مشہور شاعروں کے کلام سے انتخاب

29 جولائی
غزل

مرزا غالب

دائم پڑا ہُوا ترے در پر نہیں ہُوں میں

خاک ایسی زندگی پہ کہ پتھر نہیں ہُوں میں

کیوں گردشِ مدام سے گھبرا نہ جائے دل

انسان ہوں پیالہ و ساغر نہیں ہُوں میں

یا رب، زمانہ مجھ کو مٹاتا ہے کس لیے؟

لوحِ جہاں پہ حرفِ مکرّر نہیں ہُوں میں

دائم پڑا ہُوا ترے در پر نہیں ہُوں میں

مفعول فاعلات مفاعیل فاعِلن

1989

29 جولائی
شعر

مرزا غالب

زمانہ سخت کم آزار ہے، بہ جانِ اسدؔ

وگرنہ ہم تو توقعّ زیادہ رکھتے ہیں

زمانہ سخت کم آزار ہے، بہ جانِ اسدؔ

مفاعِلن فَعِلاتن مفاعِلن فَعِلن

607

29 جولائی
غزل

مرزا غالب

تیرے توسن کو صبا باندھتے ہیں

ہم بھی مضموں کی ہَوا باندھتے ہیں

آہ کا کس نے اثر دیکھا ہے

ہم بھی اک اپنی ہوا باندھتے ہیں

تیری فرصت کے مقابل اے عُمر!

برق کو پا بہ حنا باندھتے ہیں

تیرے توسن کو صبا باندھتے ہیں

فاعِلاتن فَعِلاتن فَعِلن

431

29 جولائی
غزل

مرزا غالب

حیراں ہوں، دل کو روؤں کہ پیٹوں جگر کو مَیں

مقدور ہو تو ساتھ رکھوں نوحہ گر کو مَیں

چھوڑا نہ رشک نے کہ ترے گھر کا نام لوں

ہر اک سے پُوچھتا ہوں کہ " جاؤں کدھر کو مَیں"

جانا پڑا رقیب کے در پر ہزار بار

اے کاش جانتا نہ تری رہ گزر کو مَیں

حیراں ہوں، دل کو روؤں کہ پیٹوں جگر کو مَیں

مفعول فاعلات مفاعیل فاعِلن

5192

29 جولائی
غزل

مرزا غالب

نہیں کہ مجھ کو قیامت کا اعتقاد نہیں

شبِ فراق سے روزِ جزا زیاد نہیں

کوئی کہے کہ 'شبِ مَہ میں کیا بُرائی ہے'

بلا سے آج اگر دن کو ابر و باد نہیں

جو آؤں سامنے اُن کے تو مرحبا نہ کہیں

جو جاؤں واں سے کہیں کو تو خیر باد نہیں

نہیں کہ مجھ کو قیامت کا اعتقاد نہیں

مفاعِلن فَعِلاتن مفاعِلن فَعِلن

422

29 جولائی
غزل

مرزا غالب

یہ ہم جو ہجر میں دیوار و در کو دیکھتے ہیں

کبھی صبا کو کبھی نامہ بر کو دیکھتے ہیں

وہ آئیں گھر میں ہمارے خدا کی قدرت ہے

کبھی ہم ان کو کبھی اپنے گھر کو دیکھتے ہیں

نظر لگے نہ کہیں اُس کے دست و بازو کو

یہ لوگ کیوں مرے زخمِ جگر کو دیکھتے ہیں

یہ ہم جو ہجر میں دیوار و در کو دیکھتے ہیں

مفاعِلن فَعِلاتن مفاعِلن فَعِلن

866

29 جولائی
غزل

مرزا غالب

دل لگا کر لگ گیا اُن کو بھی تنہا بیٹھنا

بارے اپنی بے کسی کی ہم نے پائی داد، یاں

ہیں زوال آمادہ اجزا آفرینش کے تمام

مہرِ گردوں ہے چراغِ رہ گزارِ باد، یاں

دل لگا کر لگ گیا اُن کو بھی تنہا بیٹھنا

فاعِلاتن فاعِلاتن فاعِلاتن فاعِلن

263

29 جولائی
غزل

مرزا غالب

قیامت ہے کہ سن لیلیٰ کا دشتِ قیس میں آنا

تعجّب سے وہ بولا ' یوں بھی ہوتا ہے زمانے میں؟ '

دلِ نازک پہ اس کے رحم آتا ہے مجھے غالبؔ

نہ کر سرگرم اس کافر کو اُلفت آزمانے میں

قیامت ہے کہ سن لیلیٰ کا دشتِ قیس میں آنا

مفاعیلن مفاعیلن مفاعیلن مفاعیلن

339

29 جولائی
شعر

مرزا غالب

ہو گئی ہے غیر کی شیریں بیانی کارگر

عشق کا اس کو گماں ہم بے زبانوں پر نہیں

ہو گئی ہے غیر کی شیریں بیانی کارگر

فاعِلاتن فاعِلاتن فاعِلاتن فاعِلن

202

29 جولائی
غزل

مرزا غالب

دونوں جہان دے کے وہ سمجھے یہ خوش رہا

یاں آ پڑی یہ شرم کہ تکرار کیا کریں

تھک تھک کے ہر مقام پہ دو چار رہ گئے

تیرا پتہ نہ پائیں تو ناچار کیا کریں؟

کیا شمع کے نہیں ہیں ہوا خواہ اہلِ بزم؟

ہو غم ہی جاں گداز تو غم خوار کیا کریں

دونوں جہان دے کے وہ سمجھے یہ خوش رہا

مفعول فاعلات مفاعیل فاعِلن

444

29 جولائی
غزل

مرزا غالب

نالہ جُز حسنِ طلب، اے ستم ایجاد نہیں

ہے تقاضائے جفا، شکوۂ بیداد نہیں

عشق و مزدوریِ عشرت گہِ خسرو، کیا خُوب!

ہم کو تسلیم نکو نامئ فرہاد نہیں

کم نہیں وہ بھی خرابی میں، پہ وسعت معلوم

دشت میں ہے مجھے وہ عیش کہ گھر یاد نہیں

نالہ جُز حسنِ طلب، اے ستم ایجاد نہیں

فاعِلاتن فَعِلاتن فَعِلاتن فَعِلن

642

29 جولائی
غزل

مرزا غالب

ذکر میرا بہ بدی بھی، اُسے منظور نہیں

غیر کی بات بگڑ جائے تو کچھ دُور نہیں

وعدۂ سیرِ گلستاں ہے، خوشا طالعِ شوق

مژدۂ قتل مقدّر ہے جو مذکور نہیں

شاہدِ ہستئ مطلق کی کمر ہے عالَم

لوگ کہتے ہیں کہ 'ہے ' پر ہمیں‌ منظور نہیں

ذکر میرا بہ بدی بھی، اُسے منظور نہیں

فاعِلاتن فَعِلاتن فَعِلاتن فَعِلن

613

29 جولائی
غزل

مرزا غالب

کل کے لئے کر آج نہ خسّت شراب میں

یہ سُوِ ظن ہے ساقئ کوثر کے باب میں

ہیں آج کیوں ذلیل کہ کل تک نہ تھی پسند

گستاخئ فرشتہ ہماری جناب میں

جاں کیوں نکلنے لگتی ہے تن سے دمِ سماع

گر وہ صدا سمائی ہے چنگ و رباب میں

کل کے لئے کر آج نہ خسّت شراب میں

مفعول فاعلات مفاعیل فاعِلن

2733

29 جولائی
غزل

مرزا غالب

ملتی ہے خُوئے یار سے نار التہاب میں

کافر ہوں گر نہ ملتی ہو راحت عذاب میں

کب سے ہُوں۔ کیا بتاؤں جہانِ خراب میں

شب ہائے ہجر کو بھی رکھوں گر حساب میں

تا پھر نہ انتظار میں نیند آئے عمر بھر

آنے کا عہد کر گئے آئے جو خواب میں

ملتی ہے خُوئے یار سے نار التہاب میں

مفعول فاعلات مفاعیل فاعِلن

942

29 جولائی
غزل

مرزا غالب

جہاں تیرا نقشِ قدم دیکھتے ہیں

خیاباں خیاباں اِرم دیکھتے ہیں

دل آشفتگاں خالِ کنجِ دہن کے

سویدا میں سیرِ عدم دیکھتے ہیں

ترے سروِ قامت سے اک قدِ آدم

قیامت کے فتنے کو کم دیکھتے ہیں

جہاں تیرا نقشِ قدم دیکھتے ہیں

فَعُولن فَعُولن فَعُولن فَعُولن

4720

29 جولائی
غزل

مرزا غالب

عشق تاثیر سے نومید نہیں

جاں سپاری شجرِ بید نہیں

سلطنت دست بَدَست آئی ہے

جامِ مے خاتمِ جمشید نہیں

ہے تجلی تری سامانِ وجود

ذرّہ بے پرتوِ خورشید نہیں

عشق تاثیر سے نومید نہیں

فاعِلاتن فَعِلاتن فَعِلن

1313

29 جولائی
غزل

مرزا غالب

برشکالِ گریۂ عاشق ہے دیکھا چاہیے

کھِل گئی مانندِ گُل سوَ جا سے دیوارِ چمن

اُلفتِ گل سے غلط ہے دعوئ وارستگی

سرو ہے با وصفِ آزادی گرفتارِ چمن

ہے نزاکت بس کہ فصلِ گل میں معمارِ چمن

قالبِ گل میں ڈھلی ہے خشتِ دیوارِ چمن

برشکالِ گریۂ عاشق ہے دیکھا چاہیے

فاعِلاتن فاعِلاتن فاعِلاتن فاعِلن

228

29 جولائی
غزل

مرزا غالب

مت مردُمکِ دیدہ میں سمجھو یہ نگاہیں

ہیں جمع سویدائے دلِ چشم میں آہیں

مت مردُمکِ دیدہ میں سمجھو یہ نگاہیں

مفعول مفاعیل مفاعیل فَعُولن

204

29 جولائی
غزل

مرزا غالب

ہم پر جفا سے ترکِ وفا کا گماں نہیں

اِک چھیڑ ہے وگرنہ مراد امتحاں نہیں

کس منہ سے شکْر کیجئے اس لطف خاص کا

پرسش ہے اور پائے سخن درمیاں نہیں

ہم کو ستم عزیز، ستم گر کو ہم عزیز

نا مہرباں نہیں ہے اگر مہرباں نہیں

ہم پر جفا سے ترکِ وفا کا گماں نہیں

مفعول فاعلات مفاعیل فاعِلن

1712

29 جولائی
غزل

مرزا غالب

پئے نذرِ کرم تحفہ ہے 'شرمِ نا رسائی' کا

بہ خوں غلطیدۂ صد رنگ، دعویٰ پارسائی کا

نہ ہو' حسنِ تماشا دوست' رسوا بے وفائی کا

بہ مہرِ صد نظر ثابت ہے دعویٰ پارسائی کا

زکاتِ حسن دے، اے جلوۂ بینش، کہ مہر آسا

چراغِ خانۂ درویش ہو کاسہ گدائی کا

پئے نذرِ کرم تحفہ ہے 'شرمِ نا رسائی' کا

مفاعیلن مفاعیلن مفاعیلن مفاعیلن

618