تقطیع، شاعری اور بلاگ

مہر مبشّر بزمی

@Bazmi

مرے ہیں قاتل یہ تیرے تیور۔نظر کے بھالے سخن کے نشتر

9 مئی 2026
رباعی

مہر مبشّر بزمی
@Bazmi

عاشق تو نہیں اوروں کو رسوا کرتے

دکھ درد کا بلکہ ہیں مداوا کرتے

تم اتنے بھی نادان نہیں علم نہ ہو

پھولوں کو نہیں شاخ سے توڑا کرتے

پھول توڑنا

2 مئی 2026
غزل

مہر مبشّر بزمی
@Bazmi

جب بھی ہو میری تمہیں خاص طلب آ جانا

کبھی بچوں کو ملانے کے سبب آ جانا

یہ جو ہم کو ہے پڑا کام چلو رہنے دو

ہاں ا گر میری ضرورت پڑے تب آ جانا

رو پڑا سن کے میں حالات ترے لوگوں سے

اب کے میں آپ سے کہتا ہوں کہ اب آ جانا

ضرورت

1 مئی 2026
نا مکمل

مہر مبشّر بزمی
@Bazmi

پوچھتے روز ہی ہو ہم سے یہی آ جائیں

ہم بھی ہر بار یہی کہتے ہیں جی آ جائیں

پہلے دیکھا ہے تماشا مرا یاں لوگوں نے

آپ بھی دیکھ لیں میری بے بسی آ جائیں

بات آپس کی ہے آپس میں ہیں طے کر لیتے

ہم میں ہے کون غلط کون سہی آ جائیں

آ جائیں

30 اپریل 2026
قطعہ

مہر مبشّر بزمی
@Bazmi

لبادہ ہے کہ بدن اسے اتار نہ دوں

عجیب سی ہے گھٹن اسے اتار نہ دوں

پھروں کہاں کہاں لے کے میں وجود بھلا

یہ راستہ ہے کٹھن اسے اتار نہ دوں

لبادہ

30 اپریل 2026
موزوں

مہر مبشّر بزمی
@Bazmi

گر تو محبت یہاں اک جرم ہے تو

ہاں ہوا ہے مجھ سے گنہگار ہوں میں

میں نہیں کہتا کہ رعایت دو مجھے

اب جو سزا ہے دو لو تیار ہوں میں

محبت جرم ہے

29 اپریل 2026
غزل

مہر مبشّر بزمی
@Bazmi

موسمِ رنگ و بو آئے

رو برو جب بھی تو آئے

کون ہے تجھ سا مری جاں

اور جتنے خوب رو آئے

میکدے میں تیرے ساقی

ایک ہم ہی با وضو آئے

روبرو جو آئے

29 اپریل 2026
قطعہ

مہر مبشّر بزمی
@Bazmi

بھلا میں کوسوں کسی کو کیوں کر، ستم زدہ بھی, میں خود ستم گر

کسی کا میں نے ہے کیا بگاڑا، تو کیوں کرے کو ئی ظلم مجھ پر

ضرر ہی کیا ہے کہو تو اس میں، پھروں میں یونہی جو در بدر گر

رکھوں کسی سے میں کیوں عداوت، مرا عدو ہے مرا مقدّر

مجھے سمجھتے ہو تم بھی پاگل، جو دیکھتے ہو یوں ہو کے ششدر

کبھی بدلتا ہے وقت تیور تو چھوڑ جاتے ہیں لوگ اکثر

داستان الم

29 اپریل 2026
قطعہ

مہر مبشّر بزمی
@Bazmi

مری تو جان بھی حاضر نچھاور مال و زر اس پر

اسے گر ہو ضرورت تو میں بیچوں گھر اسے دے دوں

میں اس کی زلف کا قیدی ہوں اس کے حکم کے تابع

اشارہ تو کرے وہ اک، اتاروں سر اسے دے دوں

اشارہ تو کرے

28 اپریل 2026
قطعہ

مہر مبشّر بزمی
@Bazmi

تو یاد رکھے کہ بھول جائے ہے تیری مرضی

مری طرف سے ختم نہ ہو گی کبھی محبت

بلا تکلف تجھے اجازت ہے ہر ستم کی

سوائے تیرے کوئی کرے کیوں ہے کس کی جرات

تجھے اجازت ہے ہر ستم کی

27 اپریل 2026
قطعہ

مہر مبشّر بزمی
@Bazmi

واں بزمِ یاراں عروج پر تھی سبھی ستارے تھے اک قمر بس

گھمائی میں نے چہار جانب رکی انہی پر مری نظر بس

وہ ایک لمحہ کہ جس میں اس نے نظر سے میری نظر ملائی

ہوا مبشر یوں سکتہ طاری کہ رات ساری گئی گزر بس

رکی انہی پر مری نظر بس

26 اپریل 2026
غزل

مہر مبشّر بزمی
@Bazmi

کل گزری مری نظروں سے تحریر کسی کی

اور گھوم گئی آنکھوں میں تصویر کسی کی

وا کر گئی ہے مجھ پہ وہ ماضی کے دریچے

شانوں پہ گری زلفِ گرہ گیر کسی کی

ہوتا ہے کسی لمس کا احساس مسلسل

لگتا ہے کہ یادیں ہیں بغلگیر کسی کی

تصویر کسی کی

25 اپریل 2026
غزل

مہر مبشّر بزمی
@Bazmi

رکھتی ہے مسلسل ہی پریشان تری یاد

کیوں چھوڑ نہیں دیتی مری جان تری یاد

ممکن ہے کسی روز مری جان ہی لے لے

اس قدر ستاتی ہے اے نادان تری یاد

کٹتی ہے کہاں عمر بھلا یاد سہارے

لگتی ہے مری موت کا سامان تری یاد

تری یاد

22 اپریل 2026
غزل

مہر مبشّر بزمی
@Bazmi

بنے ہیں قاتل تمہارے تیور

نظر کے بھالے سخن کے نشتر

سقوط دل ہے ترا تبسم

گرا دے پل میں ہزار لشکر

تمہاری پلکوں کی ایک جنبش

کرے ہزاروں ہی لوگ پاگل

سقوط دل

28 فروری 2025
آزاد نظم

مہر مبشّر بزمی
@Bazmi

خوشی کی گھڑی ہے

عجب اک سماں ہے

کوئی بچہ بوڑھا کہ کوئی جواں ہے

ہر اک ہی یہاں ہے

خوشی ان کے چہروں سے جیسے عیاں ہے

فلک پر لگی ہیں سبھی کی نگاہیں

چاند رات

3 فروری 2025
شعر

مہر مبشّر بزمی
@Bazmi

میرے تو کسی کام نہیں آئی مبشر

تدبیر، بدل دیتی ہے تقدیر سنا ہے

تدبیر

29 جنوری 2025
قطعہ

مہر مبشّر بزمی
@Bazmi

میری تو آرزوئے شہادت نہ جائے گی

گر جان میں ہے جان یہ حسرت نہ جائے گی

دشمن اگرچہ کر بھی دے چھلنی وجود کو

دل سے مرے، وطن کی محبت نہ جائے گی

وطن

28 جنوری 2025
قطعہ

مہر مبشّر بزمی
@Bazmi

کرو تدبیر تدبیروں سے بگڑے کام بنتے ہیں

چلی جاتی ہے بلی کیا یوں آنکھیں موند لینے سے

زمیں میں بیجنے پر ہی ہے بڑھتا رزق سوچو تو

خسارہ تو نہیں ہوتا یوں راہِ حق میں دینے سے

تدبیر

28 جنوری 2025
شعر

مہر مبشّر بزمی
@Bazmi

تمہیں اجازت ہے ہر ستم کی

سوا تمہارے ہے کس کی جرات

کبھی تو چھوڑے گی جان میری

یہ میری الجھن یہ میری وحشت

جرات

27 جنوری 2025
نعت

مہر مبشّر بزمی
@Bazmi

اگر شانِِِ اقدس میں بولے نہ یہ تو زباں میں اثر میرے کس کام کا ہے

نہیں دل کے گوشوں میں حب نبی تو سلام آپ پر میرے کس کام کا ہے

مرے جان و دل یہ مرا مال و زر بھی کروں گا نچھاور یہ سب آپ پر ہی

میسّر نہیں آپ کا قرب گر تو مرا مال و زر میرے کس کام کا ہے

یہاں چھوڑ کر اپنے لختِ جگر بھی سبھی اقرباء اور یہ دیوار و در بھی

وہ روضے کی جالی نہ چومی اگر تو مقدّس سفر میرے کس کام کا ہے

کس کام کا ہے

26 جنوری 2025
غزل

مہر مبشّر بزمی
@Bazmi

وہ جن کا محور ہے ذاتِ اقدس خدا کے بندے خدا کے موتی

جنہیں نہ ڈر ہے نہ ہیں پشیماں ملے ہیں صبر و رضا کے موتی

چلو کہ بڑھ کے سمیٹ لیتے ہیں اس سے پہلے بکھر نہ جائیں

بڑی ہی مشکل سے ہاتھ آئے ہیں اپنے مہر و وفا کے موتی

کسی بے غیرت نے اپنے ہاتھوں ہوس کی منڈی میں بیچ ڈالے

کسی کے ہاتھوں بنے کھلونا کسی کے شرم و حیا کے موتی

موتی

23 جنوری 2025
غزل

مہر مبشّر بزمی
@Bazmi

جانے کتنے ہی غم سہہ گئے ہیں

ہم ستم در ستم سہہ گئے ہیں

دشمنِ جاں بنی ہے یہ فرقت

بے رخی تو صنم سہہ گئے ہیں

کیا بتائیں تمہیں وقت رخصت

ہو گئی آنکھ نم سہہ گئے ہیں

فراقِ صنم

21 جنوری 2025
شعر

مہر مبشّر بزمی
@Bazmi

بے خوابی کی علامت ہے مری آنکھوں کی لالی

تری رنگینی کا مظہر تری آنکھوں کا سرمہ

شوخیاں

20 جنوری 2025
غزل

مہر مبشّر بزمی
@Bazmi

بنا اب تک نہیں پیمانہ احساسات کا دلبر

محبّت ہو کہ نفرت ہو ہے اس جھنجھٹ سے بالا تر

یوں دیوانوں کے جیسے تم یہ جذبے ناپنا چھوڑو

نہ ان چوڑی کے ٹکڑوں سے نہ بازو اپنے پھیلا کر

نہیں حاصل ہے فوقیّت کسی کو ما سوا تقوی

خدا کے ہاں برابر ہیں کوئی برتر نہ ہی کم تر

محبّت

20 جنوری 2025
قطعہ

مہر مبشّر بزمی
@Bazmi

بچپن کے دن تھے اور ہم رہتے جدا نہ تھے

کچھ درد تھے مگر وہ تب لا دوا نہ تھے

کیوں جان لے رہی ہے یہ تشنگی مری

وہ پاس تھا تو جذبوں سے آشنا نہ تھے

تشنگی

20 جنوری 2025
شعر

مہر مبشّر بزمی
@Bazmi

بہت عرصہ جسے رکھا ہے سینے سے لگا کر

بڑی تسکین ملی ہو گی وہ تصویر جلا کر

وہ تصویر جلا کر

19 جنوری 2025
نعت

مہر مبشّر بزمی
@Bazmi

سرورِ انبیا احمدِ مجتبٰی شانِ صلِّ علٰی اے حبیبِ خدا

روزِ محشر بھلا کون ہے آسرا اس خطا کار کا ایک تیرے سوا

جان و دل، مال و زر ،اقربا آپ پر پاس میرے ہے جو سب نچھاور کروں

آپ کا قرب ہی جب میسّر نہ ہو تو مرا مال و زر میرے کس کام کا

آپ سے دو جہاں میں نہ برتر کوئی سچ تو یہ آپ کا ہے نہ ہمسر کوئی

ہر کسی سے جدا آپ کی ہر ادا رب بنایا نہیں آپ سا دوسرا

مدحتِ سرکارِ مدینہ

19 جنوری 2025
شعر

مہر مبشّر بزمی
@Bazmi

با خدا با خدا جب وہ میرا صنم بام پر آ گیا چاندنی رات میں

ٹوٹ کر گر پڑے سب نجومِ فلک چاند شرما گیا چاندنی رات میں