| عشق کے سارے مراحل پار سمجھو کر گیا |
| موت سے پہلے یہاں پر آدمی جو مر گیا |
| خالی لے کے گھومتے پھرتے تھے ویرانوں میں ہم |
| - کاسہء دل کو ہمارے اک سوالی بھر گیا |
| کیا عجب ہے سلسلہ شوقِ نصابِ عشق کا |
| ڈھونڈنے نکلا جو خوشیاں لے کے دامن تر گیا |
| کیا سُنائیں حالِ مقتل کیا کہیں کیا کیا ہوا |
| یاں بچایا دل وہاں کاندھے سے اپنے سَر گیا |
| کچھ چلا بامِ تجّلی کچھ وہیں پر رہ گیا |
| جو تِرے در سے گیا، وہ کب مکمّل گھر گیا۔ |
معلومات