| خواب میں تو نظر جمال پڑا |
| پر مرے جی ہی کے خیال پڑا |
| وہ نہانے لگا تو سایۂ زلف |
| بحر میں تو کہے کہ جال پڑا |
| میں نے تو سر دیا پر اے جلاد |
| کس کی گردن پہ یہ وبال پڑا |
| شیخ قلاش ہے جوے میں نہ لاؤ |
| یاں ہمارا رہے ہے مال پڑا |
| خوبرو اب نہیں ہیں گندم گوں |
| میر ہندوستاں میں کال پڑا |
بحر
|
خفیف مسدس مخبون محذوف
فاعِلاتن مفاعِلن فَعِلن |
||
|
خفیف مسدس مخبون محذوف
فَعِلاتن مفاعِلن فَعِلن |
اشعار کی تقطیع
تقطیع دکھائیں
معلومات