| طاق پر رکھی ہوئ چند کتابوں کی طرح |
| عُمر بیتی کئ بے ربط حوالوں کی طرح |
| کیا اغیار نے دھوکہ تو کبھی اپنوں نے |
| دل نے رکھے ہیں بھرم بھولنے والوں کی طرح |
| میں تِری راہ میں پلکوں کو بچھاتی کیسے؟ |
| تو نے چاہا ہی نہیں چاہنے والوں کی طرح |
| میرا دامن بھی مِرے دِل کی طرح خالی ہے |
| بَس تِری آس میں ہوں درد کے ماروں کی طرح |
| کچھ کہوں بھی تو مِرے لفظ کہاں کافی ہیں |
| تیرے اسرار ہیں بے مہر خیالوں کی طرح |
| اس جہاں میں مِری ہستی کا کوئ مول نہیں |
| دفن کر دو مجھے بے دام خزانوں کی طرح. |
معلومات