| تجھ سے نفرت میں لُطف پانے لگا |
| عشق آخر تِرا ٹِھکانے لگا |
| تُف محبت پہ خوب آنے لگا |
| عاشقوں کا میں حَظ اُڑانے لگا |
| سوچتا ہوں ضیاع عُمر ہوا |
| تنگ کاسٔہ حیات جانے لگا |
| زندگی تیری روشنی ہے کدھر؟ |
| موت کا سایہ سرسرانے لگا |
| راہ مُشکل، سفر طویل بنا |
| ہر قدم میرا لڑ کھڑانے لگا |
| پہلی شب قید کی، ہو رحم ذرا |
| طائرِ پنجرہ پھڑ پھڑانے لگا |
| بُھولتا کب مجھے وہ چہرہ تِرا |
| عالمِ خواب گُدگُدانے لگا |
| اک ملاقات تیری کا ہے اثر |
| آج کاشف بھی مُسکرانے لگا |
| ------- |
| وزن : فاعِلاتن مفاعِلن فَعِلن |
| بحر :خفیف مسدس مخبون محذوف |
| شاعر: کاشف علی عبّاس |
| © 2023 جملہ حقوق بحق شاعر محفوظ© |
معلومات