مشہور شاعروں کے کلام سے انتخاب

29 جولائی
نظم

جوش ملیح آبادی

اے مرتضیٰ، مدینۂ علمِ خدا کے باب!

اسرارِ حق ہیں، تیری نگاہوں پہ بے نقاب

ہے تیری چشم فیض سے اسلام کامیاب

ہر سانس ہے مکارم اخلاق کا شباب

نقشِ سجود میں، وہ ترے سوز و ساز ہے

فرشِ حرم کو جس کی تجلی پہ ناز ہے

اے مرتضیٰ

مفعول فاعلات مفاعیل فاعِلن

409

29 جولائی
رباعی

جوش ملیح آبادی

اشعار کو زر تار قبا دیتا ہوں

افکار کو آہنگ بنا دیتا ہوں

الفاظ کو بخشتا ہوں شکلِ اصنام

آواز کو آنکھوں سے دکھا دیتا ہوں

اشعار کو زر تار قبا دیتا ہوں

275

29 جولائی
رباعی

جوش ملیح آبادی

زَردَار کا خَنّاس نہیں جاتا ہے

ہر آن کا وَسواس نہیں جاتا ہے

ہوتا ہے جو شدّتِ ہَوَس پر مَبنی

تا مَرگ وہ افلاس نہیں جاتا ہے

زَردَار کا خَنّاس نہیں جاتا ہے

270

29 جولائی
رباعی

جوش ملیح آبادی

انجام کے آغاز کو دیکھا میں نے

ماضی کے ہر انداز کو دیکھا میں نے

کل نام ترا لیا جو بُوئے گُل نے

تا دیر اُس آواز کو دیکھا میں نے

انجام کے آغاز کو دیکھا میں نے

292

29 جولائی
غزل

مرزا غالب

حسنِ مہ گرچہ بہ ہنگامِ کمال اچھا ہے

اس سے میرا مہِ خورشید جمال اچھا ہے

بوسہ دیتے نہیں اور دل پہ ہے ہر لحظہ نگاہ

جی میں کہتے ہیں کہ مفت آئے تو مال اچھا ہے

اور بازار سے لے آئے اگر ٹوٹ گیا

ساغرِ جم سے مرا جامِ سفال اچھا ہے

حسنِ مہ گرچہ بہ ہنگامِ کمال اچھا ہے

فاعِلاتن فَعِلاتن فَعِلاتن فَعِلن

643

29 جولائی
غزل

مرزا غالب

جس بزم میں تو ناز سے گفتار میں آوے

جاں کالبدِ صورتِ دیوار میں آوے

سائے کی طرح ساتھ پھریں سرو و صنوبر

تو اس قدِ دل کش سے جو گلزار میں آوے

تب نازِ گراں مایگیٔ اشک بجا ہے

جب لختِ جگر دیدۂ خوں بار میں آوے

جس بزم میں تو ناز سے گفتار میں آوے

مفعول مفاعیل مفاعیل فَعُولن

1309

29 جولائی
نظم

پروین شاکر

آج کی شب تو کسی طور گُزر جائے گی

رات گہری ہے مگر چاند چمکتا ہے ابھی

میرے ماتھے پہ ترا پیار دمکتا ہے ابھی

میری سانسوں میں ترا لمس مہکتا ہے ابھی

میرے سینے میں ترا نام دھڑکتا ہے ابھی

زیست کرنے کو مرے پاس بہت کُچھ ہے ابھی

آج کی شب تو کسی طور گُزر جائے گی

فاعِلاتن فَعِلاتن فَعِلاتن فِعْلن

1960

29 جولائی
نظم

مصطفیٰ زیدی

شیریں زبانیوں کے دریچے اُجڑ گئے

وہ لُطفِ حرف و لذّتِ حسنِ بیاں کہاں

پیچھے گُزر گئی ہے سِتاروں کی روشنی

یارو ، بسا رہے ہو نئی بستیاں کہاں

اے منزلِ ابد کے چراغو ، جواب دو

آگے اب اور ہو گا مرا کارواں کہاں

شیریں زبانیوں کے دریچے اُجڑ گئے

مفعول فاعلات مفاعیل فاعِلن

1767

29 جولائی
غزل

مرزا غالب

پا بہ دامن ہو رہا ہوں بسکہ میں صحرا نورد

خارِ پا ہیں جوہرِ آئینۂ زانو مجھے

دیکھنا حالت مرے دل کی ہم آغوشی کے وقت

ہے نگاہِ آشنا تیرا سرِ ہر مو مجھے

ہوں سراپا سازِ آہنگِ شکایت کچھ نہ پوچھ

ہے یہی بہتر کہ لوگوں میں نہ چھیڑے تو مجھے

پا بہ دامن ہو رہا ہوں بسکہ میں صحرا نورد

فاعِلاتن فاعِلاتن فاعِلاتن فاعِلن

355

29 جولائی
غزل

مرزا غالب

ہجومِ غم سے یاں تک سر نگونی مجھ کو حاصل ہے

کہ تارِ دامن و تارِ نظر میں فرق مشکل ہے

رفوئے زخم سے مطلب ہے لذت زخمِ سوزن کی

سمجھیو مت کہ پاسِ درد سے دیوانہ غافل ہے

وہ گل جس گلستاں میں جلوہ فرمائی کرے غالبؔ

چٹکنا غنچۂ گل کا صدائے خندۂ دل ہے

ہجومِ غم سے یاں تک سر نگونی مجھ کو حاصل ہے

مفاعیلن مفاعیلن مفاعیلن مفاعیلن

532

29 جولائی
غزل

مرزا غالب

میں انھیں چھیڑوں اور کچھ نہ کہیں

چل نکلتے جو مے پیے ہوتے

قہر ہو یا بلا ہو جو کچھ ہو

کاشکے تم مرے لیے ہوتے

میری قسمت میں غم گر اتنا تھا

دل بھی یا رب کئی دیے ہوتے

میں انھیں چھیڑوں اور کچھ نہ کہیں

فاعِلاتن مفاعِلن فِعْلن

838

29 جولائی
غزل

مرزا غالب

آ، کہ مری جان کو قرار نہیں ہے

طاقتِ بیدادِ انتظار نہیں ہے

دیتے ہیں جنت حیاتِ دہر کے بدلے

نشہ بہ اندازۂ خمار نہیں ہے

گِریہ نکالے ہے تیری بزم سے مجھ کو

ہائے کہ رونے پہ اختیار نہیں ہے

آ، کہ مری جان کو قرار نہیں ہے

مفتَعِلن فاعلات مفتَعِلن فِع

1944

29 جولائی
نظم

مرزا غالب

اے تازہ واردانِ بساطِ ہوائے دل

زنہار اگر تمھیں ہوسِ نائے و نوش ہے

دیکھو مجھے جو دیدۂ عبرت نگاہ ہو

میری سنو جو گوشِ نصیحت نیوش ہے

ساقی بہ جلوہ دشمنِ ایمان و آگہی

مطرب بہ نغمہ رہزنِ تمکین و ہوش ہے

اے تازہ واردانِ بساطِ ہوائے دل

مفعول فاعلات مفاعیل فاعِلن

1233

29 جولائی
غزل

مرزا غالب

ظلمت کدے میں میرے شبِ غم کا جوش ہے

اک شمع ہے دلیلِ سحر سو خموش ہے

نے مژدۂ وصال نہ نظارۂ جمال

مدت ہوئی کہ آشتیٔ چشم و گوش ہے

مے نے کیا ہے حسنِ خود آرا کو بے حجاب

اے شوق یاں اجازتِ تسلیمِ ہوش ہے

ظلمت کدے میں میرے شبِ غم کا جوش ہے

مفعول فاعلات مفاعیل فاعِلن

859

29 جولائی
غزل

مرزا غالب

جو نہ نقدِ داغِ دل کی کرے شعلہ پاسبانی

تو فسردگی نہاں ہے بہ کمینِ بے زبانی

مجھے اس سے کیا توقّع بہ زمانۂ جوانی

کبھی کودکی میں جس نے نہ سنی مری کہانی

یوں ہی دکھ کسی کو دینا نہیں خوب ورنہ کہتا

کہ مرے عدو کو یا رب ملے میری زندگانی

جو نہ نقدِ داغِ دل کی کرے شعلہ پاسبانی

فَعِلات فاعِلاتن فَعِلات فاعِلاتن

433

29 جولائی
غزل

مرزا غالب

بے اعتدالیوں سے سبک سب میں ہم ہوئے

جتنے زیادہ ہو گئے اتنے ہی کم ہوئے

پنہاں تھا دام سخت قریب آشیان کے

اڑنے نہ پائے تھے کہ گرفتار ہم ہوئے

ہستی ہماری اپنی فنا پر دلیل ہے

یاں تک مٹے کہ آپ ہم اپنی قسم ہوئے

بے اعتدالیوں سے سبک سب میں ہم ہوئے

مفعول فاعلات مفاعیل فاعِلن

1541

29 جولائی
غزل

مرزا غالب

نکوہش ہے سزا فریادئ بیدادِ دل بر کی

مبادا خندۂ دنداں نما ہو صبح محشر کی

رگِ لیلیٰ کو خاکِ دشتِ مجنوں ریشگی بخشے

اگر بو دے بجائے دانہ دہقاں نوک نشتر کی

پرِ پروانہ شاید بادبانِ کشتیٔ مے تھا

ہوئی مجلس کی گرمی سے روانی دورِ ساغر کی

نکوہش ہے سزا فریادئ بیدادِ دل بر کی

مفاعیلن مفاعیلن مفاعیلن مفاعیلن

343

29 جولائی
غزل

مرزا غالب

جنوں تہمت کشِ تسکیں نہ ہو گر شادمانی کی

نمک پاشِ خراشِ دل ہے لذت زندگانی کی

کشاکش‌ ہائے ہستی سے کرے کیا سعیِ آزادی

ہوئی زنجیر، موجِ آب کو فرصت روانی کی

پس از مردن بھی دیوانہ زیارت گاہ طفلاں ہے

شرارِ سنگ نے تربت پہ میری گل فشانی کی

جنوں تہمت کشِ تسکیں نہ ہو گر شادمانی کی

مفاعیلن مفاعیلن مفاعیلن مفاعیلن

451

29 جولائی
غزل

مرزا غالب

پھر کچھ اک دل کو بے قراری ہے

سینہ جویائے زخمِ کاری ہے

پھِر جگر کھودنے لگا ناخن

آمدِ فصلِ لالہ کاری ہے

قبلۂ مقصدِ نگاہِ نیاز

پھر وہی پردۂ عماری ہے

پھر کچھ اک دل کو بے قراری ہے

فاعِلاتن مفاعِلن فِعْلن

3193

29 جولائی
غزل

مرزا غالب

درخورِ قہر و غضب جب کوئی ہم سا نہ ہوا

پھر غلط کیا ہے کہ ہم سا کوئی پیدا نہ ہوا

بندگی میں بھی وہ آزادہ و خود بیں ہیں، کہ ہم

الٹے پھر آئے، درِ کعبہ اگر وا نہ ہوا

سب کو مقبول ہے دعویٰ تری یکتائی کا

روبرو کوئی بتِ آئینہ سیما نہ ہوا

درخورِ قہر و غضب جب کوئی ہم سا نہ ہوا

فاعِلاتن فَعِلاتن فَعِلاتن فِعْلن

589