| رکھتی ہیں ہمیشہ ہی پریشان وہ یادیں |
| کیوں چھوڑ نہیں دیتیں مری جان وہ یادیں |
| مدّت ہوئی وہ شخص مجھے چھوڑ گیا ہے |
| تب سے ہی مرے پاس ہیں مہمان وہ یادیں |
| رکھتا ہے کہاں کوئی مسیحا سے عداوت |
| ہیں جان کی دشمن بنی نادان وہ یادیں |
| میں کیسے کہوں میرا تو ہیں درد بڑھاتی |
| کچھ لوگوں کے ہیں درد کا درمان وہ یادیں |
| میں نے تو انہیں رکھا ہے سینے سے لگا کر |
| کرتی ہیں مگر میرا ہی نقصان وہ یادیں |
| کرتی ہیں تعاقب وہ مرا مہر مبشّر |
| ہر سمت اٹھائے ہوئے طوفان وہ یادیں |
معلومات