مشہور شاعروں کے کلام سے انتخاب

29 جولائی
غزل

مرزا غالب

وہ آ کے ، خواب میں ، تسکینِ اضطراب تو دے

ولے مجھے تپشِ دل ، مجالِ خواب تو دے

کرے ہے قتل ، لگاوٹ میں تیرا رو دینا

تری طرح کوئی تیغِ نگہ کو آب تو دے

دکھا کے جنبشِ لب ہی ، تمام کر ہم کو

نہ دے جو بوسہ ، تو منہ سے کہیں جواب تو دے

وہ آ کے ، خواب میں ، تسکینِ اضطراب تو دے

مفاعِلن فَعِلاتن مفاعِلن فَعِلن

731

29 جولائی
غزل

مرزا غالب

چاک کی خواہش ، اگر وحشت بہ عریانی کرے

صبح کے مانند ، زخمِ دل گریبانی کرے

جلوے کا تیرے وہ عالم ہے کہ ، گر کیجے خیال

دیدۂ دل کو زیارت گاہِ حیرانی کرے

ہے شکستن سے بھی دل نومید ، یا رب! کب تلک

آب گینہ کوہ پر عرضِ گِراں جانی کرے

چاک کی خواہش ، اگر وحشت بہ عریانی کرے

فاعِلاتن فاعِلاتن فاعِلاتن فاعِلن

383

29 جولائی
غزل

مرزا غالب

نکتہ چیں ہے ، غمِ دل اس کو سنائے نہ بنے

کیا بنے بات ، جہاں بات بنائے نہ بنے

میں بلاتا تو ہوں اس کو ، مگر اے جذبۂ دل

اس پہ بن جائے کُچھ ایسی کہ بن آئے نہ بنے

کھیل سمجھا ہے ، کہیں چھوڑ نہ دے ، بھول نہ جائے

کاش! یوں بھی ہو کہ بن میرے ستائے نہ بنے

نکتہ چیں ہے ، غمِ دل اس کو سنائے نہ بنے

فاعِلاتن فَعِلاتن فَعِلاتن فَعِلن

749

29 جولائی
غزل

مرزا غالب

ہر قدم دوریٔ منزل ہے نمایاں مجھ سے

میری رفتار سے بھاگے ہے ، بیاباں مجھ سے

درسِ عنوانِ تماشا ، بہ تغافل خوش تر

ہے نگہ رشتۂ شیرازۂ مژگاں مجھ سے

وحشتِ آتشِ دل سے ، شبِ تنہائی میں

صورتِ دود ، رہا سایہ گریزاں مجھ سے

ہر قدم دوریٔ منزل ہے نمایاں مجھ سے

فاعِلاتن فَعِلاتن فَعِلاتن فِعْلن

911

29 جولائی
غزل

مرزا غالب

چاہیے اچھوں کو ، جتنا چاہیے

یہ اگر چاہیں تو پھر کیا چاہیے

صحبتِ رنداں سے واجب ہے حَذر

جائے مے ، اپنے کو کھینچا چاہیے

چاہنے کو تیرے کیا سمجھا تھا دل؟

بارے اب اس سے بھی سمجھا چاہیے!

چاہیے اچھوں کو ، جتنا چاہیے

فاعِلاتن فاعِلاتن فاعِلن

1829

29 جولائی
قطعہ

مرزا غالب

ہے وصل ہجر عالمِ تمکین و ضبط میں

معشوقِ شوخ و عاشقِ دیوانہ چاہیے

اُس لب سے مل ہی جاۓ گا بوسہ کبھی تو، ہاں!

شوقِ فضول و جرأتِ رندانہ چاہیے

ہے وصل ہجر عالمِ تمکین و ضبط میں

مفعول فاعلات مفاعیل فاعِلن

433

29 جولائی
قطعہ

مرزا غالب

سیماب پشت گرمیِ آئینہ دے ہے ہم

حیراں کیے ہوئے ہیں دلِ بے قرار کے

آغوشِ گل کشودہ برائے وداع ہے

اے عندلیب چل! کہ چلے دن بہار کے

سیماب پشت گرمیِ آئینہ دے ہے ہم

مفعول فاعلات مفاعیل فاعِلن

212

29 جولائی
غزل

مرزا غالب

جس زخم کی ہو سکتی ہو تدبیر رفو کی

لکھ دیجیو یا رب اسے قسمت میں عدو کی

اچھا ہے سر انگشتِ حنائی کا تصور

دل میں نظر آتی تو ہے اک بوند لہو کی

کیوں ڈرتے ہو عشاق کی بے حوصلگی سے

یاں تو کوئی سنتا نہیں فریاد کسو کی

جس زخم کی ہو سکتی ہو تدبیر رفو کی

مفعول مفاعیل مفاعیل فَعُولن

395

29 جولائی
غزل

مرزا غالب

گلشن کو تری صحبت از بسکہ خوش آئی ہے

ہر غنچے کا گل ہونا آغوش کشائی ہے

واں کنگرِ استغنا ہر دم ہے بلندی پر

یاں نالے کو اور الٹا دعوائے رسائی ہے

از بسکہ سکھاتا ہے غم ضبط کے اندازے

جو داغ نظر آیا اک چشم نمائی ہے

گلشن کو تری صحبت از بسکہ خوش آئی ہے

مفعول مفاعیلن مفعول مفاعیلن

705

29 جولائی
غزل

مرزا غالب

نقشِ نازِ بتِ طناز بہ آغوشِ رقیب

پائے طاؤس پئے خامۂ مانی مانگے

تو وہ بد خو کہ تحیر کو تماشا جانے

غم وہ افسانہ کہ آشفتہ بیانی مانگے

وہ تبِ عشق تمنا ہے کہ پھر صورتِ شمع

شعلہ تا نبضِ جگر ریشہ دوانی مانگے

نقشِ نازِ بتِ طناز بہ آغوشِ رقیب

فاعِلاتن فَعِلاتن فَعِلاتن فَعِلن

745

29 جولائی
آزاد نظم

ن م راشد

اے جہاں زاد، نشاط اس شبِ بے راہ روی کی

میں کہاں تک بھولوں؟

زور ِ مَے تھا،

کہ مرے ہاتھ کی لرزش

تھی کہ اس رات کوئی جام گرا ٹوٹ گیا

تجھے حیرت نہ ہوئی!

حسن کوزہ گر نمبر 2

فاعِلاتن فَعِلاتن فَعِلاتن فِعْلن

2544

29 جولائی
آزاد نظم

ن م راشد

جہاں زاد،

وہ حلب کی کارواں سرا کا حوض، رات وہ سکوت

جس میں ایک دوسرے سے ہم کنار تیرتے رہے

محیط جس طرح ہو دائرے کے گرد حلقہ زن

تمام رات تیرتے رہے تھے ہم

ہم ایک دوسرے کے جسم و جاں سے لگ کے

حسن کوزہ گر نمبر 3

مفاعِلن مفاعِلن مفاعِلن مفاعِلن

2636

29 جولائی
آزاد نظم

ن م راشد

جہاں زاد، نیچے گلی میں ترے در کے آگے

یہ میں سوختہ سر حسن کوزہ گر ہوں

تجھے صبح بازار میں بوڑھے عطّار یوسف

کی دکّان پر میں نے دیکھا

تو تیری نگاہوں میں وہ تابناکی

تھی میں جس کی حسرت میں نو سال دیوانہ پھرتا رہا ہوں

حسن کوزہ گر نمبر 1

فَعُولن فَعُولن فَعُولن

1934

29 جولائی
غزل

مرزا غالب

کب وہ سنتا ہے کہانی میری

اور پھر وہ بھی زبانی میری

خلشِ غمزۂ خوں ریز نہ پوچھ

دیکھ خوں نابہ فشانی میری

کیا بیاں کر کے مرا روئیں گے یار

مگر آشفتہ بیانی میری

کب وہ سنتا ہے کہانی میری

فاعِلاتن فَعِلاتن فِعْلن

1024

29 جولائی
غزل

مرزا غالب

غنچۂ نا شگفتہ کو دور سے مت دکھا، کہ یُوں

بوسے کو پُوچھتا ہوں مَیں، منہ سے مجھے بتا کہ یُوں

پُرسشِ طرزِ دلبری کیجئے کیا؟ کہ بن کہے

اُس کے ہر اک اشارے سے نکلے ہے یہ ادا کہ یُوں

رات کے وقت مَے پیے ساتھ رقیب کو لیے

آئے وہ یاں خدا کرے، پر نہ خدا کرے کہ یُوں

غنچۂ نا شگفتہ کو دور سے مت دکھا، کہ یُوں

مفتَعِلن مفاعِلن مفتَعِلن مفاعِلن

728

29 جولائی
غزل

مرزا غالب

دل ہی تو ہے نہ سنگ و خشت، درد سے بھر نہ آئے کیوں؟

روئیں گے ہم ہزار بار ۔کوئی ہمیں ستائے کیوں؟

دَیر نہیں، حرم نہیں، در نہیں، آستاں نہیں

بیٹھے ہیں رہ گزر پہ ہم، غیر * ہمیں اُٹھائے کیوں؟

جب وہ جمالِ دل فروز، صورتِ مہرِ نیم روز

آپ ہی ہو نظارہ سوز ۔پردے میں منہ چھپائے کیوں؟

دل ہی تو ہے نہ سنگ و خشت، درد سے بھر نہ آئے کیوں؟

مفتَعِلن مفاعِلن مفتَعِلن مفاعِلن

1135

29 جولائی
غزل

مرزا غالب

مزے جہان کے اپنی نظر میں خاک نہیں

سوائے خونِ جگر، سو جگر میں خاک نہیں

مگر غبار ہُوے پر ہَوا اُڑا لے جائے

وگرنہ تاب و تواں بال و پر میں خاک نہیں

یہ کس بہشت شمائل کی آمد آمد ہے؟

کہ غیرِ جلوۂ گُل رہ گزر میں خاک نہیں

مزے جہان کے اپنی نظر میں خاک نہیں

مفاعِلن فَعِلاتن مفاعِلن فَعِلن

626

29 جولائی
غزل

مرزا غالب

نہیں ہے زخم کوئی بخیے کے درخُور مرے تن میں

ہُوا ہے تارِ اشکِ یاس، رشتہ چشمِ سوزن میں

ہُوئی ہے مانعِ ذوقِ تماشا، خانہ ویرانی

کفِ سیلاب باقی ہے برنگِ پنبہ روزن میں

ودیعت خانۂ بے دادِ کاوش ہائے مژگاں ہوں

نگینِ نامِ شاہد ہے مرا ہر قطرہ خوں تن میں

نہیں ہے زخم کوئی بخیے کے درخُور مرے تن میں

مفاعیلن مفاعیلن مفاعیلن مفاعیلن

291

29 جولائی
غزل

مرزا غالب

دیوانگی سے دوش پہ زنّار بھی نہیں

یعنی ہمارے* جیب میں اک تار بھی نہیں

دل کو نیازِ حسرتِ دیدار کر چکے

دیکھا تو ہم میں طاقتِ دیدار بھی نہیں

ملنا ترا اگر نہیں آساں تو سہل ہے

دشوار تو یہی ہے کہ دشوار بھی نہیں

دیوانگی سے دوش پہ زنّار بھی نہیں

مفعول فاعلات مفاعیل فاعِلن

1139

29 جولائی
غزل

مرزا غالب

سب کہاں؟ کچھ لالہ و گل میں نمایاں ہو گئیں

خاک میں کیا صورتیں ہوں گی کہ پنہاں ہو گئیں!

یاد تھیں ہم کو بھی رنگارنگ بزم آرائیاں

لیکن اب نقش و نگارِ طاقِ نسیاں ہو گئیں

تھیں بنات النعشِ گردوں دن کو پردے میں نہاں

شب کو ان کے جی میں کیا آئی کہ عریاں ہو گئیں

سب کہاں؟ کچھ لالہ و گل میں نمایاں ہو گئیں

فاعِلاتن فاعِلاتن فاعِلاتن فاعِلن

489