مشہور شاعروں کے کلام سے انتخاب

29 جولائی 2020
غزل

مرزا غالب

نفَس نہ انجمنِ آرزو سے باہر کھینچ

اگر شراب نہیں انتظارِ ساغر کھینچ

"کمالِ گرمئ سعئ تلاشِ دید" نہ پوچھ

بہ رنگِ خار مرے آئینہ سے جوہر کھینچ

تجھے بہانۂ راحت ہے انتظار اے دل!

کیا ہے کس نے اشارہ کہ نازِ بستر کھینچ

نفَس نہ انجمنِ آرزو سے باہر کھینچ

مفاعِلن فَعِلاتن مفاعِلن فِعْلن

2005

29 جولائی 2020
نظم

جوش ملیح آبادی

مرد ہو، عشق سے جہاد کرو

اب مجھے بھول کر نہ یاد کرو

دل سے بیتے دنوں کی یاد مٹاؤ

نہ تو اَب خود ہی رو، نہ مجھ کو رُلاؤ

بھول جاؤ کہی سُنی باتیں!

نہ تو وہ دن ہیں اب نہ وہ راتیں

مرد ہو، عشق سے جہاد کرو

فاعِلاتن مفاعِلن فَعِلن

2459

29 جولائی 2020
غزل

مرزا غالب

شب خمارِ شوقِ ساقی رستخیز اندازہ تھا

تا محیطِ بادہ صورت خانۂ خمیازہ تھا

یک قدم وحشِت سے درسِ دفترِ امکاں کھلا

جادہ، اجزائے دو عالم دشت کا شیرازہ تھا

مانعِ وحشت خرامی ہائے لیلیٰ کون ہے؟

خانۂ مجنونِ صحرا گرد بے دروازہ تھا

شب خمارِ شوقِ ساقی رستخیز اندازہ تھا

فاعِلاتن فاعِلاتن فاعِلاتن فاعِلن

639

29 جولائی 2020
غزل

مرزا غالب

نالۂ دل میں شب اندازِ اثر نایاب تھا

تھا سپندِ بزمِ وصلِ غیر ، گو بیتاب تھا

مَقدمِ سیلاب سے دل کیا نشاط آہنگ ہے !

خانۂ عاشق مگر سازِ صدائے آب تھا

نازشِ ایّامِ خاکستر نشینی ، کیا کہوں

پہلوِ اندیشہ ، وقفِ بسترِ سنجاب تھا

نالۂ دل میں شب اندازِ اثر نایاب تھا

فاعِلاتن فاعِلاتن فاعِلاتن فاعِلن

759

29 جولائی 2020
نظم

فیض احمد فیض

اس وقت تو یوں لگتا ہے اب کچھ بھی نہیں ہے

مہتاب نہ سورج، نہ اندھیرا نہ سویرا

آنکھوں کے دریچوں پہ کسی حسن کی چلمن

اور دل کی پناہوں میں کسی درد کا ڈیرا

اس وقت تو یُوں لگتا ہے

مفعول مفاعیل مفاعیل فَعُولن

2295

29 جولائی 2020
نظم

فیض احمد فیض

چشمِ نم، جانِ شوریدہ کافی نہیں

تہمتِ عشق پوشیدہ کافی نہیں

آج بازار میں پا بہ جولاں چلو

دست اَفشاں چلو، مست و رقصاں چلو

خاک برسر چلو، خوں بہ داماں چلو

راہ تَکتا ہے سب شہرِ جاناں چلو

آج بازار میں پابجولاں چلو

فاعِلن فاعِلن فاعِلن فاعِلن

9963

29 جولائی 2020
غزل

علامہ اقبال

کبھی اے حقیقتِ منتظر نظر آ لباسِ مجاز میں

کہ ہزاروں سجدے تڑپ رہے ہیں مری جبینِ نیاز میں

تو بچا بچا کے نہ رکھ اسے ترا آئینہ ہے وہ آئینہ

کہ شکستہ ہو تو عزیزتر ہے نگاۂ آئینہ ساز میں

نہ کہیں جہاں میں اماں ملی جو اماں ملی تو کہاں ملی

مرے جرمِ خانہ خراب کو ترے عفوِ بندہ نواز میں

کبھی اے حقیقتِ منتظر نظر آ لباسِ مجاز میں

متَفاعلن متَفاعلن متَفاعلن متَفاعلن

3599

29 جولائی 2020
غزل

داغ دہلوی

یا رب ہے بخش دینا بندے کو کام تیرا

محروم رہ نہ جائے کل یہ غلام تیرا

جب تک ہے دل بغل میں ہر دم ہو یاد تیری

جب تک زباں ہے منہ میں جاری ہو نام تیرا

ہے تو ہی دینے والا پستی سے دے بلندی

اسفل مقام میرا اعلیٰ مقام تیرا

یا رب ہے بخش دینا بندے کو کام تیرا

مفعول فاعِلاتن مفعول فاعِلاتن

3719

29 جولائی 2020
غزل

مرزا غالب

سب کہاں؟ کچھ لالہ و گل میں نمایاں ہو گئیں

خاک میں کیا صورتیں ہوں گی کہ پنہاں ہو گئیں!

یاد تھیں ہم کو بھی رنگارنگ بزم آرائیاں

لیکن اب نقش و نگارِ طاقِ نسیاں ہو گئیں

تھیں بنات النعشِ گردوں دن کو پردے میں نہاں

شب کو ان کے جی میں کیا آئی کہ عریاں ہو گئیں

سب کہاں کچھ لالہ و گل میں نمایاں ہو گئیں

فاعِلاتن فاعِلاتن فاعِلاتن فاعِلن

5531

29 جولائی 2020
غزل

حکیم مومن خان مومن

اثر اس کو ذرا نہیں ہوتا

رنج راحت فزا نہیں ہوتا

تم ہمارے کسی طرح نہ ہوئے

ورنہ دنیا میں کیا نہیں ہوتا

ایک دشمن کہ چرخ ہے نہ رہے

تجھ سے یہ اے دعا نہیں ہوتا

اثر اس کو ذرا نہیں ہوتا

فاعِلاتن مفاعِلن فِعْلن

3082

29 جولائی 2020
غزل

ابراہیم ذوق

اسے ہم نے بہت ڈھونڈھا نہ پایا

اگر پایا تو کھوج اپنا نہ پایا

مقدّر پر ہی گر سود و زیاں ہے

تو ہم نے یاں نہ کچھ کھویا نہ پایا

کہے کیا ہائے زخمِ دل ہمارا

دہن پایا لبِ گویا نہ پایا

اسے ہم نے بہت ڈھونڈھا نہ پایا

مفاعیلن مفاعیلن فَعُولن

1539

29 جولائی 2020
غزل

خواجہ حیدر علی آتش

حسرتِ جلوہِ دیدار لئے پھرتی ہے

پیشِ روزن پسِ دیوار لئے پھرتی ہے

مالِ مفلس مجھے سمجھا ہے جنوں نے شاید

وحشتِ دل سرِ بازار لئے پھرتی ہے

کعبہ و دیر میں وہ خانہ بر انداز کہاں

گردشِ کافر و دیں دار لئے پھرتی ہے

حسرتِ جلوہِ دیدار لئے پھرتی ہے

فاعِلاتن فَعِلاتن فَعِلاتن فِعْلن

1562

29 جولائی 2020
غزل

جرأت

بھول گئے تم جن روزوں ہم گھر پہ بلائے جاتے تھے

ہوتے تھے کیا کیا کچھ چرچے عیش منائے جاتے تھے

کیا کیا کچھ تھی خاطرداری کیا کیا پیار کی باتیں تھیں

کس کس ڈھب سے چاہ جتا کر ربط بڑھائے جاتے تھے

کرتے تھے تم ان کی خوشامد جو تھے ہمارے محرمِ راز

ہر ہر بات پہ کیا کیا ان کے ناز اٹھائے جاتے تھے

بھول گئے تم جن روزوں ہم گھر پہ بلائے جاتے تھے

بحرِ ہندی/ متقارب مثمن مضاعف

1284

29 جولائی 2020
غزل

میر تقی میر

پتا پتا بوٹا بوٹا حال ہمارا جانے ہے

جانے نہ جانے گل ہی نہ جانے باغ تو سارا جانے ہے

آگے اس متکبر کے ہم خدا خدا کیا کرتے ہیں

کب موجود خدا کو وہ مغرور خود آرا جانے ہے

عاشق سا تو سادہ کوئی اور نہ ہو گا دنیا میں

جی کے زیاں کو عشق میں اس کے اپنا دارا جانے ہے

پتا پتا بوٹا بوٹا حال ہمارا جانے ہے

بحرِ ہندی/ متقارب مثمن مضاعف

4672

29 جولائی 2020
غزل

مرزا غالب

شب کہ برقِ سوزِ دل سے زہرۂ ابر آب تھا

شعلۂ جوّالہ ہر اک حلقۂ گرداب تھا

واں کرم کو عذرِ بارش تھا عناں گیرِ خرام

گریے سے یاں پنبۂ بالش کفِ سیلاب تھا

واں خود آرائی کو تھا موتی پرونے کا خیال

یاں ہجومِ اشک میں تارِ نگہ نایاب تھا

شب کہ برقِ سوزِ دل سے زہرۂ ابر آب تھا

فاعِلاتن فاعِلاتن فاعِلاتن فاعِلن

780

29 جولائی 2020
غزل

مرزا غالب

بزمِ شاہنشاہ میں اشعار کا دفتر کھلا

رکھیو یا رب یہ درِ گنجینہِ گوہر کھلا

شب ہوئی، پھر انجمِ رخشندہ کا منظر کھلا

اِس تکلّف سے کہ گویا بت کدے کا در کھلا

گرچہ ہوں دیوانہ، پر کیوں دوست کا کھاوں فریب

آستیں میں دشنہ پنہاں، ہاتھ میں نشتر کھلا

بزمِ شاہنشاہ میں اشعار کا دفتر کھلا

فاعِلاتن فاعِلاتن فاعِلاتن فاعِلن

1177

29 جولائی 2020
غزل

مرزا غالب

محرم نہیں ہے تو ہی نوا ہائے راز کا

یاں ورنہ جو حجاب ہے، پردہ ہے ساز کا

رنگِ شکستہ صبحِ بہارِ نظارہ ہے

یہ وقت ہے شگفتنِ گل ہائے ناز کا

تو اور سوئے غیر نظر ہائے تیز تیز

میں اور دُکھ تری مِژہ ہائے دراز کا

محرم نہیں ہے تو ہی نوا ہائے راز کا

مفعول فاعلات مفاعیل فاعِلن

1401

29 جولائی 2020
غزل

مرزا غالب

سراپا رہنِ عشق و نا گزیرِ الفتِ ہستی

عبادت برق کی کرتا ہوں اور افسوس حاصل کا

بقدرِ ظرف ہے ساقی خمارِ تشنہ کامی بھی

جو تو دریائے مے ہے، تو میں خمیازہ ہوں ساحل کا

سراپا رہنِ عشق و نا گزیرِ الفتِ ہستی

مفاعیلن مفاعیلن مفاعیلن مفاعیلن

605

29 جولائی 2020
غزل

مرزا غالب

نہ ہوگا "یک بیاباں ماندگی" سے ذوق کم میرا

حبابِ موجۂ رفتار ہے نقشِ قدم میرا

محبت تھی چمن سے لیکن اب یہ بے دماغی ہے

کہ موجِ بوئے گل سے ناک میں آتا ہے دم میرا

نہ ہوگا "یک بیاباں ماندگی" سے ذوق کم میرا

مفاعیلن مفاعیلن مفاعیلن مفاعیلن

561

29 جولائی 2020
غزل

مرزا غالب

ستائش گر ہے زاہد ، اس قدر جس باغِ رضواں کا

وہ اک گلدستہ ہے ہم بے خودوں کے طاقِ نسیاں کا

بیاں کیا کیجئے بیدادِ کاوش ہائے مژگاں کا

کہ ہر یک قطرہِ خوں دانہ ہے تسبیحِ مرجاں کا

نہ آئی سطوتِ قاتل بھی مانع ، میرے نالوں کو

لیا دانتوں میں جو تنکا ، ہوا ریشہ نَیَستاں کا

ستائش گر ہے زاہد ، اس قدر جس باغِ رضواں کا

مفاعیلن مفاعیلن مفاعیلن مفاعیلن

1932