تقطیع، شاعری اور بلاگ

‎طاق پر رکھی ہوئ چند کتابوں کی طرح

‎عُمر بیتی کئ بے ربط حوالوں کی طرح

‎کیا اغیار نے دھوکہ تو کبھی اپنوں نے

‎دل نے رکھے ہیں بھرم بھولنے والوں کی طرح

‎میں تِری راہ میں پلکوں کو بچھاتی کیسے؟

‎تو نے چاہا ہی نہیں چاہنے والوں کی طرح

محبت یوں نہیں ہوتی

کہ جس کو کچے زہنوں سے بھی ہم تم جان لیتے ہیں

کسی بے نام جزبے کو محبّت مان لیتے ہیں

محبّت ٹوٹنے اور درد کو سہنے کی عادت ہے

ستم یہ ہے کہ کہتے ہیں یہ بس “چُپ “ کی عبارت ہے

محبّت الجھی سلجھی خواہشوں سے کچھ پَرے ہٹ کر، خودی کو مار دینا ہے

‏‎عشق کے سارے مراحل پار سمجھو کر گیا

‏‎موت سے پہلے یہاں پر آدمی جو مر گیا

‏‎خالی لے کے گھومتے پھرتے تھے ویرانوں میں ہم

‏‎- کاسہء دل کو ہمارے اک سوالی بھر گیا

‏‎کیا عجب ہے سلسلہ شوقِ نصابِ عشق کا

‏‎ڈھونڈنے نکلا جو خوشیاں لے کے دامن تر گیا