| آمدِ خط سے ہوا ہے سرد جو بازارِ دوست |
| دودِ شمعِ کشتہ تھا شاید خطِ رخسارِ دوست |
| اے دلِ ناعاقبت اندیش! ضبطِ شوق کر |
| کون لا سکتا ہے تابِ جلوۂ دیدارِ دوست |
| خانہ ویراں سازئ حیرت! تماشا کیجیے |
| صورتِ نقشِ قدم ہوں رفتۂ رفتارِ دوست |
| عشق میں بیدادِ رشکِ غیر نے مارا مجھے |
| کُشتۂ دشمن ہوں آخر، گرچہ تھا بیمارِ دوست |
| چشمِ ما روشن، کہ اس بے درد کا دل شاد ہے |
| دیدۂ پر خوں ہمارا ساغرِ سرشارِ دوست |
بحر
|
رمل مثمن محذوف
فاعِلاتن فاعِلاتن فاعِلاتن فاعِلن |
اشعار کی تقطیع
تقطیع دکھائیں
معلومات