| قصر و ایوان چھوڑ آیا ہوں |
| لعل و مرجان چھوڑ آیا ہوں |
| زندگی بھر بھلا نہ پاؤ گے |
| کر کے اعلان چھوڑ آیا ہوں۔ |
| کاغذی پھول جس میں سجتے تھے |
| میں وہ گلدان چھوڑ آیا ہوں۔ |
| حال مرقد کا پوچھنے والوں |
| جگ پریشان چھوڑ آیا ہوں۔ |
| تھا میں خاکی تو خاک میں آیا |
| عظمت و آن چھوڑ آیا ہوں۔ |
| نام والے بھی دیدہ حیرت ہیں |
| اک نئی شان چھوڑ آیا ہوں |
| گھر سے نکلے تو مجھ کو پایا ہے |
| جان پہچان چھوڑ آیا ہوں۔ |
| شکر رب کا کے خلد میں پہنچا |
| دیس انجان چھوڑ آیا ہوں۔ |
| تو نے پوچھا ہے مجھ سے چھوڑا کیا |
| گھر میں قرآن چھوڑ آیا ہوں۔ |
| موت آئی علی ملے خوش خوش |
| زیست حیران چھوڑ آیا ہوں۔ |
| علی عمران |
معلومات