| کافر بنوں گا کُفر کا ساماں تو کیجئے |
| پہلے گھنیری زُلف پریشاں تو کیجئے |
| اس نازِ ہوش کو کہ ہے موسیٰ پہ طعنہ زن |
| اک دن نقاب اُلٹ کے پشیماں تو کیجئے |
| عُشّاق بندگانِ خُدا ہیں خُدا نہیں |
| تھوڑا سا نرخِ حُسن کو ارزاں تو کیجئے |
| قدرت کو خود ہے حُسن کے الفاظ کا لحاظ |
| ایفا بھی ہو ہی جائے گا پیماں تو کیجئے |
| تا چند رسمِ جامہ دری کی حکایتیں |
| تکلیفِ یک تبسُّمِ پنہاں تو کیجئے |
| یُوں سر نہ ہوگی جوش کبھی عشق کی مہم |
| دل کو خرد سے دست و گریباں تو کیجئے |
بحر
|
مضارع مثمن اخرب مکفوف محذوف
مفعول فاعلات مفاعیل فاعِلن |
اشعار کی تقطیع
تقطیع دکھائیں
معلومات