.jpg)
| غم تو چہرے پہ ہے، آنکھوں کے دروں ہے، کیا ہے |
| تیری چاہت کا اثر ہے کہ فُسوں ہے، کیا ہے |
| ہجر میں بھی میں تجھے سامنے بیٹھا دیکھوں |
| تو کوئی وہم ہے، حسرت ہے، جنوں ہے، کیا ہے |
| تجھ کو سوچوں تو مرے رنج خوشی میں بدلے |
| تو کہ ہمت ہے کہ راحت ہے، سکوں ہے، کیا ہے |
| دھیان آتے ہی تٗو آنکھوں میں چلا آتا ہے |
| تٗو کہ آنسو ہے کہ موتی ہے کہ خوں ہے، کیا ہے |
| یہ اشارے ترے سمجھے بھی تو کیسے کشفی |
| ہاں تری نا ہے کہ نا میں تری ہوں ہے، کیا ہے |
| ڈاکٹر رضوان کشفی |
| پلسی،ایوت محل ، مہاراشٹر ، انڈیا |
معلومات