| برف پر چاند کی کِرنوں نے تِرا نام لِکھا |
| میں نے رادھاؔ کی طرح تُجھ کو فقط شامؔ لِکھا |
| تیری آنکھوں سے محبّت کی چھلکتی ہے مئے |
| یُوں ہی نینوں کو تیرے میں نے نہِیں جام لِکھا |
| صُبح پُھوٹی ھے کِناروں سے تِرے آنچل کے |
| کھو کے زلفوں میں تِری شام نے انجام لِکھا |
| معرکے عِشق کے سر کر تو لیئے ہیں کتنے |
| پس مجھے کاتبِ تقدِیر نے ناکام لِکھا |
| پہلے دیوِی نے مُجھے پیار کے درشن بخشے |
| پِھر مِرے نام پہ اِلزام ہی اِلزام لِکھا |
| مُجھ کو کاذِب کی گواہی نے کِیا مات مگر |
| میں نے اِس ہار کو بھی وقت کا اِنعام لِکھا |
| کیوں کرُوں اُن سے بِچھڑنے کا گِلہ اے حسرتؔ |
| ساتھ چلنا تھا مُقدّر میں ہی دو گام لِکھا |
| رشید حسرتؔ |
معلومات