بحر کی معلومات

29 جولائی
غزل

میر تقی میر

ہستی اپنی حباب کی سی ہے

یہ نمائش سراب کی سی ہے

نازکی اس کے لب کی کیا کہیے

پنکھڑی اک گلاب کی سی ہے

بار بار اس کے در پہ جاتا ہوں

حالت اب اضطراب کی سی ہے

ہستی اپنی حباب کی سی ہے

فاعِلاتن مفاعِلن فِعْلن

362

29 جولائی
غزل

حکیم مومن خان مومن

اثر اس کو ذرا نہیں ہوتا

رنج راحت فزا نہیں ہوتا

تم ہمارے کسی طرح نہ ہوئے

ورنہ دنیا میں کیا نہیں ہوتا

ایک دشمن کہ چرخ ہے نہ رہے

تجھ سے یہ اے دعا نہیں ہوتا

اثر اس کو ذرا نہیں ہوتا

فاعِلاتن مفاعِلن فِعْلن

314

29 جولائی
غزل

مرزا غالب

پھر کچھ اک دل کو بے قراری ہے

سینہ جویائے زخمِ کاری ہے

پھِر جگر کھودنے لگا ناخن

آمدِ فصلِ لالہ کاری ہے

قبلۂ مقصدِ نگاہِ نیاز

پھر وہی پردۂ عماری ہے

پھر کچھ اک دل کو بے قراری ہے

فاعِلاتن مفاعِلن فِعْلن

289

29 جولائی
غزل

مرزا غالب

کوئی امید بر نہیں آتی

کوئی صورت نظر نہیں آتی

موت کا ایک دن معین ہے

نیند کیوں رات بھر نہیں آتی

آگے آتی تھی حال دل پہ ہنسی

اب کسی بات پر نہیں آتی

کوئی امید بر نہیں آتی

فاعِلاتن مفاعِلن فِعْلن

108

29 جولائی
غزل

مرزا غالب

دلِ ناداں تجھے ہوا کیا ہے؟

آخر اس درد کی دوا کیا ہے؟

ہم ہیں مشتاق اور وہ بےزار

یا الہی یہ ماجرا کیا ہے؟

میں بھی منہ میں زبان رکھتا ہوں

کاش پوچھو کہ مدّعا کیا ہے

دلِ ناداں تجھے ہوا کیا ہے؟

فاعِلاتن مفاعِلن فِعْلن

29 جولائی
نظم

جوش ملیح آبادی

مرد ہو، عشق سے جہاد کرو

اب مجھے بھول کر نہ یاد کرو

دل سے بیتے دنوں کی یاد مٹاؤ

نہ تو اَب خود ہی رو، نہ مجھ کو رُلاؤ

بھول جاؤ کہی سُنی باتیں!

نہ تو وہ دن ہیں اب نہ وہ راتیں

مرد ہو، عشق سے جہاد کرو

فاعِلاتن مفاعِلن فَعِلن

238

29 جولائی
غزل

مرزا غالب

میں انھیں چھیڑوں اور کچھ نہ کہیں

چل نکلتے جو مے پیے ہوتے

قہر ہو یا بلا ہو جو کچھ ہو

کاشکے تم مرے لیے ہوتے

میری قسمت میں غم گر اتنا تھا

دل بھی یا رب کئی دیے ہوتے

میں انھیں چھیڑوں اور کچھ نہ کہیں

فاعِلاتن مفاعِلن فِعْلن

29 جولائی
غزل

مرزا غالب

وہ فراق اور وہ وصال کہاں

وہ شب و روز و ماہ و سال کہاں

فرصتِ کار و بارِ شوق کسے

ذوقِ نظارۂ جمال کہاں

دل تو دل وہ دماغ بھی نہ رہا

شورِ سودائے خطّ و خال کہاں

وہ فراق اور وہ وصال کہاں

فاعِلاتن مفاعِلن فَعِلن

29 جولائی
نظم

مرزا غالب

پھر اس انداز سے بہار آئی

کہ ہوئے مہر و مہ تماشائی

دیکھو اے ساکنانِ خطۂ خاک

اس کو کہتے ہیں عالم آرائی

کہ زمیں ہو گئی ہے سر تا سر

رو کشِ سطحِ چرخِ مینائی

پھر اس انداز سے بہار آئی

فاعِلاتن مفاعِلن فِعْلن

29 جولائی
آزاد نظم

ن م راشد

اے جہاں زاد، نشاط اس شبِ بے راہ روی کی

میں کہاں تک بھولوں؟

زور ِ مَے تھا،

کہ مرے ہاتھ کی لرزش

تھی کہ اس رات کوئی جام گرا ٹوٹ گیا

تجھے حیرت نہ ہوئی!

حسن کوزہ گر نمبر 2

فاعِلاتن فَعِلاتن فَعِلاتن فِعْلن

149

29 جولائی
قطعہ

مرزا غالب

اِس کتابِ طرب نصاب نے جب

آب و تاب انطباع کی پائی

فکرِ تاریخِ سال میں، مجھ کو

ایک صورت نئی نظر آئی

ہندسے پہلے سات سات کے دو

دیے ناگاہ مجھ کو دکھلائی

قطعہ تاریخ

فاعِلاتن مفاعِلن فِعْلن

29 جولائی
قطعہ

مرزا غالب

اے جہاں آفریں خدائے کریم

ضائعِ ہفت چرخ، ہفت اقلیم

نام مکلوڈ جن کا ہے مشہور

یہ ہمیشہ بصد نشاط و سرور

عمرو دولت سے شادمان رہیں

اور غالبؔ پہ مہربان رہیں

اے جہاں آفریں خدائے کریم

فاعِلاتن مفاعِلن فَعِلن

29 جولائی
غزل

مرزا غالب

درد ہو دل میں تو دوا کیجے

دل ہی جب درد ہو تو کیا کیجے

ہم کو فریاد کرنی آتی ہے

آپ سنتے نہیں تو کیا کیجے

ان بتوں کو خدا سے کیا مطلب

توبہ توبہ خدا خدا کیجے

درد ہو دل میں تو دوا کیجے

فاعِلاتن مفاعِلن فَعِلن

29 جولائی
غزل

مرزا غالب

ابنِ مریم ہوا کرے کوئی

میرے دکھ کی دوا کرے کوئی

شرع و آئین پر مدار سہی

ایسے قاتل کا کیا کرے کوئی

چال جیسے کڑی کمان کا تیر

دل میں ایسے کے جا کرے کوئی

ابنِ مریم ہوا کرے کوئی

فاعِلاتن مفاعِلن فِعْلن

29 جولائی
غزل

مرزا غالب

درد منت کشِ دوا نہ ہوا

میں نہ اچھا ہوا، برا نہ ہوا

جمع کرتے ہو کیوں رقیبوں کو

اک تماشا ہوا، گلا نہ ہوا

ہم کہاں قسمت آزمانے جائیں

تو ہی جب خنجر آزما نہ ہوا

درد منت کشِ دوا نہ ہوا

فاعِلاتن مفاعِلن فَعِلن

29 جولائی
نظم

مرزا غالب

بس کہ فعّالِ ما یرید ہے آج

ہر سلحشور انگلستاں کا

گھر سے بازار میں نکلتے ہوئے

زہرہ ہوتا ہے آب انساں کا

چوک جس کو کہیں وہ مقتل ہے

گھر بنا ہے نمونہ زنداں کا

1857

فاعِلاتن مفاعِلن فَعِلن

29 جولائی
غزل

مرزا غالب

نہ گلِ نغمہ ہوں نہ پردۂ ساز

میں ہوں اپنی شکست کی آواز

تو اور آرائشِ خمِ کاکل

میں اور اندیشہ ہائے دور دراز

لاف تمکیں، فریبِ سادہ دلی

ہم ہیں، اور راز ہائے سینہ گداز

نہ گلِ نغمہ ہوں نہ پردۂ ساز

فاعِلاتن مفاعِلن فَعِلن

29 جولائی
غزل

داغ دہلوی

جب وہ بُت ہمکلام ہوتا ہے

دل و دیں کا پیام ہوتا ہے

اُن سے ہوتا ہے سامنا جس دن

دور ہی سے سلام ہوتا ہے

دل کو روکو کہ چشمِ گریاں کو

ایک ہی خوب کام ہوتا ہے

جب وہ بُت ہمکلام ہوتا ہے

فاعِلاتن مفاعِلن فِعْلن

271

29 جولائی
غزل

میر تقی میر

میرے سنگِ مزار پر فرہاد

رکھ کے تیشہ کہے ہے یا اُستاد

ہم سے بن مرگ کیا جدا ہو ملال

جان کے ساتھ ہے دلِ ناشاد

آنکھیں موند اور سفر عدم کا کر

بس بہت دیکھا عالمِ ایجاد

میرے سنگِ مزار پر فرہاد

فاعِلاتن مفاعِلن فِعْلن

29 جولائی
نظم

فیض احمد فیض

شام کے پیچ و خم ستاروں سے

زینہ زینہ اُتر رہی ہے رات

یوں صبا پاس سے گزرتی ہے

جیسے کہہ دی کسی نے پیار کی بات

صحنِ زنداں کے بے وطن اشجار

سرنگوں محو ہیں بنانے میں

زنداں کی ایک شام

فاعِلاتن مفاعِلن فِعْلن

246

29 جولائی
نظم

فیض احمد فیض

آج پھر درد و غم کے دھاگے میں

ہم پرو کر ترے خیال کے پھول

ترکِ الفت کے دشت سے چن کر

آشنائی کے ماہ و سال کے پھول

تیری دہلیز پر سجا آئے

پھر تری یاد پر چڑھا آئے

ہجر کی راکھ اور وصال کے پھول

فاعِلاتن مفاعِلن فِعْلن

29 جولائی
غزل

جون ایلیا

جب تری جان ہو گئی ہوگی

جان حیران ہو گئی ہو گی

شب تھا میری نگہ کا بوجھ اس پر

وہ تو ہلکان ہو گئی ہو گی

اس کی خاطر ہوا میں خوار بہت

وہ مِری آن ہو گئی ہو گی

جب تری جان ہو گئی ہوگی

فاعِلاتن مفاعِلن فِعْلن

446

29 جولائی
غزل

میر تقی میر

گل کو محبوب ہم قیاس کیا

فرق نکلا بہت جو باس کیا

دل نے ہم کو مثال آئینہ

ایک عالم کا روشناس کیا

کچھ نہیں سوجھتا ہمیں اس بن

شوق نے ہم کو بے حواس کیا

گل کو محبوب ہم قیاس کیا

فاعِلاتن مفاعِلن فَعِلن

29 جولائی
غزل

میر تقی میر

خواب میں تو نظر جمال پڑا

پر مرے جی ہی کے خیال پڑا

وہ نہانے لگا تو سایۂ زلف

بحر میں تو کہے کہ جال پڑا

میں نے تو سر دیا پر اے جلاد

کس کی گردن پہ یہ وبال پڑا

خواب میں تو نظر جمال پڑا

فاعِلاتن مفاعِلن فَعِلن