| سب کچھ لٹا کے آئی وطن بنتِ فاطمہؑ |
| لائی ہے ساتھ رنج و محن بنتِ فاطمہؑ |
| جس بھائی پر فدا کئے دو لاڈلے پسر |
| اس کو ہی دے سکی نہ کفن بنتِ فاطمہؑ |
| قبرِ رسول ص پر ہوا ماتم وہ الاماں |
| کرنے لگی جو اُن سے سخن بنتِ فاطمہؑ |
| ظلم و ستم سنائے گی ایک ایک اماں جان! |
| دُرُّوں کے زخم داغِ رسن بنتِ فاطمہؑ |
| جو آفتاب اور جو مہتاب ساتھ تھے |
| اُن سب پہ دیکھ آئی گہن بنتِ فاطمہؑ |
| نیزے پہ سر حُسینؑ کا رہتا تھا بیقرار |
| کہتا تھا ہائے میری بہن بنتِ فاطمہؑ |
| لوٹا گیا بتول کا گلشن وا محمدا |
| تکتی رہی اجڑتا چمن بنتِ فاطمہؑ |
| نیزوں پہ ظالموں نے اٹھائے ہیں پاک سر |
| جلتی زمیں پہ چھوڑے ہیں تن بنتِ فاطمہؑ |
| عُظمؔیٰ تمام عمر ہے مشکور آپ کی |
| اس کو عطا جو کرتی ہیں فن بنتِ فاطمہ |
معلومات