سیدہ زینبِ کبریٰؑ کا قصیدہ لکھنا |
کیا بھلا میں مری اوقات یہ میرا لکھنا |
خلد کی دل میں تمنا جو تمہارے جاگے |
حضرتِ زینبِ کبریٰؑ کو وسیلہ لکھنا |
جس کے لہجے میں نظر آئے علی شیرِ خداؑ |
اس کے خُطبوں سے جو ہونا ہے وہ حملہ ! لکھنا |
میں نے قرطاس پہ جو لفظ سجائے ہیں انہیں |
سیدہ زینبِ کبریٰ ؑکو ہے تحفہ ! لکھنا |
تجھ کو خالق نے ہنر دے دیا ہے لکھنے کا |
شانِ میں آلِ محمؐد کی ہمیشہ لکھنا |
علمِ لدنی کی وارث ہیں جنابِ زینبؑ |
بنی ہاشمؑ کی انہیں کو ہے عقیلہ لکھنا |
مرتبے کا ہے یہی عین تقاضہ عُظمیٰؔ |
بنتِ زہراؑ کو سدا ثانئی زہراؑ لکھنا |
عظـــمیٰ زہـــراؔ |
معلومات