| شب کہ وہ مجلس فروزِ خلوتِ ناموس تھا |
| رشتۂ ہر شمع خارِ کِسوتِ فانوس تھا |
| مشہدِ عاشق سے کوسوں تک جو اُگتی ہے حنا |
| کس قدر یا رب! ہلاکِ حسرتِ پابوس تھا |
| حاصلِ الفت نہ دیکھا جز شکستِ آرزو |
| دل بہ دل پیوستہ، گویا، یک لبِ افسوس تھا |
| کیا کروں بیماریِ غم کی فراغت کا بیاں |
| جو کہ کھایا خونِ دل، بے منتِ کیموس تھا |
بحر
|
رمل مثمن محذوف
فاعِلاتن فاعِلاتن فاعِلاتن فاعِلن |
اشعار کی تقطیع
تقطیع دکھائیں
معلومات