جب تو ہنستا دکھائی دیتا ہے |
سب کچھ اچھا دکھائی دیتا ہے |
اس کی آنکھوں کے اک اشارے سے |
سارا نقشہ دکھائی دیتا ہے |
وسعتِ دید ہو گئی محدود |
وہ ہی ہر جا دکھائی دیتا ہے |
آج حالت عجیب ہے دل کی |
پیار ہوتا دکھائی دیتا ہے |
مجھ میں موجود ایک شخص مجھے |
پوری دنیا دکھائی دیتا ہے |
سانس رکتی ہے تیرے جانے سے |
دم بھی گھٹتا دکھائی دیتا ہے |
میں ہوں وحشت پسند سو مجھکو |
صرف صحرا دکھائی دیتا ہے |
ہنستے ہنستے جو رو دیا نازک |
زخم گہرا دکھائی دیتا ہے |
محمد نازک |
معلومات