| ربِ اعلی سے اعلی دعا مانگ لی |
| میں نے بطحا میں تھوڑی جگہ مانگ لی |
| مانگ لی میں نے تسکینِ جاں کی جگہ |
| در آقا کی ٹھنڈی ہوا مانگ لی |
| مانگ لی دین و دنیا کی دولت سبھی |
| کملی والے کی میں نے وِلا مانگ لی |
| لشکرِ دشمناں سے مجھے کیا خطر |
| دامنِ مصطفی ﷺ کی پنا مانگ لی |
| مرضِے عصیاں کی بڑھتی ہوئی تاب میں |
| خاکِ در مانگ کر میں شفا مانگ لی |
| دیکھ کر بے حسی اپنے انجام کی |
| شہرِ آقا میں میں نے قضا مانگ لی |
| مانگ کرتم نے ان سے پنا اے عتیق |
| ربِ یکتا سے اعلی عطا مانگ لی |
معلومات