ہیں شعور کی باتیں

عمل کی، حشر کی، جنت کی، حور کی باتیں

وہ دھیان ہٹنے ہی نہیں دیتا کسی جانب

بڑا ذہین ہے کرتا ہے دور کی باتیں

کسے گمان تھا بخشیگی نور ظلمت کو

یقیں کی حد سے پرے ہیں شعور کی باتیں

132

24 مارچ 2022
غزل

Dr. Rizwan Kashfi
@Kashfi123

. . . . . . غزل۔۔۔۔

دل لبھائیگی ترا، جادو بیانی تو نہیں

دل کی روداد میری قصہ کہانی تو نہیں

ملنےجلنے میں بھی ملحوظ رکھوں کیوں پردے

میں نہ راجا کوئی تو روپ کی رانی تو نہیں

یہ جو آنکھوں سے مرے بہتا ہے نالہ بنکر

دل لبھائیگی تیرا جادو بیانی تو نہیں

131

11 فروری 2022
غزل

Dr. Rizwan Kashfi
@Kashfi123

کیوں ہےشدت سے بےقرار بتا

کس کا تجھ کو ہے انتظار بتا

عشق میں ہار سے وٙقار بڑھے

تونے بھی پالیا وٙقار بتا

وہ جو غم عشق میں نصیب ہوئے

ان کو کیسے کروں شمار بتا

کیوں ہے شدت سے بے قرار بتا

7 دسمبر 2021
غزل

Dr. Rizwan Kashfi
@Kashfi123

تیری محفل سے جب بھی آتاہوں

تیری خوشبو چرا کے لاتا ہوں

آجکل مل کے حسن والوں سے

روگ تازہ لگا کے لاتا ہوں

زیست کی خاردار راہوں سے

اپنا دامن بچا کے لاتا ہوں

تیری محفل سے جب بھی آتا ہوں

27 اگست 2021
غزل

Dr. Rizwan Kashfi
@Kashfi123

کہاں کہاں سے وہ نکلا کہاں کہاں پہنچا

جہاں پہنچنا تھا اسکو وہاں وہاں پہنچا

نیا شغف نیا تیور ہے منصفی کا اب

گواہی دینے عدالت میں بے زباں پہنچا

ترےحضور میں پہنچی نہیں صدا میری

مرےجگرسےنکل کرمگر دھواں پہنچا

کہاں کہاں سے وہ نکلا کہاں کہاں پہنچا

160

4 اگست 2021
رباعی

Dr. Rizwan Kashfi
@Kashfi123

کبھی وہ ذہن میں اسراربنکےرہتے ہیں

کبھی زبان پہ اشعاربنکے رہتے ہیں

جوفن کےفےسےبھی واقف نہیں وہی اکثر

ادب کی بزم میں فنکاربنکےرہتےہیں

جومنہ سےمیٹھاکہیں، دلمیں نفرتیں رکھیں

وہی قبیلے کےسردار بنکے رہتے ہیں

کبھی وہ ذہن میں اسرار بنکے رہتے ہیں

122

2 جون 2021
غزل

Dr. Rizwan Kashfi
@Kashfi123

جب بھی تیرےدل میں پیداحوصلہ ہوجائیگا

ایک ہی لمحےمیں طےہرمرحلہ ہوجائیگا

دونگاہوں کاتصادم معجزہ ہوجائیگا

رونمااک خوبصورت حادثہ ہوجائیگا

ہےبہت تاریک رستہ حادثہ ہوجائیگا

خضرسےکردوستی طےراستہ ہوجائیگا

جب بھی تیرے دل میں پیدا حوصلہ ہوجائیگا

30 مارچ 2021
غزل

Dr. Rizwan Kashfi
@Kashfi123

شاعر خود کوکہتے ہو

شعراوروں کےگاکرکچھ

کرنے کچھ میں آیا تھا

کربیٹھا ہوں آکرکچھ

کہتے ہیں جسکو انساں

اندر کچھ ہے باہرکچھ

شعر اوروں کے گاکر کچھ

101

28 دسمبر 2020
نظم

Dr. Rizwan Kashfi
@Kashfi123

میں چاہتا ہوں کہ چین و سکوں بحال رہے

میں چاہتا ہوں نیا سال بے مثال رہے

میں چاہتا ہوں کہ چاروں طرف رہیں خوشیاں

ہمیشہ ہوتا رہے ایکتا کا جشن یہاں

میں چاہتا ہوں کہ گجرات پھر نہ برپا ہو

سنامی لہروں کا پھر سے نہ کوئی حملہ ہو

نیا سال نئی امیدیں

231

27 دسمبر 2020
غزل

Dr. Rizwan Kashfi
@Kashfi123

مرے شعروں میں وہ جذبات بنکر

ابھرتا ہی ابھرتا جا رہا ہے

رضوان کشفی