مشہور شاعروں کے کلام سے انتخاب

29 جولائی 2020
غزل

جوش ملیح آبادی

عشوؤں کو چین ہی نہیں آفت کئے بغیر

تم اور مان جاؤ شرارت کئے بغیر

اہلِ نظر کو یار دکھاتا رہِ وفا

اے کاش ذکرِ دوزخ و جنت کئے بغیر

اب دیکھ اُس کا حال کہ آتا نہ تھا قرار

خود تیرے دل کو جس پہ عنایت کئے بغیر

عشوؤں کو چین ہی نہیں آفت کئے بغیر

مفعول فاعلات مفاعیل فاعِلن

397

29 جولائی 2020
غزل

جوش ملیح آبادی

حیرت ہے، آہِ صبح کو ساری فضا سنے

لیکن زمیں پہ بت، نہ فلک پر خدا سنے

فریادِ عندلیب سے کانپے تمام باغ

لیکن نہ گل، نہ غنچہ، نہ بادِ صبا سنے

خود اپنی ہی صداؤں سے گونجے ہوئے ہیں کان

کوئی کسی کی بات سنے بھی تو کیا سنے

حیرت ہے، آہِ صبح کو ساری فضا سنے

مفعول فاعلات مفاعیل فاعِلن

377

29 جولائی 2020
غزل

فیض احمد فیض

بے دم ہوئے بیمار دوا کیوں‌ نہیں ‌دیتے

تم اچھے مسیحا ہو شفا کیوں‌ نہیں ‌دیتے

دردِ شبِ ہجراں‌ کی جزا کیوں‌ نہیں دیتے

خونِ دلِ وحشی کا صلہ کیوں ‌نہیں دیتے

ہاں ‌نکتہ ورو لاؤ لب و دل کی گواہی

ہاں‌ نغمہ گرو ساز‌ صدا کیوں‌ نہیں‌ دیتے

بے دم ہوئے بیمار دوا کیوں‌ نہیں ‌دیتے

مفعول مفاعیل مفاعیل فَعُولن

1467

29 جولائی 2020
غزل

فیض احمد فیض

یوں سجا چاند کہ جھلکا ترے انداز کا رنگ

یوں فضا مہکی کہ بدلا مرے ہمراز کا رنگ

سایۂ چشم میں‌ حیراں رُخِ روشن کا جمال

سُرخیٔ لب میں‌ پریشاں تری آواز کا رنگ

بے پئے ہوں کہ اگر لطف کرو آخرِ شب

شیشۂ مے میں‌ ڈھلے صبح کے آغاز کا رنگ

یوں سجا چاند کہ جھلکا ترے انداز کا رنگ

فاعِلاتن فَعِلاتن فَعِلاتن فَعِلن

709

29 جولائی 2020
غزل

فیض احمد فیض

نہ گنواؤ ناوکِ نیم کش، دلِ ریزہ ریزہ گنوا دیا

جو بچے ہیں سنگ سمیٹ لو، تنِ داغ داغ لُٹا دیا

مرے چارہ گرکو نوید ہو، صفِ دشمناں کو خبر کرو

وہ جو قرض رکھتے تھے جان پر وہ حساب آج چکا دیا

کرو کج جبیں پہ سرِ کفن ، مرے قاتلوں کو گماں نہ ہو

کہ غرورِ عشق کا بانکپن ، پسِ مرگ ہم نے بھلا دیا

نہ گنواؤ ناوکِ نیم کش، دلِ ریزہ ریزہ گنوا دیا

متَفاعلن متَفاعلن متَفاعلن متَفاعلن

5293

29 جولائی 2020
نظم

فیض احمد فیض

وہ در کھلا میرے غمکدے کا

وہ آ گئے میرے ملنے والے

وہ آگئی شام، اپنی راہوں

میں فرشِ افسردگی بچھانے

وہ آگئی رات چاند تاروں

کو اپنی آزردگی سنانے

میرے ملنے والے

مَفاعلاتن مَفاعلاتن

683

29 جولائی 2020
غزل

فیض احمد فیض

وہ بتوں نے ڈالے ہیں وسوسے کہ دلوں سے خوفِ خدا گیا

وہ پڑی ہیں روز قیامتیں کہ خیالِ روزِ جزا گیا

جو نفس تھا خارِ گلو بنا، جو اٹھے تو ہاتھ لہو ہوئے

وہ نشاطِ آہ سحر گئی وہ وقارِ دستِ دعا گیا

نہ وہ رنگ فصلِ بہار کا، نہ روش وہ ابرِ بہار کی

جس ادا سے یار تھے آشنا وہ مزاجِ بادِ صبا گیا

وہ بتوں نے ڈالے ہیں وسوسے کہ دلوں سے خوفِ خدا گیا

متَفاعلن متَفاعلن متَفاعلن متَفاعلن

2112

29 جولائی 2020
غزل

فیض احمد فیض

تُجھے پُکارا ہے بے ارادہ

جو دل دُکھا ہے بہت زیادہ

نَدیم ہو تیرا حرفِ شیریں

تو رنگ پر آئے رنگِ بادہ

عَطا کرو اِک ادائے دیریں

تو اشک سے تر کریں لبادہ

تجھے پکارا ہے بے ارادہ

مَفاعلاتن مَفاعلاتن

1796

29 جولائی 2020
نظم

فیض احمد فیض

آج پھر درد و غم کے دھاگے میں

ہم پرو کر ترے خیال کے پھول

ترکِ الفت کے دشت سے چن کر

آشنائی کے ماہ و سال کے پھول

تیری دہلیز پر سجا آئے

پھر تری یاد پر چڑھا آئے

ہجر کی راکھ اور وصال کے پھول

فاعِلاتن مفاعِلن فِعْلن

1096

29 جولائی 2020
آزاد نظم

فیض احمد فیض

میرے دل میرے مسافر

ہوا پھر سے حکم صادر

کہ وطن بدر ہوں ہم تم

دیں گلی گلی صدائیں

کریں رخ نگر نگر کا

کہ سراغ کوئی پائیں

میرے دل میرے مسافر

فَعِلات فاعِلاتن فَعِلات فاعِلاتن

2395

29 جولائی 2020
نظم

فیض احمد فیض

گل ہوئی جاتی ہے افسردہ سلگتی ہوئی شام

دھل کے نکلے گی ابھی چشمۂ مہتاب سے رات

اور مشتاق نگاہوں کی سنی جائے گی

اور ان ہاتھوں سے مس ہوں گے یہ ترسے ہوئے ہاتھ

ان کا آنچل ہے، کہ رخسار، کہ پیراہن ہے

کچھ تو ہے جس سے ہوئی جاتی ہے چلمن رنگیں

گل ہوئی جاتی ہے افسردہ سلگتی ہوئی شام

فاعِلاتن فَعِلاتن فَعِلاتن فَعِلن

1830

29 جولائی 2020
نظم

فیض احمد فیض

آج اک حرف کو پھر ڈھونڈتا پھرتا ہے خیال

مد بھرا حرف کوئی، زہر بھرا حرف کوئی

دلنشیں حرف کوئی، قہر بھرا حرف کوئی

حرفِ نفرت کوئی، شمشیرِ غضب ہو جیسے

تا ابد شہرِ ستم جس سے تباہ ہو جائیں

اتنا تاریک کہ شمشان کی شب ہو جیسے

آج اک حرف کو پھر ڈھونڈتا پھرتا ہے خیال

فاعِلاتن فَعِلاتن فَعِلاتن فَعِلن

635

29 جولائی 2020
نظم

جوش ملیح آبادی

افق سے سحر مسکرانے لگی

مؤذن کی آواز آنے لگی

یہ آواز ہرچند فرسودہ ہے

جہاں سوز صدیوں سے آلودہ ہے

مگر اس کی ہر سانس میں متصل

دھڑکتا ہے اب تک محمد کا دل

آذان

فَعُولن فَعُولن فَعُولن فَعَل

958

29 جولائی 2020
غزل

الطاف حسین حالی

ہے جستجو کہ خوب سے ہے خوب تر کہاں

اب ٹھیرتی ہے دیکھئے جا کر نظر کہاں

ہیں دورِ جامِ اوّلِ شب میں خودی سے دُور

ہوتی ہے آج دیکھئے ہم کو سحر کہاں

یارب، اس اختلاط کا انجام ہو بخیر

تھا اس کو ہم سے ربط مگر اس قدر کہاں

ہے جستجو کہ خوب سے ہے خوب تر کہاں

مفعول فاعلات مفاعیل فاعِلن

2702

29 جولائی 2020
غزل

علامہ اقبال

مسجد تو بنا دی شب بھر میں ایماں کی حرارت والوں نے

من اپنا پرانا پاپی ہے برسوں میں نمازی بن نہ سکا

کیا خوب امیرِ فیصل کو سنوسی نے پیغام دیا

تو نام و نسب کا حجازی ہے پر دل کا حجازی بن نہ سکا

تر آنکھیں تو ہو جاتی ہیں پر کیا لذت اس رونے میں

جب خونِ جگر کی آمیزش سے اشک پیازی بن نہ سکا

مسجد تو بنا دی شب بھر میں ایماں کی حرارت والوں نے

بحرِ زمزمہ/ متدارک مثمن مضاعف

6914

29 جولائی 2020
نظم

ن م راشد

سوچتا ہوں کہ بہت سادہ و معصوم ہے وہ

میں ابھی اس کو شناسائے محبت نہ کروں

روح کو اس کی اسیرِ غمِ الفت نہ کروں

اُس کو رسوا نہ کروں، وقفِ مصیبت نہ کروں

سوچتا ہوں کہ ابھی رنج سے آزاد ہے وہ

واقفِ درد نہیں، خوگرِ آلام نہیں

میں اُسے واقفِ الفت نہ کروں

فاعِلاتن فَعِلاتن فَعِلاتن فَعِلن

685

29 جولائی 2020
آزاد نظم

میرا جی

زمانے میں کوئی برائی نہیں ہے

فقط اک تسلسل کا جھولا رواں ہے

یہ میں کہہ رہا ہوں

میں کوئی برائی نہیں ہوں زمانہ نہیں ہوں

تسلسل کا جھولا نہیں ہوں

مجھے کیا خبر کیا برائی میں ہے کیا زمانے میں ہے

یگانگت

فَعُولن فَعُولن فَعُولن فَعُولن

2272

29 جولائی 2020
غزل

علامہ اقبال

پھر چراغِ لالہ سے روشن ہوئے کوہ و دمن

مجھ کو پھر نغموں پہ اکسانے لگا مرغِ چمن

پھول ہیں صحرا میں اور پریاں قطار اندر قطار

اودے اودے نیلے نیلے پیلے پیلے پیرہن

برگ گل پر رکھ گئی شبنم کا موتی بادِ صبح

اور چمکاتی ہے اس موتی کو سورج کی کرن

پھر چراغِ لالہ سے روشن ہوئے کوہ و دمن

فاعِلاتن فاعِلاتن فاعِلاتن فاعِلن

3078

29 جولائی 2020
غزل

علامہ اقبال

یہ پیام دے گئی ہے مجھے بادِ صبح گاہی

کہ خودی کے عارفوں کا ہے مقام پادشاہی

تری زندگی اسی سے، تری آبرو اسی سے

جو رہی خودی تو شاہی، نہ رہی تو روسیاہی

نہ دیا نشانِ منزل مجھے اے حکیم تو نے

مجھے کیا گلہ ہو تجھ سے، تو نہ رہ نشیں نہ راہی

یہ پیام دے گئی ہے مجھے بادِ صبح گاہی

فَعِلات فاعِلاتن فَعِلات فاعِلاتن

1170

29 جولائی 2020
نظم

فیض احمد فیض

رات یوں دل میں تری کھوئی ہوئی یاد آئی

جیسے ویرانے میں چپکے سے بہار آ جائے

جیسے صحراؤں میں ہولے سے چلے بادِ نسیم

جیسے بیمار کو بے وجہ قرار آ جائے

رات یوں دل میں تری کھوئی ہوئی یاد آئی

فاعِلاتن فَعِلاتن فَعِلاتن فِعْلن

4311