دل جو ہے آگ لگا دوں اس کو - جون ایلیا - عروض

23 دسمبر 2021
غزل

جون ایلیا

دل جو ہے آگ لگا دوں اس کو

اور پھر خود ہی ہوا دوں اس کو

جو بھی ہے اس کو گنوا بیٹھا ہے

میں بھلا کیسے گنوا دوں اس کو

تجھ گماں پر جو عمارت کی تھی

سوچتا ہوں کہ میں ڈھا دوں اس کو

جسم میں آگ لگا دوں اس کے

اور پھر خود ہی بجھا دوں اس کو

ہجر کی نذر تو دینی ہے اسے

سوچتا ہوں کہ بھلا دوں اس کو

جو نہیں ہے مرے دل کی دنیا

کیوں نہ میں جون مٹا دوں اس کو

دل جو ہے آگ لگا دوں اس کو

بحر

1

1555

اشعار کی تقطیع

تقطیع دکھائیں