ہرسو جیسے کہرا چھائے |
آنکھوں میں یوں آنسو آئے |
بس تم سے امید بندھی ہے |
دیکھیں کیا کیا آگے آئے |
دولت کھونے کا دکھ کیسا |
جان بچی سو لاکھوں پائے |
دنیا اک دن دھوکا دے گی |
چاہے کوئی دل میں بسائے |
دنیا کا ہر منظر جھوٹا |
اک بنجارا گاتا جائے |
انکو سمجھنا نا ممکن ہے |
چاہے جتنا سوچا جائے |
مفلس کی ہر ایک تمنا |
دل کے دل میں ہی مرجائے |
اچھے سمےکی آشا چھوڑو |
آئے آئے یا نہ آئے |
بدحالی کا حال نہ پوچھو |
بڑھتی جائے بڑھتی جائے |
اپنوں پر بھی راز نہ کھولو |
گھر کا بھیدی لنکا ڈھائے |
اس اندھیارے گھر میں کشفی |
انکی یاد ہی دئے جلائے |
معلومات