| چشمِ نم، جانِ شوریدہ کافی نہیں |
| تہمتِ عشق پوشیدہ کافی نہیں |
| آج بازار میں پا بہ جولاں چلو |
| دست اَفشاں چلو، مست و رقصاں چلو |
| خاک برسر چلو، خوں بہ داماں چلو |
| راہ تَکتا ہے سب شہرِ جاناں چلو |
| حاکمِ شہر بھی، مجمعِ عام بھی |
| تیرِ الزام بھی، سنگِ دشنام بھی |
| صبحِ ناشاد بھی، روزِ ناکام بھی |
| ان کا دم ساز اپنے سوا کون ہے؟ |
| شہرِ جاناں میں اب باصفا کون ہے؟ |
| دستِ قاتل کے شایاں رہا کون ہے؟ |
| رختِ دل باندھ لو دل فگارو چلو |
| پھر ہمیں قتل ہو آئیں یارو چلو |
بحر
|
متدارک مثمن سالم
فاعِلن فاعِلن فاعِلن فاعِلن |
اشعار کی تقطیع
تقطیع دکھائیں
معلومات