.jpg)
| . . . . . . غزل۔۔۔۔ |
| دل لبھائیگی ترا، جادو بیانی تو نہیں |
| دل کی روداد میری قصہ کہانی تو نہیں |
| ملنےجلنے میں بھی ملحوظ رکھوں کیوں پردے |
| میں نہ راجا کوئی تو روپ کی رانی تو نہیں |
| یہ جو آنکھوں سے مرے بہتا ہے نالہ بنکر |
| خونِ دل ہے یہ کوئی آنکھ کا پانی تو نہیں |
| آپ شعروں میں مرے روز چلے آتے ہو |
| یہ حقیقت ہے کوئی قصہ کہانی تو نہیں |
| میں نے جو کچھ بھی کہا سچ کے سوا کچھ نہ کہا |
| شاعری میری کوئی سحر بیانی تو نہیں |
| ہرگھڑی کیوں تیری آنکھوں میں کھٹکتا ہوں میں |
| تیرا اپنا ہوں، کوئی دشمنِ جانی تو نہیں |
| اپنی باتوں کواشاروں ہی میں کہنا کشفی |
| یہ مرا ڈھب ہے ترا زورِ بیانی تو نہیں |
| . . . . . . . ڈاکٹر رضوان کشفی( انڈیا) |
معلومات