تقطیع، شاعری اور بلاگ

شاعری

بھریں گے دل میں الفت دل سے نفرت ہم مٹا دیں گے

کریں گے کوششیں راہِ ہدایت پر چلا دیں گے

برا گر وقت آئے تو یہی نعرہ ہمارا ہے

لہو کا قطرہ قطرہ اے وطن تجھ پر لٹا دیں گے

جوانوں کی رگوں میں علم کی ہو شمع پھر روشن

یوں ہم فکر و تدبر کی یہ چنگاری لگا دیں گے

ہے خدا کی قسم جب وہ میرا صنم بام پر آ گیا چاندنی رات میں

چین میرا گیا میری نیندیں گئیں لٹ گیا دل تو پہلی ملاقات میں

تیری یادوں میں ہم کھو گئے ہیں ذرا دیکھیے اب ہماری طرف جانِ جاں

وعدہ تم سے رہا یہ زمانہ بھی دیکھے ذرا بس رہے تو مرے جات میں

چاہے جھوٹا زمانہ کہے ہم کو ، جب ساتھ ہے تیرا میرے کوئی ڈر نہیں

دھندلی رات میں چاند بھی چُھپ گیا عشق کر بیٹھا دل انہی لمحات میں

الہی تا بہ ابد آستانِ یار رہے

سدا یہ رحمتیں واصفؒ کے پُر مزار رہے

عؓلی و نقؓی و تقؓی باقؓر ، سکینہ بنت حسؓین

طوافِ کعبہ نو مولود کے بہار رہے

امیدوں کا یہ مرا ساتھ چھوٹے گا نہ کبھی

بروزِ حشر میں ان کا مرے قرار رہے

نہ سوال ہے نہ جواب ہے نہ ہی اور مجھ کو خیال ہے

ترا تذکرہ ہی درونِ دل مری زندگی کا مآل ہے

نہ ہوس ہے دولت و مال کی ، نہ ہی تخت کی نہ ہی تاج کی

جو بھی مل گیا کبھی زر مجھے، تو مرے لیے ہی وبال ہے

مرا کون ہے جو سوا ترے، کبھی میرا واقفِ حال ہو

تو قریب ہے رگِ جاں سے بھی، تو ہی جانتا ہے جو حال ہے