بحر کی معلومات

29 جولائی 2020
غزل

علامہ اقبال

یا رب! دلِ مسلم کو وہ زندہ تمنّا دے

جو قلب کو گرما دے، جو روح کو تڑپا دے

پھر وادیِ فاراں کے ہر ذرّے کو چمکا دے

پھر شوقِ تماشا دے، پھر ذوقِ تقاضا دے

محرومِ تماشا کو پھر دیدۂ بینا دے

دیکھا ہے جو کچھ میں نے اوروں کو بھی دِکھلا دے

یا رب! دلِ مسلم کو وہ زندہ تمنّا دے

مفعول مفاعیلن مفعول مفاعیلن

3215

29 جولائی 2020
غزل

مرزا غالب

گلشن کو تری صحبت از بسکہ خوش آئی ہے

ہر غنچے کا گل ہونا آغوش کشائی ہے

واں کنگرِ استغنا ہر دم ہے بلندی پر

یاں نالے کو اور الٹا دعوائے رسائی ہے

از بسکہ سکھاتا ہے غم ضبط کے اندازے

جو داغ نظر آیا اک چشم نمائی ہے

گلشن کو تری صحبت از بسکہ خوش آئی ہے

مفعول مفاعیلن مفعول مفاعیلن

755

29 جولائی 2020
غزل

مرزا غالب

اس جور و جفا پر بھی بدظن نہیں ہم تجھ سے

کیا طرفہ تمنّا ہے امیدِ کرم تجھ سے

امّیدِ نوازش میں کیوں جیتے تھے ہم آخر

سہتے ہی نہیں کوئی جب درد و الم تجھ سے

وارفتگیِ دل ہے یا دستِ تصرّف ہے

ہیں اپنے تخیّل میں دن رات بہم تجھ سے

اس جور و جفا پر بھی بدظن نہیں ہم تجھ سے

مفعول مفاعیلن مفعول مفاعیلن

517

29 جولائی 2020
شعر

مرزا غالب

زندانِ تحمل ہیں مہمانِ تغافل ہیں

بے فائدہ یاروں کو فرقِ غم و شادی ہے

زندانِ تحمل ہیں مہمانِ تغافل ہیں

مفعول مفاعیلن مفعول مفاعیلن

251

29 جولائی 2020
نظم

علامہ اقبال

یہ گنبدِ مینائی یہ عالمِ ِتنہائی

مجھ کو تو ڈراتی ہے اس دشت کی پہنائی

بھٹکا ہوا راہی میں بھٹکا ہوا راہی تو

منزل ہے کہاں تیری اے لالۂ صحرائی

خالی ہے کلیموں سے یہ کوہ و کمر ورنہ

تو شعلۂ سینائی میں شعلۂ سینائی

لالہ صحرا

مفعول مفاعیلن مفعول مفاعیلن

1867

29 جولائی 2020
غزل

میر تقی میر

ایسی گلی اک شہرِ اسلام نہیں رکھتا

جس کوچے میں وہ بت صد بدنام نہیں رکھتا

آزار نہ دے اپنے کانوں کے تئیں اے گل

آغاز مرے غم کا انجام نہیں رکھتا

ناکامیِ صد حسرت خوش لگتی نہیں ورنہ

اب جی سے گذر جانا کچھ کام نہیں رکھتا

ایسی گلی اک شہرِ اسلام نہیں رکھتا

مفعول مفاعیلن مفعول مفاعیلن

887

29 جولائی 2020
غزل

میر تقی میر

جن کے لیے اپنے تو یوں جان نکلتے ہیں

اس راہ میں وے جیسے انجان نکلتے ہیں

کیا تیر ستم اس کے سینے میں بھی ٹوٹے تھے

جس زخم کو چیروں ہوں پیکان نکلتے ہیں

مت سہل ہمیں جانو پھرتا ہے فلک برسوں

تب خاک کے پردے سے انسان نکلتے ہیں

جن کے لیے اپنے تو یوں جان نکلتے ہیں

مفعول مفاعیلن مفعول مفاعیلن

390

29 جولائی 2020
غزل

میر تقی میر

کیا کام کیا ہم نے دل یوں نہ لگانا تھا

اس جان کی جوکھوں کو اس وقت نہ جانا تھا

تھا جسم کا ترک اولیٰ ایام میں پیری کے

جاتا تھا چلا ہر دم جامہ بھی پرانا تھا

ہر آن تھی سرگوشی یا بات نہیں گاہے

اوقات ہے اک یہ بھی اک وہ بھی زمانہ تھا

کیا کام کیا ہم نے دل یوں نہ لگانا تھا

مفعول مفاعیلن مفعول مفاعیلن

578