بحر کی معلومات

6 اپریل
غزل

رشید حسرت

میں جہاں جاؤں تعاقب میں ہے رسوائی مری

مجھ کو محفل میں کیے رکھتی ہے تنہائی مری

مشورہ اپنے معالج کا رکھا بالائے طاق

آج گھائل کر گئی خود سے مسیحائی مری

ڈھونڈتا ہوں نقص خالق کی ہر اک تخلیق میں

باعثِ شرمندگی ہے پھر تو زیبائی مری

میں جہاں جاؤں تعاقب میں ہے رسوائی مری

فاعِلاتن فاعِلاتن فاعِلاتن فاعِلن

16 نومبر
نظم

جوش ملیح آبادی

اے فنا انجام انساں کب تجھے ہوش آئے گا

تیر گی میں ٹھوکریں آخر کہاں تک کھائے گا

اس تمرد کی روش سے بھی کبھی شرمائے گا

کیا کرے گا سامنے سے جب حجاب اٹھ جائے گا

کب تک آخر اپنے رب کی نعمتیں جھٹلائے گا

☆ ☆ ☆

سورۂ رحمٰن

فاعِلاتن فاعِلاتن فاعِلاتن فاعِلن

899

27 دسمبر
غزل

میر تقی میر

خواہ مجھ سے لڑ گیا اب خواہ مجھ سے مل گیا

کیا کہوں اے ہم نشیں میں تجھ سے حاصل دل گیا

اپنے ہی دل کو نہ ہو وا شد تو کیا حاصل نسیم

گو چمن میں غنچۂ پژمردہ تجھ سے کھل گیا

دل سے آنکھوں میں لہو آتا ہے شاید رات کو

کشمکش میں بے قراری کی یہ پھوڑا چھل گیا

خواہ مجھ سے لڑ گیا اب خواہ مجھ سے مل گیا

فاعِلاتن فاعِلاتن فاعِلاتن فاعِلن

507

29 جولائی
غزل

مرزا غالب

چشمِ خوباں خامشی میں بھی نوا پرداز ہے

سرمہ تو کہوے کہ دودِ شعلۂ آواز ہے

پیکرِ عشّاق سازِ طالعِ نا ساز ہے

نالہ گویا گردشِ سیّارہ کی آواز ہے

دست گاہِ دیدۂ خوں بارِ مجنوں دیکھنا

یک بیاباں جلوۂ گل فرشِ پا انداز ہے

چشمِ خوباں خامشی میں بھی نوا پرداز ہے

فاعِلاتن فاعِلاتن فاعِلاتن فاعِلن

307

29 جولائی
قطعہ

مرزا غالب

کوہ کے ہوں بارِ خاطر گر صدا ہو جائیے

بے تکلف اے شرارِ جستہ! کیا ہو جائیے

بیضہ آسا ننگِ بال و پر ہے یہ کنجِ قفس

از سرِ نو زندگی ہو، گر رہا ہو جائیے

کوہ کے ہوں بارِ خاطر گر صدا ہو جائیے

فاعِلاتن فاعِلاتن فاعِلاتن فاعِلن

235

29 جولائی
غزل

مرزا غالب

سادگی پر اس کی، مر جانے کی حسرت دل میں ہے

بس نہیں چلتا کہ پھر خنجر کفِ قاتل میں ہے

دیکھنا تقریر کی لذّت کہ جو اس نے کہا

میں نے یہ جانا کہ گویا یہ بھی میرے دل میں ہے

گرچہ ہے کس کس برائی سے ولے با ایں ہمہ

ذکر میرا مجھ سے بہتر ہے کہ اس محفل میں ہے

سادگی پر اس کی، مر جانے کی حسرت دل میں ہے

فاعِلاتن فاعِلاتن فاعِلاتن فاعِلن

817

29 جولائی
غزل

مرزا غالب

دیکھنا قسمت کہ آپ اپنے پہ رشک آ جائے ہے

میں اسے دیکھوں، بھلا کب مجھ سے دیکھا جائے ہے

ہاتھ دھو دل سے یہی گرمی گر اندیشے میں ہے

آبگینہ تندئِ صہبا سے پگھلا جائے ہے

غیر کو یا رب وہ کیوں کر منعِ گستاخی کرے

گر حیا بھی اس کو آتی ہے تو شرما جائے ہے

دیکھنا قسمت کہ آپ اپنے پہ رشک آ جائے ہے

فاعِلاتن فاعِلاتن فاعِلاتن فاعِلن

1203

29 جولائی
قطعہ

مرزا غالب

رحم کر ظالم کہ کیا بودِ چراغِ کشتہ ہے

نبضِ بیمارِ وفا دودِ چراغِ کشتہ ہے

دل لگی کی آرزو بے چین رکھتی ہے ہمیں

ورنہ یاں بے رونقی سودِ چراغِ کشتہ ہے

رحم کر ظالم کہ کیا بودِ چراغِ کشتہ ہے

فاعِلاتن فاعِلاتن فاعِلاتن فاعِلن

279

29 جولائی
غزل

مرزا غالب

ایک جا حرفِ وفا لکّھا تھا، سو* بھی مٹ گیا

ظاہرا کاغذ ترے خط کا غلط بردار ہے

جی جلے ذوقِ فنا کی نا تمامی پر نہ کیوں

ہم نہیں جلتے نفس ہر چند آتش بار ہے

آگ سے پانی میں بجھتے وقت اٹھتی ہے صدا

ہر کوئی در ماندگی میں نالے سے ناچار ہے

ایک جا حرفِ وفا لکّھا تھا، سو* بھی مٹ گیا

فاعِلاتن فاعِلاتن فاعِلاتن فاعِلن

394

29 جولائی
غزل

مرزا غالب

رشک کہتا ہے کہ اس کا غیر سے اخلاص حیف!

عقل کہتی ہے کہ وہ بے مہر کس کا آشنا

ذرّہ ذرّہ ساغرِ مے خانۂ نیرنگ ہے

گردشِ مجنوں بہ چشمک‌ ہائے لیلیٰ آشنا

شوق ہے "ساماں طرازِ نازشِ اربابِ عجز"

ذرّہ صحرا دست گاہ و قطرہ دریا آشنا

رشک کہتا ہے کہ اس کا غیر سے اخلاص حیف!

فاعِلاتن فاعِلاتن فاعِلاتن فاعِلن

436

29 جولائی
غزل

مرزا غالب

شب کہ وہ مجلس فروزِ خلوتِ ناموس تھا

رشتۂ ہر شمع خارِ کِسوتِ فانوس تھا

مشہدِ عاشق سے کوسوں تک جو اُگتی ہے حنا

کس قدر یا رب! ہلاکِ حسرتِ پابوس تھا

حاصلِ الفت نہ دیکھا جز شکستِ آرزو

دل بہ دل پیوستہ، گویا، یک لبِ افسوس تھا

شب کہ وہ مجلس فروزِ خلوتِ ناموس تھا

فاعِلاتن فاعِلاتن فاعِلاتن فاعِلن

338

29 جولائی
غزل

مرزا غالب

قطرۂ مے بس کہ حیرت سے نفَس پرور ہوا

خطِّ جامِ مے سراسر رشتۂ گوہر ہوا

اعتبارِ عشق کی خانہ خرابی دیکھنا

غیر نے کی آہ لیکن وہ خفا مجھ پر ہوا

قطرۂ مے بس کہ حیرت سے نفَس پرور ہوا

فاعِلاتن فاعِلاتن فاعِلاتن فاعِلن

377

29 جولائی
غزل

مرزا غالب

گر نہ ‘اندوہِ شبِ فرقت ‘بیاں ہو جائے گا

بے تکلف، داغِ مہ مُہرِ دہاں ہو جائے گا

زہرہ گر ایسا ہی شامِ ہجر میں ہوتا ہے آب

پر توِ مہتاب سیلِ خانماں ہو جائے گا

لے تو لوں سوتے میں اس کے پاؤں کا بوسہ، مگر

ایسی باتوں سے وہ کافر بدگماں ہو جائے گا

گر نہ ‘اندوہِ شبِ فرقت ‘بیاں ہو جائے گا

فاعِلاتن فاعِلاتن فاعِلاتن فاعِلن

516

29 جولائی
شعر

مرزا غالب

مستعدِّ قتلِ یک عالم ہے جلادِ فلک

کہکشاں موجِ شفق میں تیغِ خوں آشام ہے

مستعدِّ قتلِ یک عالم ہے جلادِ فلک

فاعِلاتن فاعِلاتن فاعِلاتن فاعِلن

225

29 جولائی
غزل

فیض احمد فیض

ہم کہ ٹہرے اجنبی اتنی مداراتوں کے بعد

پھر بنیں گے آشنا کتنی ملاقاتوں کے بعد

کب نظر میں آئے گی بے داغ سبزے کی بہار

خون کے دھبے دھلیں گے کتنی برساتوں کے بعد

تھے بہت بیدرد لمحے ختمِ دردِ عشق کے

تھیں بہت بے مہر صبحیں مہرباں راتوں کے بعد

ہم کہ ٹہرے اجنبی اتنی مداراتوں کے بعد

فاعِلاتن فاعِلاتن فاعِلاتن فاعِلن

1434

29 جولائی
قطعہ

مرزا غالب

آمدِ سیلابِ طوفانِ صدائے آب ہے

نقشِ پا جو کان میں رکھتا ہے انگلی جادہ سے

بزم مے وحشت کدہ ہے کس کی چشمِ مست کا

شیشے میں نبضِ پری پنہاں ہے موجِ بادہ سے

آمدِ سیلابِ طوفانِ صدائے آب ہے

فاعِلاتن فاعِلاتن فاعِلاتن فاعِلن

374

29 جولائی
غزل

مرزا غالب

حسنِ بے پروا خریدارِ متاعِ جلوہ ہے

آئینہ زانوئے فکرِ اختراعِ جلوہ ہے

تا کجا اے آگہی رنگِ تماشا باختن؟

چشمِ وا گر دیدہ آغوشِ وداعِ جلوہ ہے

عجزِ دیدن ہا بہ ناز و نازِ رفتن ہا بہ چشم

جادۂ صحرائے آگاہی شعاعِ جلوہ ہے

حسنِ بے پروا خریدارِ متاعِ جلوہ ہے

فاعِلاتن فاعِلاتن فاعِلاتن فاعِلن

313

29 جولائی
غزل

مرزا غالب

درد سے میرے ہے تجھ کو بے قراری ہائے ہائے

کیا ہوئی ظالم تری غفلت شعاری ہائے ہائے

تیرے دل میں گر نہ تھا آشوبِ غم کا حوصلہ

تو نے پھر کیوں کی تھی میری غم گساری ہائے ہائے

کیوں مری غم خوارگی کا تجھ کو آیا تھا خیال

دشمنی اپنی تھی میری دوست داری ہائے ہائے

درد سے میرے ہے تجھ کو بے قراری ہائے ہائے

فاعِلاتن فاعِلاتن فاعِلاتن فاعِلن

414

29 جولائی
شعر

مرزا غالب

شکوۂ یاراں غبارِ دل میں پنہاں کر دیا

غالبؔ ایسے گنج کو عیاں یہی ویرانہ تھا

شکوۂ یاراں غبارِ دل میں پنہاں کر دیا

فاعِلاتن فاعِلاتن فاعِلاتن فاعِلن

339

29 جولائی
شعر

مرزا غالب

عیب کا دریافت کرنا، ہے ہنر مندی اسدؔ

نقص پر اپنے ہوا جو مطلعِ، کامل ہوا ہے

عیب کا دریافت کرنا، ہے ہنر مندی اسدؔ

فاعِلاتن فاعِلاتن فاعِلاتن فاعِلن

432

29 جولائی
غزل

مرزا غالب

شب کہ ذوقِ گفتگو سے تیرے، دل بے تاب تھا

شوخئِ وحشت سے افسانہ فسونِ خواب تھا

واں ہجومِ نغمہ ہائے سازِ عشرت تھا اسدؔ

ناخنِ غم یاں سرِ تارِ نفس مضراب تھا

شب کہ ذوقِ گفتگو سے تیرے، دل بے تاب تھا

فاعِلاتن فاعِلاتن فاعِلاتن فاعِلن

395

29 جولائی
قطعہ

مرزا غالب

دود کو آج اس کے ماتم میں سیہ پوشی ہوئی

وہ دلِ سوزاں کہ کل تک شمع، ماتم خانہ تھا

شکوۂ یاراں غبارِ دل میں پنہاں کر دیا

غالبؔ ایسے کنج کو شایاں یہی ویرانہ تھا

دود کو آج اس کے ماتم میں سیہ پوشی ہوئی

فاعِلاتن فاعِلاتن فاعِلاتن فاعِلن

282

29 جولائی
غزل

مرزا غالب

آمدِ خط سے ہوا ہے سرد جو بازارِ دوست

دودِ شمعِ کشتہ تھا شاید خطِ رخسارِ دوست

اے دلِ ناعاقبت اندیش! ضبطِ شوق کر

کون لا سکتا ہے تابِ جلوۂ دیدارِ دوست

خانہ ویراں سازئ حیرت! تماشا کیجیے

صورتِ نقشِ قدم ہوں رفتۂ رفتارِ دوست

آمدِ خط سے ہوا ہے سرد جو بازارِ دوست

فاعِلاتن فاعِلاتن فاعِلاتن فاعِلن

332

29 جولائی
غزل

مرزا غالب

غیر یوں کرتا ہے میری پرسش اس کے ہجر میں

بے تکلّف دوست ہو جیسے کوئی غم خوارِ دوست

تاکہ میں جانوں کہ ہے اس کی رسائی واں تلک

مجھ کو دیتا ہے پیامِ وعدۂ دیدارِ دوست

جب کہ میں کرتا ہوں اپنا شکوۂ ضعفِ دماغ

سَر کرے ہے وہ حدیثِ زلفِ عنبر بارِ دوست

غیر یوں کرتا ہے میری پرسش اس کے ہجر میں

فاعِلاتن فاعِلاتن فاعِلاتن فاعِلن

531

29 جولائی
شعر

مرزا غالب

اے اسدؔ ہم خود اسیرِ رنگ و بوئے باغ ہیں

ظاہراً صیّادِ ناداں ہے گرفتارِ ہوس

اے اسدؔ ہم خود اسیرِ رنگ و بوئے باغ ہیں

فاعِلاتن فاعِلاتن فاعِلاتن فاعِلن

237

29 جولائی
شعر

مرزا غالب

جادۂ رہ خُور کو وقتِ شام ہے تارِ شعاع

چرخ وا کرتا ہے ماہِ نو سے آغوشِ وداع

جادۂ رہ خُور کو وقتِ شام ہے تارِ شعاع

فاعِلاتن فاعِلاتن فاعِلاتن فاعِلن

197

29 جولائی
غزل

مرزا غالب

زخم پر چھڑکیں کہاں طفلانِ بے پروا نمک

کیا مزا ہوتا ، اگر پتھر میں بھی ہوتا نمک

گردِ راہِ یار ہے سامانِ نازِ زخمِ دل

ورنہ ہوتا ہے جہاں میں کس قدر پیدا نمک

مجھ کو ارزانی رہے ، تجھ کو مبارک ہو جیو

نالۂ بُلبُل کا درد اور خندۂ گُل کا نمک

زخم پر چھڑکیں کہاں طفلانِ بے پروا نمک

فاعِلاتن فاعِلاتن فاعِلاتن فاعِلن

781

29 جولائی
غزل

مرزا غالب

غم نہیں ہوتا ہے آزادوں کو بیش از یک نفس

برق سے کرتے ہیں روشن، شمعِ ماتم خانہ ہم

محفلیں برہم کرے ہے گنجفہ بازِ خیال

ہیں ورق گردانئ نیرنگِ یک بت خانہ ہم

باوجودِ یک جہاں ہنگامہ پیرا ہی نہیں

ہیں "چراغانِ شبستانِ دلِ پروانہ" ہم

غم نہیں ہوتا ہے آزادوں کو بیش از یک نفس

فاعِلاتن فاعِلاتن فاعِلاتن فاعِلن

598

29 جولائی
غزل

علامہ اقبال

پھر چراغِ لالہ سے روشن ہوئے کوہ و دمن

مجھ کو پھر نغموں پہ اکسانے لگا مرغِ چمن

پھول ہیں صحرا میں اور پریاں قطار اندر قطار

اودے اودے نیلے نیلے پیلے پیلے پیرہن

برگ گل پر رکھ گئی شبنم کا موتی بادِ صبح

اور چمکاتی ہے اس موتی کو سورج کی کرن

پھر چراغِ لالہ سے روشن ہوئے کوہ و دمن

فاعِلاتن فاعِلاتن فاعِلاتن فاعِلن

2667

29 جولائی
غزل

احمد فراز

گفتگو اچھی لگی ذوقِ نظر اچھا لگا

مدتوں کے بعد کوئی ہمسفر اچھا لگا

دل کا دکھ جانا تو دل کا مسئلہ ہے پر ہمیں

اُس کا ہنس دینا ہمارے حال پر اچھا لگا

ہر طرح کی بے سر و سامانیوں کے باوجود

آج وہ آیا تو مجھ کو اپنا گھر اچھا لگا

گفتگو اچھی لگی ذوقِ نظر اچھا لگا

فاعِلاتن فاعِلاتن فاعِلاتن فاعِلن

2051

29 جولائی
غزل

میر تقی میر

دل بہم پہنچا بدن میں تب سے سارا تن جلا

آپڑی یہ ایسی چنگاری کہ پیراہن جلا

سرکشی ہی ہے جو دکھلاتی ہے اس مجلس میں داغ

ہوسکے تو شمع ساں دیجے رگِ گردن جلا

بدر ساں اب آخر آخر چھا گئی مجھ پر یہ آگ

ورنہ پہلے تھا مرا جوں ماہ نو دامن جلا

دل بہم پہنچا بدن میں تب سے سارا تن جلا

فاعِلاتن فاعِلاتن فاعِلاتن فاعِلن

1139

29 جولائی
غزل

مرزا غالب

بدتر از ویرانہ ہے فصلِ خزاں میں صحنِ باغ

خانۂ بلبل بغیر از خندۂ گل بے چراغ

پتّا پتّا اب چمن کا انقلاب آلودہ ہے

نغمۂ مرغِ چمن زا ہے صدائے بوم و زاغ

ہاں بغیر از خوابِ مرگ آسودگی ممکن نہیں

رختِ ہستی باندھ تا حاصل ہو دنیائے فراغ

بدتر از ویرانہ ہے فصلِ خزاں میں صحنِ باغ

فاعِلاتن فاعِلاتن فاعِلاتن فاعِلن

344

29 جولائی
غزل

مرزا غالب

دل مرا سوزِ نہاں سے بے محابا جل گیا

آتشِ خاموش کی مانند، گویا جل گیا

دل میں ذوقِ وصل و یادِ یار تک باقی نہیں

آگ اس گھر میں لگی ایسی کہ جو تھا جل گیا

میں عدم سے بھی پرے ہوں، ورنہ غافل! بارہا

میری آہِ آتشیں سے بالِ عنقا جل گیا

دل مرا سوزِ نہاں سے بے محابا جل گیا

فاعِلاتن فاعِلاتن فاعِلاتن فاعِلن

1452

29 جولائی
غزل

مرزا غالب

بزمِ شاہنشاہ میں اشعار کا دفتر کھلا

رکھیو یا رب یہ درِ گنجینہِ گوہر کھلا

شب ہوئی، پھر انجمِ رخشندہ کا منظر کھلا

اِس تکلّف سے کہ گویا بت کدے کا در کھلا

گرچہ ہوں دیوانہ، پر کیوں دوست کا کھاوں فریب

آستیں میں دشنہ پنہاں، ہاتھ میں نشتر کھلا

بزمِ شاہنشاہ میں اشعار کا دفتر کھلا

فاعِلاتن فاعِلاتن فاعِلاتن فاعِلن

1036

29 جولائی
غزل

مرزا غالب

شب کہ برقِ سوزِ دل سے زہرۂ ابر آب تھا

شعلۂ جوّالہ ہر اک حلقۂ گرداب تھا

واں کرم کو عذرِ بارش تھا عناں گیرِ خرام

گریے سے یاں پنبۂ بالش کفِ سیلاب تھا

واں خود آرائی کو تھا موتی پرونے کا خیال

یاں ہجومِ اشک میں تارِ نگہ نایاب تھا

شب کہ برقِ سوزِ دل سے زہرۂ ابر آب تھا

فاعِلاتن فاعِلاتن فاعِلاتن فاعِلن

655

29 جولائی
غزل

مرزا غالب

سب کہاں؟ کچھ لالہ و گل میں نمایاں ہو گئیں

خاک میں کیا صورتیں ہوں گی کہ پنہاں ہو گئیں!

یاد تھیں ہم کو بھی رنگارنگ بزم آرائیاں

لیکن اب نقش و نگارِ طاقِ نسیاں ہو گئیں

تھیں بنات النعشِ گردوں دن کو پردے میں نہاں

شب کو ان کے جی میں کیا آئی کہ عریاں ہو گئیں

سب کہاں کچھ لالہ و گل میں نمایاں ہو گئیں

فاعِلاتن فاعِلاتن فاعِلاتن فاعِلن

4467

29 جولائی
غزل

مرزا غالب

نالۂ دل میں شب اندازِ اثر نایاب تھا

تھا سپندِ بزمِ وصلِ غیر ، گو بیتاب تھا

مَقدمِ سیلاب سے دل کیا نشاط آہنگ ہے !

خانۂ عاشق مگر سازِ صدائے آب تھا

نازشِ ایّامِ خاکستر نشینی ، کیا کہوں

پہلوِ اندیشہ ، وقفِ بسترِ سنجاب تھا

نالۂ دل میں شب اندازِ اثر نایاب تھا

فاعِلاتن فاعِلاتن فاعِلاتن فاعِلن

672

29 جولائی
غزل

مرزا غالب

شب خمارِ شوقِ ساقی رستخیز اندازہ تھا

تا محیطِ بادہ صورت خانۂ خمیازہ تھا

یک قدم وحشِت سے درسِ دفترِ امکاں کھلا

جادہ، اجزائے دو عالم دشت کا شیرازہ تھا

مانعِ وحشت خرامی ہائے لیلیٰ کون ہے؟

خانۂ مجنونِ صحرا گرد بے دروازہ تھا

شب خمارِ شوقِ ساقی رستخیز اندازہ تھا

فاعِلاتن فاعِلاتن فاعِلاتن فاعِلن

547

29 جولائی
غزل

مرزا غالب

دوست غمخواری میں میری سعی فرمائیں گے کیا

زخم کے بھرنے تلک ناخن نہ بڑھ جائیں گے کیا

بے نیازی حد سے گزری بندہ پرور، کب تلک

ہم کہیں گے حالِ دل، اور آپ فرمائیں گے 'کیا'؟

حضرتِ ناصح گر آئیں، دیدہ و دل فرشِ راہ

کوئی مجھ کو یہ تو سمجھا دو کہ سمجھائیں گے کیا؟

دوست غم خواری میں میری سعی فرمائیں گے کیا

فاعِلاتن فاعِلاتن فاعِلاتن فاعِلن

916

29 جولائی
غزل

مرزا غالب

پا بہ دامن ہو رہا ہوں بسکہ میں صحرا نورد

خارِ پا ہیں جوہرِ آئینۂ زانو مجھے

دیکھنا حالت مرے دل کی ہم آغوشی کے وقت

ہے نگاہِ آشنا تیرا سرِ ہر مو مجھے

ہوں سراپا سازِ آہنگِ شکایت کچھ نہ پوچھ

ہے یہی بہتر کہ لوگوں میں نہ چھیڑے تو مجھے

پا بہ دامن ہو رہا ہوں بسکہ میں صحرا نورد

فاعِلاتن فاعِلاتن فاعِلاتن فاعِلن

355

29 جولائی
غزل

مرزا غالب

ہم سے کھل جاؤ بوَقتِ مے پرستی ایک دن

ورنہ ہم چھیڑیں گے رکھ کر عُذرِ مستی ایک دن

غرّۂ اوجِ بِنائے عالمِ امکاں نہ ہو

اِس بلندی کے نصیبوں میں ہے پستی ایک دن

قرض کی پیتے تھے مے لیکن سمجھتے تھے کہ ہاں

رنگ لائے گی ہماری فاقہ مستی ایک دن

ہم سے کھل جاؤ بوَقتِ مے پرستی ایک دن

فاعِلاتن فاعِلاتن فاعِلاتن فاعِلن

1223

29 جولائی
غزل

مرزا غالب

برشکالِ گریۂ عاشق ہے دیکھا چاہیے

کھِل گئی مانندِ گُل سوَ جا سے دیوارِ چمن

اُلفتِ گل سے غلط ہے دعوئ وارستگی

سرو ہے با وصفِ آزادی گرفتارِ چمن

ہے نزاکت بس کہ فصلِ گل میں معمارِ چمن

قالبِ گل میں ڈھلی ہے خشتِ دیوارِ چمن

برشکالِ گریۂ عاشق ہے دیکھا چاہیے

فاعِلاتن فاعِلاتن فاعِلاتن فاعِلن

227

29 جولائی
غزل

مرزا غالب

چاک کی خواہش ، اگر وحشت بہ عریانی کرے

صبح کے مانند ، زخمِ دل گریبانی کرے

جلوے کا تیرے وہ عالم ہے کہ ، گر کیجے خیال

دیدۂ دل کو زیارت گاہِ حیرانی کرے

ہے شکستن سے بھی دل نومید ، یا رب! کب تلک

آب گینہ کوہ پر عرضِ گِراں جانی کرے

چاک کی خواہش ، اگر وحشت بہ عریانی کرے

فاعِلاتن فاعِلاتن فاعِلاتن فاعِلن

381

29 جولائی
غزل

مرزا غالب

کیوں نہ ہو چشمِ بتاں محوِ تغافل ، کیوں نہ ہو؟

یعنی اس بیمار کو نظارے سے پرہیز ہے

مرتے مرتے ، دیکھنے کی آرزو رہ جائے گی

وائے ناکامی ! کہ اس کافر کا خنجر تیز ہے

عارضِ گل دیکھ ، رُوئے یار یاد آیا ، اسدؔ!

جوششِ فصلِ بہاری اشتیاق انگیز ہے

کیوں نہ ہو چشمِ بتاں محوِ تغافل ، کیوں نہ ہو؟

فاعِلاتن فاعِلاتن فاعِلاتن فاعِلن

343

29 جولائی
نظم

مرزا غالب

گھستے گھستے پاؤں کی زنجیر آدھی رہ گئی

مر گئے پر قبر کی تعمیر آدھی رہ گئی

سب ہی پڑھتا کاش، کیوں تکبیر آدھی رہ گئی

"کھنچ کے، قاتل! جب تری شمشیر آدھی رہ گئی

غم سے جانِ عاشقِ دل گیر آدھی رہ گئی"

بیٹھ رہتا لے کے چشمِ پُر نم اس کے روبروُ

تضمین بر غزل بہادر شاہ ظفر

فاعِلاتن فاعِلاتن فاعِلاتن فاعِلن

588

29 جولائی
قطعہ

مرزا غالب

سہل تھا مُسہل ولے یہ سخت مُشکل آ پڑی

مجھ پہ کیا گُزرے گی، اتنے روز حاضر بِن ہوئے

تین دن مسہل سے پہلے، تین دن مسہل کے بعد

تین مُسہل، تین تَبریدیں، یہ سب کَے دِن ہوئے؟

سہل تھا مُسہل ولے یہ سخت مُشکل آ پڑی

فاعِلاتن فاعِلاتن فاعِلاتن فاعِلن

185

29 جولائی
قطعہ

مرزا غالب

ایک اہلِ درد نے سنسان جو دیکھا قفس

یوں کہا آتی نہیں اب کیوں صدائے عندلیب؟

بال و پر دو چار دکھلا کر کہا صیّاد نے

یہ نشانی رہ گئی ہے اب بجائے عندلیب

ایک اہلِ درد نے سنسان جو دیکھا قفس

فاعِلاتن فاعِلاتن فاعِلاتن فاعِلن

565

29 جولائی
غزل

مرزا غالب

نقش فریادی ہے کس کی شوخیِ تحریر کا

کاغذی ہے پیرہن ہر پیکرِ تصویر کا

کاو کاوِ سخت جانی ہائے تنہائی نہ پوچھ

صبح کرنا شام کا، لانا ہے جوئے شیر کا

جذبہِ بے اختیارِ شوق دیکھا چاہیے

سینہِ شمشیر سے باہر ہے دم شمشیر کا

نقش فریادی ہے کس کی شوخیِ تحریر کا

فاعِلاتن فاعِلاتن فاعِلاتن فاعِلن

4590

29 جولائی
غزل

مرزا غالب

حسنِ بے پروا گرفتارِ خود آرائی نہ ہو

گر کمیں گاہِ نظر میں دل تماشائی نہ ہو

ہیچ ہے تاثیرِ عالم گیریِ ناز و ادا

ذوقِ عاشق گر اسیرِ دامِ گیرائی نہ ہو

خود گدازِ شمع آغازِ فروغِ شمع ہے

سوزشِ غم درپئے ذوقِ شکیبائی نہ ہو

حسنِ بے پروا گرفتارِ خود آرائی نہ ہو

فاعِلاتن فاعِلاتن فاعِلاتن فاعِلن

428

29 جولائی
غزل

مرزا غالب

ہم سے خوبانِ جہاں پہلو تہی کرتے رہے

ہم ہمیشہ مشقِ از خود رفتگی کرتے رہے

کثرت آرائی خیالِ ما سوا کی وہم تھی

مرگ پر غافل گمانِ زندگی کرتے رہے

داغہائے دل چراغِ خانۂ تاریک تھے

تا مغاکِ قبر پیدا روشنی کرتے رہے

ہم سے خوبانِ جہاں پہلو تہی کرتے رہے

فاعِلاتن فاعِلاتن فاعِلاتن فاعِلن

489