| بس کہ فعّالِ ما یرید ہے آج |
| ہر سلحشور انگلستاں کا |
| گھر سے بازار میں نکلتے ہوئے |
| زہرہ ہوتا ہے آب انساں کا |
| چوک جس کو کہیں وہ مقتل ہے |
| گھر بنا ہے نمونہ زنداں کا |
| شہرِ دہلی کا ذرّہ ذرّہ خاک |
| تشنۂ خوں ہے ہر مسلماں کا |
| کوئی واں سے نہ آ سکے یاں تک |
| آدمی واں نہ جا سکے یاں کا |
| میں نے مانا کہ مل گئے پھر کیا |
| وہی رونا تن و دل و جاں کا |
| گاہ جل کر کیا کئے شکوہ |
| سوزشِ داغ ہائے پنہاں کا |
| گاہ رو کر کہا کئے باہم |
| ماجرا دیدہ ہائے گریاں کا |
| اس طرح کے وصال سے یا رب |
| کیا مٹے داغ دل سے ہجراں کا |
بحر
|
خفیف مسدس مخبون محذوف
فاعِلاتن مفاعِلن فَعِلن |
||
|
خفیف مسدس مخبون محذوف
فَعِلاتن مفاعِلن فَعِلن |
||
|
خفیف مسدس مخبون محذوف مقطوع
فاعِلاتن مفاعِلن فِعْلن |
||
|
خفیف مسدس مخبون محذوف مقطوع
فَعِلاتن مفاعِلن فِعْلن |
اشعار کی تقطیع
تقطیع دکھائیں
معلومات